A Tas Sc'ulejnac Eb' Schecab' Jesús Hechos 24:24 - Chuj San Sebastian Bible

²⁴ Xlajw jaye c'u, 'ix c'ochx win Félix 'a Cesarea chi jun 'ejm xo. Ajun yistl win yet'oc. Drusila sb'i 'ix, israel 'ix. Ax win x'a'n 'ijxc cot Pablo, 'ix sc'anb'n win yab' 'a 'a, tas wal tzcutj ca'n 'och qui c'ojl 'a Jesucristo.

Chuj San Mateo Bible

²⁴ Ayxom jayeoc c'ual chi', ix jax vin̈aj Félix d'a Cesarea chi' junelxo. Ajun ix yetb'eyum vin̈ scuch Drusila yed'oc, israel ix. Axo vin̈ ix avtancot vin̈aj Pablo chi' yic sc'anb'ej yab' vin̈ d'a vin̈ tas scutej cac'anoch Jesucristo d'a co c'ool.

A Tas Sc'ulejnac Eb' Schecab' Jesús Hechos 24:24 ပူးပေါင်းရင်းမြစ်များ

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.

Lc 19:3

Caw snib'j win yil Jesús chajtl yilxi, palta matz tac' yiln winac, yujto til wal 'anma oyn 'och 'a 'a yic wan sb'eyi. Ax winac yune stel winac.

Lc 23:8

A yic xyiln win sc'och Jesús, caw 'ix tzalj winac, yujto 'ayx stiempoal yab'n win speclal. Yuj cha, toxn tznib'j xon win sc'umoc. Tznib'j wal win yil sb'on junc milagro.

A Tas Sc'ulejnac Eb' Schecab' Jesús Hechos 16:31

—'A'ch a c'ojl 'a Cajlil Jesucristo, sec 'oj a colchji, yet' jantcn̈ej eb' jun aj yet' 'a yol atut, xchi eb'.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Gl 3:2

Octom tzeyal 'ayin, ¿tom e chajnac Yespíritu Dios, yuj eyiclni ley yic Moisés? Ma'ay, a 'a yic eya'n 'och e c'ojl 'a jun wach' 'ab'x alb'il 'ayex, ata chab'il eyu'uj.

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

Apoc 14:12

An̈ec yel yic on̈c xo Dios, an̈ec yiclum on̈c 'a tas tzyal schecnb'il, ca'c 'och qui c'ojl 'a Jesús. Yuj cha, yowlal caw te'n tzcutjec qui b'a cab'n syail.