A Tas Sc'ulejnac Eb' Schecab' Jesús Hechos 5:24 - Chuj San Sebastian Bible

²⁴ Ax win sat ya'mal 'och sti eb' israel 'a Dios, yet' ewin yitb'eyum, yet' win sat stan̈mal yatut Dios, yic 'ix yab'n ewin jun tzo'n̈ cha, caw 'ix sat sc'ojl ewin si'mb'il. Ma'ix nachj 'el yuj ewinac, tas wal yaji.

Chuj San Mateo Bible

²⁴ Axo vin̈ sat sacerdote chi', eb' yetb'eyum yed' pax vin̈ yajal eb' vin̈ stan̈vumal stemplo Dios, ayic ix yab'an juntzan̈ chi' eb' vin̈, ix te sat sc'ool eb' vin̈. Maj nachajel-laj yuj eb' vin̈ tas val yaji.

A Tas Sc'ulejnac Eb' Schecab' Jesús Hechos 5:24 ပူးပေါင်းရင်းမြစ်များ

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Lc 22:4

Yuj cha, x'at win 'at sc'umc ewin sat ya'mal 'och sti eb' israel 'a Dios, yet' eb' yajl yaj 'a yatut Dios. 'Ix smol aln yet' ewinac, tas 'oj yutc win ya'n 'och Jesús 'a yol sc'ab' eb'.

Lc 22:52

A ewin sat ya'mal 'och sti eb' israel 'a Dios, yet' ewin yajl yaj 'a yatut Dios, yet' ewin 'ichmtac winc 'ay yopiso, a ewin xc'och yamnoc Jesús. Yuj cha, xyaln 'a ewin 'ixtic: —¿Tas waj tzeyila? ¿Tom 'elc'm in, yuj cha, tzex jaw yet' eyespada yet' e te 'ayin?

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

A Tas Sc'ulejnac Eb' Schecab' Jesús Hechos 2:12

Ton̈j 'ix sat sc'ojl eb' smasnil. 'Ix laj somchj chan̈ eb', 'ix laj yalnc eb' 'ixtic: —¿Tas laj wal yaj jun tzo'n̈ tic? xchi eb'.

A Tas Sc'ulejnac Eb' Schecab' Jesús Hechos 4:1

A yic wan yaln Pedro yet' Juan 'a eb' 'anma', 'ix c'och ewin ya'mal 'och sti eb' israel 'a Dios, yet' win sat stan̈mal yatut Dios, yet' pax ewin saduceo.

A Tas Sc'ulejnac Eb' Schecab' Jesús Hechos 4:21

Yuj cha, swach' xib'tn cob' ewin eb'. Xlajw cha, xya'n 'el ewin eb' 'a libre. Ma'ix nachj 'el yuj ewinac, tas tzyutj ewin ya'n 'och syailal eb', yujto smasnil eb' 'anma xaln wach' paxti 'a Dios, yuj jun xb'o yuj eb' cha.

A Tas Sc'ulejnac Eb' Schecab' Jesús Hechos 5:23

'Ix yaln ewin 'ixtic: —Xquil on̈, caw wach' yajch sc'ab' te preso cha. Ax eb' tan̈m preso cha, lin̈n 'ec' eb' 'a sti'. Palta ax xqui jacn te on̈, xquiln on̈, man̈x 'a mach 'ayq'ui, xchi ewinac.

A Tas Sc'ulejnac Eb' Schecab' Jesús Hechos 5:25

Palta yajn̈j wal cha, 'ay pax junx winc 'ix c'ochi. 'Ix yaln 'a ewin 'ixtic: —A wal eb' xcob' eya'ch 'a preso, 'ayc' eb' 'a yamq'uil yatut Dios ticnec. Wan scuywj eb' 'a eb' 'anma', xchi winac.

A Tas Sc'ulejnac Eb' Schecab' Jesús Hechos 5:26

Yuj cha, ax win sat stan̈mal yatut Dios, yet' ewin policía, x'at yi'nc cot ewin eb'. Palta man̈toc amancotn xit' yutc ewin yi'n cot eb', yujto xiw ewin sjul q'uenax yuj eb' 'anma'.