A Tas Sc'ulejnac Eb' Schecab' Jesús Hechos 5:34 - Chuj San Sebastian Bible

³⁴ Palta a 'a scal ewin yajl cha, 'ay jun win fariseo, Gamaliel sb'i. Caw cuywjum 'a sley Dios. Caw wal wach' win 'a sat eb' 'anma'. 'Ix q'ue lin̈an. 'Ix ya'n 'ijxc 'el eb' schecb' Jesús jun rato.

Chuj San Mateo Bible

³⁴ Palta a d'a scal eb' vin̈ yajal chi' ay jun vin̈ fariseo scuch Gamaliel ayeq'ui. Te c'ayb'um vin̈ d'a sley Dios. B'inajnac vin̈ d'a vach'il yuj eb' anima. Ix q'ue lin̈an vin̈. Ix schecan vin̈ ic'joccanelta eb' vin̈ schecab' Jesús chi' junoc rato.

A Tas Sc'ulejnac Eb' Schecab' Jesús Hechos 5:34 ပူးပေါင်းရင်းမြစ်များ

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Jeremías 26:16

Yuj cha, 'ix yaln eb' yajl cha, yet' eb' chon̈b' chi 'a eb' ya'mal 'och sti eb' 'anma 'a Dios, yet' 'a eb' tzyalch sb'a schecb'oc Dios: Man̈ smojc tzcham jun winc tic, yujto a 'a sb'i Jehová qui Diosalec 'ix paxtin 'ayn̈ec, xchi eb'.

Jeremías 26:17

'Ay jun tzo'n̈ eb' yichmtac wincal chon̈ab', 'ix q'ue wan lin̈n eb', 'ix yaln eb' 'a eb' chon̈b' yamn yaj chi ta', xyaln eb' 'ixtic:

Jeremías 36:25

A Elnatán yet' Delaía, yet' pax Gemarías, caw 'ix tew 'och eb' 'a win rey cha, yic wach' matz n̈us win ch'an̈, palta ma'ix schaj xon win yab' tas xyal eb'.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Lc 5:17

Ax 'a jun c'u, 'ix cuywj Jesús 'a eb' 'anma'. Wocn 'ejm jun tzo'n̈ ewin fariseo ta', yet' jun tzo'n̈ ewin cuywjum 'a ley yic Moisés. Xcot ewin 'a junjn chon̈b' 'a yol yic Galilea, yet' 'a Judea. 'Ay pax ewin xcot 'a Jerusalén. Ax Jesús, caw xcheclj 'el spoder Dios 'a 'a, yic 'ix ya'n b'oxc sc'ojl eb' ya'ay.

Jn 3:10

Yuj cha, xyaln pax Jesús 'ixtic: —¿Tom mant ojcoc jun tzo'n̈ tic? Palta 'in caw cuywjum ach 'a scal eb' quit israelal si'mb'il.

A Tas Sc'ulejnac Eb' Schecab' Jesús Hechos 22:3

An tic, israel in eyet'oc. 'Aljnacn 'a chon̈b' Tarso, 'a yol yic Cilicia. Palta a 'a Jerusalén tic in q'uib' cha'an̈. Atn Gamaliel in cuyni. Caw in scuy wal 'a ley yic eb' qui mam quichmec si'mb'il. Caw tzwac' servil Dios 'a smasnil in c'ojol, 'icha tzeyutj e b'a e masnil ticnec.

A Tas Sc'ulejnac Eb' Schecab' Jesús Hechos 4:15

Yuj cha, xyaln ewinac, to tz'ijx 'el Pedro chi yet' Juan 'a yojltac ewinac, sec tzc'umj can sb'a ewin sch'ocoj.

A Tas Sc'ulejnac Eb' Schecab' Jesús Hechos 5:21

Yuj cha, ax 'a yic wan sacb'i, 'ix c'och eb' 'a yamq'uil yatut Dios. 'Ix syamn 'och eb' scuywj ta'. Ax win sat ya'mal 'och sti eb' israel 'a Dios, yet' ewin yitb'eyum, 'ix yawtn cot ewin eb' sat yajal, atn jantcn̈ej eb' yajl yaj 'a eb' israel. Xlajw cha, xchecn 'at ewin jaywn̈ ewin policía, yic tz'at cob' yi'nc 'elt ewin eb' schecb' Jesús 'a preso snani.

A Tas Sc'ulejnac Eb' Schecab' Jesús Hechos 5:27

'Ix 'at ya'nc ewin eb' schecb' Jesús 'a yojltac eb' sat yajal. Ax win sat ya'mal 'och sti eb' israel 'a Dios, 'ix aln 'a eb' 'ixtic.

A Tas Sc'ulejnac Eb' Schecab' Jesús Hechos 5:35

Xlajw yel eb', 'ix yaln win 'ixtc 'a eb' yit yajlil cha: —Ex wit israelal, nac wal si'mb'il, tas wal tzeyutj e b'onyaj jun tzo'n̈ eb' tic.