A Tas Sc'ulejnac Eb' Schecab' Jesús Hechos 25:3 - Chuj San Sebastian Bible

³ 'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e.

Chuj San Mateo Bible

³ Ix och ijan eb' sc'anan d'a vin̈aj Festo chi', yic vach' tz'ic'jicot vin̈aj Pablo chi' d'a Jerusalén chi'. Ix yal eb' icha chi' yujto sgana eb' smilcham vin̈ d'a yoltac b'e.

A Tas Sc'ulejnac Eb' Schecab' Jesús Hechos 25:3 ပူးပေါင်းရင်းမြစ်များ

Pr 24:15

Man̈ e na chan̈ tu nab'enal 'a yib'n̈ eb' wach' snab'en, man̈ eyelc' 'elt tas 'ay 'a yol yatut eb',

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Jn 16:3

'Ixta 'oj ex yutc eb', yujto man̈ yojcoc eb' in Mam, man̈ in yojcoc pax eb'.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

A Tas Sc'ulejnac Eb' Schecab' Jesús Hechos 9:24

Sc'ual yac'wlil stan̈wni eb' 'a jun tzo'n̈ b'e tz'at 'a sti 'el chon̈ab', sec ata tzmil cham eb' snani. Palta xyab'n Saulo chi speclal, tas 'ix yal eb' 'a spatic.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

2 Co 11:26

Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.