A Tas Sc'ulejnac Eb' Schecab' Jesús Hechos 28:29 - Chuj San Sebastian Bible

²⁹ [Yic xlajw yaln Pablo jun tzo'n̈ tic, 'ix 'atx eb' yit israelal cha, caw niwn 'ix stej sb'a eb' yuj jun tzo'n̈ xyab' cha.]

A Tas Sc'ulejnac Eb' Schecab' Jesús Hechos 28:29 ပူးပေါင်းရင်းမြစ်များ

Mt 10:34

Man̈ e na', to in jaw wul wac' junc'ojlal 'a eb' 'anma 'a yolyib'n̈q'uinl tic. Man̈ yujoc yoch junc'ojlal 'a scal eb' in jawi, palta yuj yoch owl 'a scal eb'.

Lc 12:51

¿Tom tze na'a, to in jaw wul wac' junc'ojlal 'a eb' 'anma 'a yolyib'n̈q'uinl tic? Tzwal 'ayex ma'ay. Palta yuj yoch pojjb'ail in jawi.

Jn 7:40

Xlajw yab'n eb' 'anma chi tas 'ix yal Jesús, 'ay eb' xlaj aln 'ixtic: —Wal yel, atn jun schecb' Dios tic tan̈b'il xon sjaw cujec, xchi eb'.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

A Tas Sc'ulejnac Eb' Schecab' Jesús Hechos 28:28

Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.

A Tas Sc'ulejnac Eb' Schecab' Jesús Hechos 28:30

Ax Pablo cha, smajnej jun n̈a, ata xcan chab' ab'il, ax eb' xlaj c'och c'umnoc, c'uxn 'ix schaj sc'och eb'.