A Tas Sc'ulejnac Eb' Schecab' Jesús Hechos 24:25 - Chuj San Sebastian Bible

²⁵ 'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

Chuj San Mateo Bible

²⁵ Ix yalan vin̈aj Pablo chi' d'a vin̈ to yovalil vach' scutej co b'eyb'al, sco cachanoch vaan co b'a yic max co c'ulej chucal. Ix yalanpax vin̈ to ol ch'olb'itaj yaj eb' anima smasanil. Ayic ix yab'an juntzan̈ chi' vin̈, ix te xiv vin̈. Ix yalan vin̈ d'a vin̈: —C'ocb'ilxo chi' tzala'. Tato ay b'aj ol och in colanil, ol ach vavtejxicoti, xchi vin̈.

A Tas Sc'ulejnac Eb' Schecab' Jesús Hechos 24:25 ပူးပေါင်းရင်းမြစ်များ

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

A Ch'an̈ Schab'il Libro Yic Yab'ixal Eb' Rey 22:19

'ix a'n 'och 'a a c'ojol, xe'n 'ejm a b'a 'a wojltac an Jehová in, 'ix 'a tzilnjat a pichul, ach 'oc' 'a wojltac, 'ix ab' tas xwala, to 'oj satl jun lugar tic, ax scatb'tzax eb' 'anma cajn 'a 'a. An̈jtona 'in, 'ix wab' tas 'ix ala, an Jehová in, an tzwal 'ayach.

Esdras 10:3

A ticnec, tzqui b'o qui trato yet' qui Diosalec, to 'oj qui chec meltzjc eb' 'ix quistzil chi 'on̈, atn eb' 'ix chuc chon̈b'al yet' yune'. 'Oj qui yicljc tas tzal ach tic, yet' jun tzo'n̈ xo eb' tzxiw 'a schecnb'il Dios et'oc, ax qui b'on 'icha yaln sley.

Esdras 10:9

Yuj cha, smasnil eb' winc yic Judá yet' eb' yic Benjamín, 'ix syam sb'a eb' 'a Jerusalén 'a yoxl c'u cha, atn 'a junc'l yoch sb'aln̈il 'uj. 'Ix 'em wocn eb' smasnil 'a yamq'uil yatut Dios, caw wal tzxiw eb' yuj jun paxti cha, tz'ib'x pax eb' yuj n̈ab' tz'ejmi.

Job 29:14

A tojlal yet' yiclumal, a chi wic yaji; 'icha to in pichl yajch 'a junjn c'u.

Salmos 11:7

Caw tojl snab'en Jehová, tzchamc'ojlej smasnil tas tojol; a eb' wach' snab'en, 'oj yil-lac 'och eb' sat yet'oc.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Pr 16:12

A eb' rey, man̈ smojc sb'on eb' tas to man̈ tojloc, yujto a tojlal, a chi 'aych yipc yopiso eb'.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Ec 12:14

A Dios, 'oj sc'anb'c 'ayn̈ec yuj smasnil tas xlaj qui b'o'ec, toto wach', mto man̈ wach'oc, wach'xam c'ultacl xqui b'o'ec.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 1:21

Ex 'aj Jerusalén, caw te'n eyaj 'a yic yalan̈, palta ax ticnec, 'icha wal junc 'ix 'ajmul 'ix, 'ixta ex 'ajcn 'a in sat. Caw wach' e b'eyb'al 'a pecti cha, tojl e nab'en, palta ax ticnec, milm ex cham 'anma'.

Is 16:5

ax jun yin̈tl can David, a 'oj 'ajxoc yopiso reyal. 'Oj yac' yajlil 'a scal 'anma yet' schamc'ojlal. Caw wach' 'oj yutc sb'on yaj eb' 'anma 'a stojlal, yajn̈ej ax tzb'onyaj eb'.

Is 32:11

Ax wal ax may tas tze na tic, xiwn̈ec cha'an̈, 'ijec 'el e pichl wach't 'aych eyu'uj; 'a'c 'och e pichl to n̈achtac sat, yic tze ch'oxn 'eli, to 'ayx 'och eyailal.

Is 41:21

A Jehová sReyl eb' yin̈tl Jacob, a tzaln 'ixtic: Cotn̈ec ex yechel, wul ch'oxc e jelnal, cotn̈ec, wul ch'oxc e colwal.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 23:29

An Jehová in, an tzwala to a in paxti', lajn yet' c'ac', lajn pax yet' q'uen almáguina to tzpoj q'uen niwc q'uen yu'uj.

Jeremías 36:16

A wal yic xyab'n ewin jun tzo'n̈ cha, caw wal 'ix xiw ewinac, 'ix 'och q'ueln junjn ewin 'a 'a, xyaln eb' 'ixtic: —Yowlal 'oj cal jun tzo'n̈ tic 'a win rey, xchi eb'.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Os 10:4

Cojn spaxtin eb', tzlaj ya'nc eb' strato 'a 'a'j 'esal. Ax smasnil b'eyc'ojlal man̈ tojloc tzyutj eb', lajn eb' 'icha te c'ultc caw c'a tzpac' 'a scal 'awal.

Os 7:5

A yic sc'ul schan win rey sq'uin̈, ax eb' yit yajlil winac, 'ix ya'n eb' 'u'wc 'an̈ win si'mb'il. Toxn̈ej tzcomn tzalj win yet' eb' tzb'uchwj 'a 'a.

Am 5:24

Palta a tas tzin nib'j 'ayex, to lajn cab' e tojlal yet' e wach'l 'icha junc a niwn a may tz'aj stupi.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Hageo 1:2

A yic in c'och 'a eb', xwaln 'a eb' 'ixtic: A Jehová tztac' yuj smasnil, a tzaln 'ixtc 'ayex: Ax tic yet' eb' chon̈ab', a tzeyutj eyaln yet' eb' to 'ayt sc'och stiempoal sb'ox chan̈ watut jun 'ejm xo.

Mt 22:5

Yuj cha, x'at yalnc ewin schecb' cha. Palta ax eb' 'awtb'il cot cha, toxn ma'ix syiclj eb' scoti. 'Ay eb' x'at yil smunljel, 'ay pax eb' x'at yilcn schon̈.

Jn 16:8

A yic 'oj jawoc, 'oj yac' yojcoc 'el eb' yic yolyib'n̈q'uinl tic to 'ay smul eb'. 'Oj yac' yojcoc 'el eb' chajtlto wach'n̈j xwutj in b'a. 'Oj yac' yojcoc pax 'el eb', to 'oj b'eyc'ojlaxc eb' yuj Dios.

A Tas Sc'ulejnac Eb' Schecab' Jesús Hechos 10:42

'Ix yalcn 'ayn̈ on̈, to yowlal tz'ec' cal-l yab'xil 'a eb' 'anma 'on̈, chajtlto a Dios 'a'jnac yopiso sb'eyc'ojlan smasnil 'anma', eb' pitzan, yet' eb' chamnac.

A Tas Sc'ulejnac Eb' Schecab' Jesús Hechos 17:13

Palta ax eb' israel 'aj Tesalónica, xyab'n eb', chajtlto wan yaln 'el Pablo spaxti Dios 'a Berea cha. Yuj cha, x'at pax eb' ta'. Yic xc'och eb', 'ix ya'n pax eb' q'ue somnjoc eb' chon̈b' chi yowxi.

A Tas Sc'ulejnac Eb' Schecab' Jesús Hechos 17:2

Ax Pablo, x'och 'a yol jun n̈a chi yet' eb', 'icha xon sley yic tz'och 'a junjn capiya. 'Oxe sc'ul 'iljelal xit' yalcn 'el yab'x eb' israel cha.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

A Tas Sc'ulejnac Eb' Schecab' Jesús Hechos 24:15

Caw tzwa'ch Dios yipc in c'ojol, to 'oj pitzwc pax eb' chamnc smasnil, jantcn̈ej eb' wach' sb'eyb'al, yet' pax eb' tu sb'eyb'al, 'ixta tzna pax ewin tic.

A Tas Sc'ulejnac Eb' Schecab' Jesús Hechos 24:26

A win Félix cha, snib'j win to c'ultac xyac' Pablo nan̈loc tumn 'a 'a, sec tzya'l win 'a libre. Yuj cha, til wal 'ejm xyawtj cot winac, sec tzpaxtin win yet'oc.

A Tas Sc'ulejnac Eb' Schecab' Jesús Hechos 26:28

Yuj cha, sta'w win rey Agripa chi 'ixtc 'a 'a: —¿Tom yujn̈ej jab' tic tzal tic, ax woch creyenteal et' tza na'a? xchi winac.

A Tas Sc'ulejnac Eb' Schecab' Jesús Hechos 9:6

Ax Saulo cha, caw x'ib'x chan̈ win yuj xiwlal. —Mamin, ¿tas tza nib'j tzin b'o'o? xchi winac.] —Q'uen̈ wa'an, 'ixc 'a chon̈ab'. Ata 'oj alxoc 'ayach, tas yowlal 'oj a b'o', xchi Jesús.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Ro 14:12

Yuj cha, junjn on̈ec yowlal 'oj ca'c 'och qui cuenta 'a Dios.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.

2 Co 6:2

Yujto a tzaln 'ixtc 'a Ch'an̈ U'un̈: Xc'och stiempoal in ch'oxn in wach'c'ojlal yic tzin pacn tas tza c'an 'ayin. Xc'och stiempoal wa'n a colnb'il, xchi Dios. A ticnec, tox 'ix jaw jun tiempoal wach' yaljnac tic. Tox 'ix jaw stiempoal tz'ajx qui colnb'ilec ticnec.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Gl 5:23

'emmquil tzlaj cutjec qui b'a. Yu'uj, tztac' qui tennec 'och wan qui b'a 'a maysch'olnil. A jun tzo'n̈ wach' b'eyb'al tic, may junc ley tzalni, to matz tac' qui b'onec.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

Tito 1:8

A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

A Ch'an̈ Carta D'a Eb' Hebreo 12:21

Caw xiwnc eb' yiln jun tzo'n̈ cha. An̈jtona Moisés, yaljnac 'ixtic: Caw tzin 'ib'x yuj xiwlal, xchi.

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

A Ch'an̈ Carta D'a Eb' Hebreo 6:2

Tzyaln yuj bautismo. Tzyaln yuj eb' tzya't sc'ab' 'a qui jolmec, yic tz'och copisoec. Tzyalni, to 'oj qui pitzwec pax 'a scal eb' chamnac. Tzyaln paxi, to 'oj 'ajxc syailal eb' 'anma 'a jun 'ejmn̈ej. A jun tzo'n̈ cuynb'il tic 'och cab' wan qui cuynec.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Santiago 2:19

'Ay eb' tz'a'n 'och 'a sc'ojol, to junn̈j Dios. Wach' ton cob' tzna eb'. Palta an̈jtona', 'ixta pax ewin demonio, tzya'ch cob' ewin 'a sc'ojol, palta caw tz'ib'x ewin yuj xiwlal.

A Sb'ab'el Carta San Pedro 3:15

Ca'c 'och wal Cristo Cajliloc. Qui nac si'mb'il, chajtlto caw niwn yel'chi. Lista cab' tzcutjec qui b'a caln 'a machtc eb' tzc'anb'n 'ayn̈ec, tas yuj tzca'c 'och Cristo yipc qui c'ojol. Wach' cab' tzcutjec caln 'a eb'. 'Emmquilal tzcutjec caln 'a eb'.

A Schab'il Carta San Pedro 1:6

Qui tenc 'och wan qui b'a 'a maysch'olnil. Caw te'n tzcutjec pax qui b'a. Cojxn 'a Dios tzca'c 'och qui nab'en.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 3:7

Ex chamc'ojlb'il wu'uj, caw man̈ e cha 'ixtxoc paxti e b'a. Toto tojl tzcutjec qui b'eyb'al, caw tojl on̈c 'icha Cristo, yujto caw tojl sb'eyb'al.

A Ch'an̈ B'ab'el Libro Samuel 12:7

A ticnec jun, sictac tzex 'aji, tze maclni eyab' tas 'oj wal 'ayx 'a yojltac Jehová, yuj smasnil tas wach' sb'ojnac cujec, yuj pax eb' qui mam quichmec.