A Tas Sc'ulejnac Eb' Schecab' Jesús Hechos 28:4 - Chuj San Sebastian Bible

⁴ 'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.

Chuj San Mateo Bible

⁴ Ayic ix yilan eb' aj chon̈ab' chi' to ix can chinan noc' d'a sc'ab' vin̈, ix yalan eb': —A jun vin̈ tic, tecan mac'umcham anima vin̈. Vach'chom ix yac' ganar vin̈ scolchaj d'a yib'an̈ a' mar tic, palta yovalil ol scha spac smul vin̈ chi', ol cham vin̈, xchi eb'.

A Tas Sc'ulejnac Eb' Schecab' Jesús Hechos 28:4 ပူးပေါင်းရင်းမြစ်များ

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 43:20

'Oj yi' chan̈ e no calte'al noc' in b'i, atn no 'oques yet' no tucul, yujto 'oj wac' pac' a a 'a lum cusltac lu'um, ax wa'n b'ey yoctc a a chi 'a lum tacn̈ lu'um. Yuj eyu'n a ax in chon̈b' ex tic, to sic'b'ilx 'el wu'uj, yuj cha, 'ixta 'oj wutoc.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Mt 27:25

Yuj cha, xlaj yalnc eb' smasnil 'ixtc 'a winac: —Can cab' 'a quib'n̈ on̈, yet' 'a yib'n̈ eb' quin̈tl on̈, xchi eb'.

Lc 13:2

Yuj cha xyaln Jesús 'a eb' 'ixtic: ¿Tas yuj 'ixta x'aj ewin 'aj Galilea chi tze na'a? ¿Yuj am to yel caw 'ajmul ewin 'a yib'n̈ eb' yit chon̈b' cha?

Lc 13:4

Nac cot wajxclajn̈wan̈ eb' xcham 'a Siloé, yic 'ix lan̈chj cot jun niwquil n̈a chan̈ stel 'a yib'n̈ eb'. ¿Tas yuj 'ixta x'aj eb' tze na'a? ¿Yuj am to caw 'ajmul eb' 'a yib'n̈ eb' yit 'aj Jerusalen̈al cha?

Jn 7:24

Ax tic, man̈ e comn b'eyc'ojloc junc mach 'a 'ichn̈j ta'. Toto 'ay mach tze b'eyc'ojlej, caw wach'n̈j tzeyutj e b'eyc'ojlani, xchi Jesús 'a eb'.

A Tas Sc'ulejnac Eb' Schecab' Jesús Hechos 28:2

Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈.

A Tas Sc'ulejnac Eb' Schecab' Jesús Hechos 28:3

Ax Pablo x'at me'nc cot jun tzo'n̈ xo tacn̈ b'olob'. Yic wan ya'n 'at te 'a yib'n̈ c'ac', 'ay jun no chan x'elt 'a scal te yuj te c'ac' cha. 'Ix schin no sc'ab' Pablo cha, xcan t'un̈n no 'a 'a.

A Tas Sc'ulejnac Eb' Schecab' Jesús Hechos 28:5

Palta ax Pablo, ton̈j 'ix stzic sc'ab', 'ix 'em lan̈njoc no 'a scal c'ac' cha, may xon jac x'aj yuj no'.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.