A Tas Sc'ulejnac Eb' Schecab' Jesús Hechos 28:26 - Chuj San Sebastian Bible

²⁶ 'Ixic, 'at al 'a jun tzo'n̈ eb' 'anma chi 'ixtic: 'Oj cob' eyab'n̈j tas tzalxi, palta ma'oj nachjc 'el eyu'uj. 'Oj cob' eyiln̈ej, palta ma'oj eyojcoc 'eli tas jun cha.

Chuj San Mateo Bible

²⁶ Ixic b'at al d'a eb' anima tic, tzalan icha tic: Val yel ol eyab'i, palta man̈ ol nachajel-laj eyuuj. Vach'chom ol eyila', palta an̈ejtona' man̈ ol nachajel-laj eyuuj, xa chi d'a eb'.

A Tas Sc'ulejnac Eb' Schecab' Jesús Hechos 28:26 ပူးပေါင်းရင်းမြစ်များ

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Is 66:4

Yuj cha, tox xin na'a tas yailal 'oj wac' jawc 'a yib'n̈ eb', a tas c'un xiw eb' yu'uj, a chi 'oj wac' jawc 'a yib'n̈ eb'. Yujto xcob' wawtc eb', palta ma'ix ta'w eb' 'ayin. In cob' 'awjoc 'a eb', palta ma'ix stz'ac eb' yab'i'; a tas matz in nib'ej, a chi sb'o eb', xchi Dios.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Lc 24:45

Xlajw cha, xya'n jawc 'a sc'ojl eb', sec tznachj 'el yuj eb' tas tz'ib'b'il can 'a Ch'an̈ U'un̈.

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

Dt 29:4

Palta mantzac yac' Jehová eyojcoc 'eli, mantzac yac' pax nachjoc 'el eyu'uj tas wal tzyal 'el'ch jun tzo'n̈ tic.