A Tas Sc'ulejnac Eb' Schecab' Jesús Hechos 24:26 - Chuj San Sebastian Bible

²⁶ A win Félix cha, snib'j win to c'ultac xyac' Pablo nan̈loc tumn 'a 'a, sec tzya'l win 'a libre. Yuj cha, til wal 'ejm xyawtj cot winac, sec tzpaxtin win yet'oc.

Chuj San Mateo Bible

²⁶ A vin̈aj Félix chi', sgana vin̈ to ix yac' jab'oc tumin vin̈aj Pablo chi' d'a vin̈ d'a elc'altac, yic tz'actajel vin̈ yuj vin̈. Yuj chi' tzijtum el ix avtajcot vin̈ yuj vin̈ yic slolon vin̈ yed' vin̈.

A Tas Sc'ulejnac Eb' Schecab' Jesús Hechos 24:26 ပူးပေါင်းရင်းမြစ်များ

2 Cr 19:7

Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

Job 15:34

A eb' 'anma maysch'olnil sb'eyb'al, may yin̈tl eb' 'oj q'uib'cn cha'an̈, ax sricoal eb' xniwtj chan̈ yuj schan tumn 'a c'ultaquil, 'oj tz'a smasnil yet' yatut eb'.

Ex 23:8

Man̈ e cha q'uen c'ultac tumin yic tze b'onyaj junc owal. Yuj q'uen tumn cha, 'icha to may snab'en jun tzb'onyaj junc owl cha, ax 'a yib'n̈ jun may smul cha, ata tzya'cn 'ochi.

Pr 17:23

A eb' yajl tu snab'en, tzc'ultac chaj eb' tumin, sec man̈ wach'c tzyutj eb' sb'onyaj junc mach.

Pr 17:8

A mach tzb'eylb'an ya'n tumn 'a c'ultaquil, a 'a snab'en to wach' tz'aj 'el'chi, yujto tzann̈j 'aj tz'eq'ui, tzb'on̈j 'icha tas tznib'ej.

Pr 19:6

A eb' 'ela tzyutj sb'a, til wal mach tzsayn 'ec' eb', yuj yoch eb' swach'c'ojloc eb'.

Pr 29:4

A junc yajl wach' tzyutj sb'eyc'ojlwi, caw wach' yaj schon̈b' cha; palta a junc yajl cojn c'anj 'el tumn tzb'o'o, caw wal tzlajw 'ejm jun chon̈b' chi yu'uj.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Os 4:18

'Ix 'em eb' 'a 'ajmulal smasnil, 'icha tz'aj yem eb' 'u'm 'an̈. Man̈xtzac 'och wan eb' sb'on 'ajmulal. A eb' syajlil eb', cojxn tas q'uixweltac tznib'j eb' sb'o'.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Mt 17:3

Yajn̈j wal cha, xwul sch'oxnc 'emt sb'a Moisés yet' Elías. 'Ix paxtin eb' yet' Jesús.

A Tas Sc'ulejnac Eb' Schecab' Jesús Hechos 24:17

'Ayxm sjayloc ab'il man̈ in 'ayc 'ec' 'a Jerusalén. Yuj cha, in c'ochx jun 'ejm xo, yic tzin colwj 'a eb' meb'a', tzwa'n pax jac in siylab' 'a Dios.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 8:3

Palta a eb' 'unnab'il cha, man̈oc sb'eyb'al smam eb' chi xyi'aj. 'Ix snib'j eb' tz'och ricoal, yuj cha sc'ultac chan eb' tumin, maysch'olnil tzyutj eb' sb'onyaj junc tas.