A Tas Sc'ulejnac Eb' Schecab' Jesús Hechos 27:24 - Chuj San Sebastian Bible

²⁴ 'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.

Chuj San Mateo Bible

²⁴ Ix yalan jun ángel chi' d'ayin icha tic: Pablo, man̈ ach xivoc, yujto yovalil ol ach c'och d'a yichan̈ vin̈ yajal d'a Roma. Uujn̈ej ol colchajcanel eb' ayec' ed' d'a yol te' barco tic yuj Dios, xchi d'ayin.

A Tas Sc'ulejnac Eb' Schecab' Jesús Hechos 27:24 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Gn 30:27

Xyaln win Labán 'a win 'ixtic: —Ma'ay, tzin tew 'ayach to wach'n̈j aj wet'oc, yujto x'ajx wojcoc 'eli, to ojn̈ej yuj cha, 'ay syaxilal Jehová 'a wib'an̈.

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

Gn 39:5

Atax yic xya'n 'och win Potifar José yilmalc smasnil tas 'ay 'a yatut cha, xya'n Jehová syaxilal 'a yib'n̈ smasnil tastc 'ay 'a yatut yet' 'a smunljel winac.

Gn 46:3

Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

A Ch'an̈ B'ab'el Libro Yic Yab'ixal Eb' Rey 17:13

'Ix yaln Elías 'ixtc 'a 'ix: —Man̈ ach xiwoc. 'Ixic, 'at b'o tas 'icha 'ix otj aln cha. Palta tza b'ab'l b'oj junc woch chi 'a 'ixm harina cha, tza b'oln 'a stzac'ac', tzwul a'nc 'ayin, tzlajw cha, tz'at a b'onc junc eco' yet' junc yic win one cha.

A Ch'an̈ Schab'il Libro Yic Yab'ixal Eb' Rey 6:16

—Man̈ 'ach xiwoc, caw niwn mach 'ayc' quet'oc, 'ec'b'al 'a yib'n̈ eb' 'ayc' yet' eb' cha, xchi Eliseo.

Job 35:8

A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.

Lm 3:57

A 'a yic ach wawtn 'a jun c'u cha, ach jaw 'a in tz'ey, 'ix aln 'ayn 'ixtic: Man̈ ach xiwoc, xa chi.

Dn 2:24

A yic xlajw yaln Daniel chi jun tzo'n̈ tic, 'ix 'at 'a win Arioc cha, atn win x'ajx yopiso yuj win rey smiln cham eb' tzyal jelnal sb'a 'a yol yic Babilonia cha, 'ix yaln 'a win 'ixtic: —Ach wajlil, comnoc matz cham eb' tzyalch jelnal sb'a cha. 'Ij in 'at 'a yojltac win rey cha. An 'oj wala' tas tzyal 'el'ch swaych win cha, xchi.

Miqueas 5:7

A yic cha, a eb' yin̈tl Jacob 'oj canoc, 'oj yi' cot eb' wach'ilal 'a scal nan̈loc chon̈ab', 'icha tz'aj sya'xb' te c'ultc yuj n̈ab', mto yuj chicb'chan̈ tz'em 'a 'ac'wal. A Jehová 'oj 'a'nc cot jun wach'ilal cha, man̈oc 'a eb' 'anma 'oj cotoc.

Mt 10:18

'Oj ex yi't pax eb' 'a yojltac eb' niwc yajal wu'uj. 'Ixta 'oj eyaji, sec 'oj stac' eyaln 'el wab'xil 'a eb' yajl cha, yet' 'a eb' man̈ israeloc.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Jn 11:9

Yuj cha, xyaln pax 'ixtc 'a eb': —Cojquec, to 'ay lajchwe hora tz'ec' 'a junjn c'u. Toto tzon̈ b'eyc' 'a c'ual, matz on̈ comn telwi, yujto sacq'uinal.

A Tas Sc'ulejnac Eb' Schecab' Jesús Hechos 19:21

Xlajw jun tzo'n̈ cha, 'ix snan Pablo, to 'oj 'ec' 'a yol yic Macedonia yet' 'a yol yic Acaya, ax sc'och 'a Jerusalén, 'ix yaln 'ixtic: —'Oj lajwc cha, yowlal 'oj in c'och 'a Roma, xchi.

A Tas Sc'ulejnac Eb' Schecab' Jesús Hechos 23:11

Ax 'a jun 'ac'wl cha, 'ix wul sch'oxnc sb'a Cajlilec 'a Pablo cha, 'ix yaln 'ixtc 'a 'a: Pablo, man̈ ach 'och 'il, 'icha xotj aln 'el wab'xil 'a Jerusalén tic, 'ixta 'oj otc aln 'el 'a Roma, xchi Cajlilec 'a 'a.

A Tas Sc'ulejnac Eb' Schecab' Jesús Hechos 25:11

Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.

A Tas Sc'ulejnac Eb' Schecab' Jesús Hechos 27:31

Palta ax Pablo, x'at 'a win capitan̈ yet' 'a eb' soldado, xyaln 'a ewin 'ixtic: —Toto tz'el ewin 'a yol te barco tic, toxn ma'oj qui colchjec, xchi 'a eb'.

A Tas Sc'ulejnac Eb' Schecab' Jesús Hechos 27:37

'Ay 276 qui b'isl 'a yol te barco cha.

A Tas Sc'ulejnac Eb' Schecab' Jesús Hechos 27:42

Ax ewin soldado cha, xcob' snib'c ewin smil cham eb' preso cha, sec may eb' tznoxw can 'eli, yic tz'atcn eb' 'eloc.

A Tas Sc'ulejnac Eb' Schecab' Jesús Hechos 27:44

Ax jun tzo'n̈ xo eb' tza'n s'ati, 'ay eb' tz'at 'a yib'n̈ 'a'nte'. 'Ay eb' tz'at 'a yib'n̈ jun tzo'n̈ xo stel te barco cha, 'ixta xcutj qui b'a on̈. Yuj cha, on̈ colchj can 'el qui masnil on̈, on̈ 'el'ch can 'a sti a 'aj 'ay lum lu'um.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

Filemón 1:22

Yet' pax junx tic tzwalb't 'ayach, tzac' lista jac in posada ta'. Toq'ue 'oj 'el 'a sc'ojl Dios 'oj in ya't 'ayx ta', 'icha tzeyutj e leslwi.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.