A Tas Sc'ulejnac Eb' Schecab' Jesús Hechos 5:36 - Chuj San Sebastian Bible

³⁶ Qui nac cot win Teudas sb'i 'e'nc 'a yic yalan̈. Cob' ya'jnac 'och sb'a win yajlil 'a scal eb' 'anma'. Cob' yaljnac winac, to caw 'ay yopiso. 'Aym chan̈e'oc ciente 'anma 'ochnc cob' yet' winac. Palta xmilx cham winac. Ax jantcn̈ej eb' cob' 'ochnc yet'oc, c'uxn sactzic can pax eb', satnc can pax 'ejm jun yic eb' cha.

Chuj San Mateo Bible

³⁶ Co naeccot jun vin̈ scuch Teudas ec'nac d'a yalan̈taxo. Yac'nacoch sb'a vin̈ yajalil d'a scal eb' anima. Yalannaquel vin̈ to te ay yopisio vin̈. Ay am junoc chan̈e' ciento vinac ochnac yed' vin̈. Palta miljicham vin̈. Axo jantac eb' ochnac yed' vin̈ chi', saclemnaccanb'at eb'. Satnacpaxcanem jun yic eb' chi'.

A Tas Sc'ulejnac Eb' Schecab' Jesús Hechos 5:36 ပူးပေါင်းရင်းမြစ်များ

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Mt 24:26

Yuj cha, toto 'ay eb' 'oj alnc 'ixtc 'ayex: 'Ab'ec, 'ayc' Cristo 'a cusltac lu'um, toto 'oj schic eb', caw man̈ 'at eyila'. Toto 'ay pax eb' 'oj alnc 'ixtic: 'Ab'ec, yaj 'a yol jun cuarto 'a yol n̈a, toto 'oj schic eb', caw man̈ e cha eyab'i'.

Mt 24:5

Yujto til wal mach 'oj' 'esnc 'el in b'i, ax yaln eb' 'ixtic: An ton tic Cristo in, 'oj schic cob' eb'. Til wal 'anma 'oj yixtc paxti eb'.

A Tas Sc'ulejnac Eb' Schecab' Jesús Hechos 21:38

Wal toc 'aj Egipto ach. Walni to ach tic, ejnac chan̈ jun owl 'a spatc win yajl pecti'. A win chi 'ijnac 'at chan̈e mil ma'm cham 'anma 'a jun cusltac lu'um, xchi win 'a 'a.

A Tas Sc'ulejnac Eb' Schecab' Jesús Hechos 5:35

Xlajw yel eb', 'ix yaln win 'ixtc 'a eb' yit yajlil cha: —Ex wit israelal, nac wal si'mb'il, tas wal tzeyutj e b'onyaj jun tzo'n̈ eb' tic.

A Tas Sc'ulejnac Eb' Schecab' Jesús Hechos 8:9

Palta ata 'ay jun winc Simón sb'i. Caw tz'ixtx paxti eb' 'anma yuj winac, yujto tzyalch sb'a win wayjlil 'a scal eb'.

Gl 2:6

A eb' checl xon yaj cha, matz in na'a, toto 'ay yopiso eb', yujto a 'a sat Dios, caw lajn on̈c qui masnil. A eb' cha, may junc xo checnb'il alb'il yuj eb' 'ayin.

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

A Schab'il Carta San Pedro 2:2

Til wal eb' 'oj b'eylb'anc jun stu b'eyb'al eb' cha. Yuj eb' cha, 'oj alxoc, to may yel'ch jun b'eyb'al yel 'aj 'ayn̈ec 'och tic.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

Apoc 17:3

Xlajw cha, 'ix sch'oxn Yespíritu Dios junx 'ayn 'a 'icha waychil. Ax jun ángel cha, in yi'n 'at 'a jun cusltac lu'um. Ata xwil jun 'ix 'ay q'ue 'a yib'n̈ jun noc' sb'i, chacchac yilx jun noc' cha. Ax 'a sniwnal, til wal sb'i 'aych 'a 'a. Caw maysch'olnil junjn sb'i chi 'a sat Dios. Uque sjolom, lajn̈e sch'a'ac.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.