A Tas Sc'ulejnac Eb' Schecab' Jesús Hechos 27:41 - Chuj San Sebastian Bible

⁴¹ Palta 'ix smac' 'ejm sb'a te 'a yib'n̈ stza lum 'ay 'a yich a'. Yuj cha, xcan ch'apn sat te 'a lu'um, man̈x 'ic 'ib'x jab'oc. Palta ax te syo'op, wan sma'x 'el b'uychjoc te yuj a a cha.

Chuj San Mateo Bible

⁴¹ Palta ix spoq'uem sb'a te' d'a yib'an̈ q'uen arena ay d'a yich a'. Yuj chi' ix can ch'apan te' d'a q'uen arena chi'. Majxo ib'xoclaj jab'oc te'. Axo te' spatic elc'ochi van smac'jiel vecnaj te' yuj yipal a'.

A Tas Sc'ulejnac Eb' Schecab' Jesús Hechos 27:41 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:48

Sb'ojnac pax win Josafat jun tzo'n̈ te barco 'icha te yic Tarsis, yic tz'at yi'nc te q'uen oro 'a Ofir, palta ma'ix stac' s'at eb' ta', yujto 'ix pojcn te barco chi 'a Ezión-geber.

2 Cr 20:37

Xlajw cha, ax win Eliezer 'aj Maresa, yunnal Dodava, a 'ix aln can jun paxti 'a yib'n̈ Josafat 'ixtic: Caw choc' 'oj yutc Jehová sma'n poj jun tzo'n̈ tas xa mol b'oj yet' Ocozías cha, xchi. Ax x'aji, a jun tzo'n̈ barco cha, caw choc' 'ix 'aj eb', man̈xtoc 'ix stac' s'at eb' te 'aj tz'ati.

Ez 27:26

A eb' tzach 'i'n b'ey 'a yib'n̈ a cha, caw najt tzach yij 'at eb' 'a yib'n̈ a mar, ax 'ic' tzcot 'a stojlal 'aj tzq'uel c'u, a 'oj a ma'n b'uychjoc 'a yib'n̈ a'.

Ez 27:34

A yic xlajw 'el yuj a mar cha, c'uxn 'ix 'atcn smasnil chon̈ 'a yich a', yet' smasnil eb' munljum, c'uxn xlajw 'el eb' yet'oc.

A Tas Sc'ulejnac Eb' Schecab' Jesús Hechos 27:17

Xlajw sq'ue'i, 'ix sc'ann eb' jun tzo'n̈ niwc lasu, yic tzjaln n̈ac'b'oc eb' te niwquil cha. 'Ix xiw eb' sma'n 'ejm sb'a te barco 'a yib'n̈ jun stza lum tzcuch Sirte 'ay 'a snan̈l a'. Yuj cha, 'ix stijn 'emt eb' jun tzo'n̈ 'icha mantiado 'ay q'ue 'a yib'n̈ te barco cha, atn jun tzo'n̈ sma'lab'il 'ic'. Xlajw xoj cha, on̈ can 'ixta', mun xoj on̈ yij 'at te yuj 'ic'.

A Tas Sc'ulejnac Eb' Schecab' Jesús Hechos 27:30

Palta ax ewin tzmunlj 'a te barco cha, snib'j ewin sjul-l sb'a muc'uc. Yuj cha, c'ultac xyac' 'ejm t'un̈noc ewin te yune barco 'a yib'n̈ a mar. Ax tzyutj ewin yalni, to a jun tzo'n̈ xo q'uen tzyac' 'ejm ewin 'a sat te niwquil barco cha, sec may mach 'ojtnac, tas wan sb'on ewinac.

A Tas Sc'ulejnac Eb' Schecab' Jesús Hechos 27:40

'Ix stzu'n can t'ucchjoc ewin sch'an̈l q'uen q'uen tzyamn 'och wan te barco cha. 'Ix can jun tzo'n̈ q'uen chi 'a yol a mar. 'Ix sjiyn 'el eb' sch'an̈l sch'umnb'il te 'ayt' 'a yojl a', sec wach' tztac' sch'umn eb' jun 'ejm xo. 'Ix ya'n q'ue eb' jun 'icha mantiado 'a cha'an̈, sec a tzma'x yuj 'ic', tzb'eyxi. Yuj cha, 'ix syamn 'och te s'at 'a 'aj 'ay yarenail sti a'.

A Tas Sc'ulejnac Eb' Schecab' Jesús Hechos 27:42

Ax ewin soldado cha, xcob' snib'c ewin smil cham eb' preso cha, sec may eb' tznoxw can 'eli, yic tz'atcn eb' 'eloc.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.