A Tas Sc'ulejnac Eb' Schecab' Jesús Hechos 4:32 - Chuj San Sebastian Bible

³² Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Chuj San Mateo Bible

³² Jantacn̈ej eb' ix ac'anoch Jesús d'a sc'ool, jun lajann̈ej ix yutej spensar eb'. Junc'olalxon̈ej ix aj eb'. Malaj junoc mach ix alan yicoc junoc tas sch'ocoj. Yujto a jantacn̈ej tas ay d'a eb', junn̈ej ix yutej eb' smasanil.

A Tas Sc'ulejnac Eb' Schecab' Jesús Hechos 4:32 ပူးပေါင်းရင်းမြစ်များ

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

A Tas Sc'ulejnac Eb' Schecab' Jesús Hechos 1:14

Junjn c'u, tzyamn sb'a eb' smasnil, tzleslwi eb' 'a Dios. 'Ay pax eb' 'ix 'ix tzleslwi yet' eb'. 'Ayc' María, atn snun Jesús. 'Ayc' pax eb' yu'tac.

A Tas Sc'ulejnac Eb' Schecab' Jesús Hechos 2:1

Yic 'ix japx sc'ul q'uin̈ Pentecostés, junn̈j 'aj 'ix syam sb'a eb' creyente smasnil.

A Tas Sc'ulejnac Eb' Schecab' Jesús Hechos 5:12

Ax eb' schecb' Jesús, til wal milagro 'ix ch'ox eb'. Caw 'ix ch'oxl eb' spoder Dios 'a scal eb' 'anma'. A 'a jun scorredoral yatut Dios tzcuch Yic Salomón, ata tzyam sb'a eb' creyente smasnil.

Ro 12:5

'Icha qui niwnalec tic, 'ixta on̈ec. Wach'xam niwn on̈ec, palta 'icha to junn̈j 'anmal cajc 'a yol sc'ab' Cristo. 'Icha jun tzo'n̈ tastc 'ay 'a junc niwnal cha, to junn̈j yaji, 'ixta 'on̈ec, junn̈j cajc pax qui masnil.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.