A Tas Sc'ulejnac Eb' Schecab' Jesús Hechos 7:15 - Chuj San Sebastian Bible

¹⁵ 'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

Chuj San Mateo Bible

¹⁵ Icha chi' aj sc'och vin̈aj Jacob chi' d'a Egipto chi'. Ata' cham vin̈. Junjunal champax eb' co mam quicham chi' ta'.

A Tas Sc'ulejnac Eb' Schecab' Jesús Hechos 7:15 ပူးပေါင်းရင်းမြစ်များ

Gn 46:1

Xlajw cha, 'ix 'at Jacob yet' smasnil tas 'ay 'a 'a. A yic xc'och 'a Beerseba, xya'n xajmb'al 'a Dios atn sDiosal yet' smam.

Gn 47:30

A 'a stz'ey eb' in mam wicham, ata tzej 'at in niwnal tic, tzlajw cha, tzin a mucn 'a 'aj mucn eb' cha, xchi Jacob. —'Oj in b'o 'icha tzal chi mamin, xchi José.

Gn 49:33

Yic xlajw yaln jun tzo'n̈ paxti tic 'a eb' yunnal cha, yuj tas tz'aj sniwnal smucx yuj eb'. Xlajw cha, x'e'x c'otn jun 'ejm xo, xlajw xoj cha, 'ix chami.

Salmos 105:23

Tza'nxoj xc'och win Israel atn Jacob, 'ix c'och 'a Egipto cha, axta xcan cajn 'a lum slum eb' yin̈tl Cam.

Ex 1:6

A win José cha, yet' pax smasnil eb' yu'tac, yet' smasnil eb' ajun yet' win Jacob yic xc'och 'a Egipto cha, c'ojnc'ojnil 'ix cham eb' smasnil.

Ex 13:19

'Ix yaln Moisés 'a eb' to tzyij 'at eb' sniwnal win José, yujto yaljnac can win 'a eb' smam yichm eb', to tzya'cn eb' sti 'a winac chajtlto 'oj sb'o eb' 'icha tznib'j win cha. Yaljnac can win 'a eb' 'ixtic: Wal yel a Dios 'oj colwjoc eyet'oc. A yic 'oj ex yi'nc 'el 'a tic, yowlal tzeyij 'at in niwnal tic eyet'oc, xchi can José chi 'a eb'.

Nm 20:15

A eb' qui mam quichm on̈, 'ix 'atcn eb' 'a Egipto; ata c'ochnc cajn eb'. Caw niwn tiempo 'ix can eb' ta'. Palta ax eb' 'aj Egipto cha, caw wal on̈ yixtj eb' on̈, 'ixta pax 'ajnc eb' qui mam quichm chi yuj eb' on̈.

Dt 10:22

A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

Josué 24:32

Ax sb'acl win José yijnac cot eb' israel chi 'a Egipto, 'ix smucn can eb' 'a Siquem cha, atn lum smanjnac can Jacob 'a eb' yunnal Hamor, win smam win Siquem, lum jun ciente plata stojol, atn lum 'ochnc can yico'oc eb' yin̈tl José.

Josué 24:4

Xwa'n chawn̈ yunnal win Isaac cha, atn Jacob yet' Esaú. Xwa'n can lum jolmctac witz 'a yol yic lum Seir 'a Esaú, ax Jacob yet' eb' yunnal, 'ix 'atcn eb' 'a Egipto.