A Tas Sc'ulejnac Eb' Schecab' Jesús Hechos 25:11 - Chuj San Sebastian Bible

¹¹ Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.

Chuj San Mateo Bible

¹¹ Tato ay junoc in mul smoj in cham yuj jun, in chamocab'i. Palta tato malaj in mul scheclaj yuj eb' israel tic, malaj junoc mach syal in yac'anoch d'a yol sc'ab' eb'. Tic tzin c'anb'at in b'a d'a vin̈ cajal d'a Roma. Ato vin̈ ol in ch'olb'itanoc, xchi vin̈.

A Tas Sc'ulejnac Eb' Schecab' Jesús Hechos 25:11 ပူးပေါင်းရင်းမြစ်များ

Job 31:21

Toto 'ay 'aj xwixtj junc meb'a 'unn chamnc smam, yujto wojtac an xoj tzchax 'ab'xc wic yuj eb' yajal,

Jeremías 37:18

An̈jtona', 'ix in c'anb'n 'a win rey Sedequías chi 'ixtic: —¿Tas wal in mul 'ix 'och 'aych mamin rey, yet' 'a eb' et yajlil, yet' pax 'a eb' chon̈ab', yuj cha, in a'n 'ajxoc 'och 'a preso?

A Tas Sc'ulejnac Eb' Schecab' Jesús Hechos 16:37

Palta xyaln Pablo 'a eb' policía chi 'ixtic: —An̈ tic on̈, 'aj Roma on̈ on̈, ma'ix sc'anb'j ewin yab'i', toto 'ay qui mul on̈. Palta 'in on̈ yac' ewin ma'xc 'a sat eb' 'anma 'on̈. Al ticnec, ¿tom tznib'j ewin tzon̈ sc'ultac 'a'j 'el 'a libre on̈? Ma'ay. Cot cab' ewin juez cha, a cab' wal ewin 'oj wul qui'n 'el on̈, xchi Pablo 'a eb'.

A Tas Sc'ulejnac Eb' Schecab' Jesús Hechos 18:14

'Ijn wal xpaxtin Pablo, palta xyaln win Galión 'a eb' israel chi 'ixtic: —Man̈ ex 'awjoc 'oxt 'ayn 'a tic. Q'uinloc 'ay junc maysch'olnil 'ix sb'o win tic, mto 'ay junc smul caw tu 'a sat ley. To 'ixta', tzin chaj wab' tas tzeyala.

A Tas Sc'ulejnac Eb' Schecab' Jesús Hechos 22:25

Ax yic tox 'ix sjal eb' Pablo, yic tzma'xi, 'ix yaln Pablo 'a jun win capitan̈ 'ayc' ta': —¿Tom 'ay sleyl tzin e comn maq'uej? 'In 'aj Roma in, an̈jtona', may jac in mul xcheclji, xchi.

A Tas Sc'ulejnac Eb' Schecab' Jesús Hechos 25:10

—A 'a sdespacho win yajl 'a Roma tzin c'anb't in b'a. Ata smoj tzin b'eyc'ojlaxi. 'In ojtac, caw may in mul 'ochnc 'a eb' wit israelal tic.

A Tas Sc'ulejnac Eb' Schecab' Jesús Hechos 25:12

Xlajw cha, 'ix sc'umn sb'a win Festo chi yet' jun tzo'n̈ ewin yit yajlil tz'a'n snab'enoc. Yuj cha, xyaln win 'a Pablo 'ixtic: —Ach tic, xa c'anb't a b'a 'a win yajl 'a Roma, yuj cha, ata 'oj ach wa't ta', xchi winac.

A Tas Sc'ulejnac Eb' Schecab' Jesús Hechos 25:21

Palta xyaln 'ixtc 'ayin: Tic tzin c'anb't in b'a 'a win yajl 'a Roma. At win 'oj in b'eyc'ojlani, xchi Pablo 'ayin. Yuj cha, an xo xwala to tzcan 'a preso, masnto 'oj wa't 'a win yajl cha, xchi win Festo.

A Tas Sc'ulejnac Eb' Schecab' Jesús Hechos 25:25

Palta tzin na 'an tic, may junc smul smoj scham yu'uj. Tox 'ix sc'anb't sb'a 'a win yajl 'a Roma, atn win Augusto, sec a win 'oj b'eyc'ojlanoc. Yuj cha, tzin na'a, to 'oj wa'ti.

A Tas Sc'ulejnac Eb' Schecab' Jesús Hechos 26:32

Ax win Agripa xaln 'a Festo chi 'ixtic: —Octom wal ma'ix sc'anb't sb'a win 'a win yajl 'a Roma. To 'ixta', tztac' ca'n 'el win 'a libre ticnec, xchi winac.

A Tas Sc'ulejnac Eb' Schecab' Jesús Hechos 28:19

Palta ax eb' quit israelal cha, toxn ma'ix yal sc'ojl eb' 'ixta'. Yuj cha, xin c'ann cot in b'a 'a win yajl 'a Roma tic, at win 'oj in b'eyc'olani. Palta may jac tas 'oj wa'ch 'a yib'n̈ eb' quit chon̈b' cha.

1 Ts 2:15

Atn eb' israel miljnac cham eb' yit chon̈b' 'aych schecb'oc Dios pecti'. Milb'il cham pax Cajlil Jesús yuj eb'. Ya'n pax eb' stul 'ayn̈ on̈. Caw may swach'l eb' 'a sat Dios. Caw 'ajc'ojl yajch eb' 'a smasnil eb' 'anma'.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.