A Tas Sc'ulejnac Eb' Schecab' Jesús Hechos 24:14 - Chuj San Sebastian Bible

¹⁴ Yel toni, a Dios 'aj yaljnac sb'a eb' qui mam quichm on̈, atn tzwac' servil, 'icha tzyal qui cuynb'il on̈. Atn jun tic tzyal ewin yuj junc'aj xo cuynb'il cha. Palta an tic, tzwa'ch in c'ojl 'a jantcn̈ej tas tz'ib'b'il can 'a ley yic Moisés, yet' 'a jantcn̈ej tas tz'ib'b'il can yuj eb' schecb' Dios.

Chuj San Mateo Bible

¹⁴ Yel toni, a Dios, aton sDiosal eb' in mam vicham, a d'ay svac' em in b'a, icha syal co c'ayb'ub'al, aton jun macan̈xo c'ayb'ub'al tic syal eb'. Palta a in tic, svac'och d'a in c'ol jantac tas tz'ib'ab'ilcan d'a ley Moisés yed' jantac tas tz'ib'ab'ilcan yuj eb' schecab' Dios.

A Tas Sc'ulejnac Eb' Schecab' Jesús Hechos 24:14 ပူးပေါင်းရင်းမြစ်များ

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

Salmos 119:46

'Oj wal jun tzo'n̈ tas tzal tic 'a yojltac eb' rey, ma'oj in q'uixw walni.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Miqueas 4:2

Caw niwn sb'isl eb' chon̈b' cha, ax yaln junjn eb' 'a 'ixtic: Cotn̈ec, q'ue coyc 'a lum tzaln 'aj 'ay yatut Jehová, atn sDiosal eb' yin̈tl Jacob, yic wach' tzon̈ sch'oxc 'a sb'eyb'al, sec tzqui b'eylb'ejec, 'oj schic eb'. Yujto a 'a tzaln Sión cha, ata 'oj 'eltoc cuynb'il yic Jehová, ax 'a Jerusalén, ata 'oj cuyxoc sley cha.

Mt 10:32

Tzann̈j mach matz q'uixw yaln 'a sat eb' 'anma', to wic eb', an xo tic, 'oj wal eb' wico'oc 'a yojltac qui Mam Dios 'ayc' 'a satcha'an̈.

Mt 22:40

Toto tzqui yiclj chab' checnb'il tic, tzyal 'el'chi, wan qui yiclni sley Dios smasnil, yet' jantcn̈ej tas tz'ib'b'il can yuj eb' schecab', xchi 'a winac.

Mt 7:12

Toto tze nib'j caw wach' tzyutj sb'a eb' eyit 'anmal 'ayex, wach' pax tzeyutj e b'a 'a eb'. Yujto 'ixta tzyal 'el'ch jun tzo'n̈ ley yic Moisés 'aycni, yet' jun tzo'n̈ Ch'an̈ Un̈ tzi'b'b'il can yuj eb' schecb' Dios pecti'.

Lc 1:70

'Ixta yutjnac Dios yaln can 'a eb' schecb' pecti', atn eb' yicn̈ej yaji.

Lc 16:16

A ley yic Moisés yet' tas yaljnac can eb' schecb' Dios pecti', 'ochnc yopiso masnto 'a yic swulc' win Juan Bautista. Ax ticnec, at xo yic swulc' win Juan cha, syamchj can pax 'och yalx 'el wach' 'ab'ix, chajtl tz'aj eb' 'anma yoch 'a yol sc'ab' Dios. Yuj cha, c'uxn tzyac' eb' 'ip ya'n 'och sb'a 'a yol sc'ab'.

Lc 16:29

Palta a eb' cha, 'ayc' xon tas stz'ib'jnac can Moisés, yet' tas stzib'jnac eb' schecb' Dios 'a eb'. Ya' cab' 'och eb' schicn 'a jun tzo'n̈ cha, xchi Abraham 'a winac.

Lc 24:27

Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

A Tas Sc'ulejnac Eb' Schecab' Jesús Hechos 15:5

Palta 'ay jaywn̈ ewin fariseo ya'jnac 'och sc'ojl 'a Cristo. 'Ix q'ue wan lin̈n ewinac, xyaln ewin 'ixtic: —A eb' man̈ israeloc tzya'ch sc'ojl 'a Cristo, yowlal tz'ajx circuncidar eb'. Yowlal tzcalc 'a eb', sec tzyiclj eb' ley yic Moisés, xchi eb'.

A Tas Sc'ulejnac Eb' Schecab' Jesús Hechos 19:23

Ax 'a jun tiempoal cha, caw xq'ue somnjoc eb' 'anma scot yowl yuj b'eyb'al yic Cajlil.

A Tas Sc'ulejnac Eb' Schecab' Jesús Hechos 19:9

Palta 'ay jun tzo'n̈ eb' caw pit. Toxn matz nib'j eb' tzya'ch 'a sc'ojol. X'ec' laj yalnc eb' 'a eb' 'anma', chajtlto maysch'olnil jun cuynb'il yic eb' creyente cha. Yuj cha, 'ix yi'n 'el sb'a Pablo 'a eb'. 'Ix yi'n 'at sb'a yet' eb' creyente 'a jun escuela yic jun win Tirano sb'i. Ata xyal-l spaxti Dios 'a eb' 'a junjn c'u.

A Tas Sc'ulejnac Eb' Schecab' Jesús Hechos 22:14

Yuj cha, xyaln win 'ixtc 'ayin: A qui Diosal, atn sDiosal eb' qui mam quicham, a ach si'n can 'eli, sec tzojquej 'el tas tznib'j 'ayach. Yujto tznib'j 'ix el Jesús, atn jun tojl snab'en, yic tzab'n pax tas tzyal 'ayach.

A Tas Sc'ulejnac Eb' Schecab' Jesús Hechos 24:22

Ax win Félix cha, yojc win si'mb'il, tas yaj scuynb'il yic eb' creyente. Yuj cha, yic xyab'n win jun tzo'n̈ tic, 'ix yaln win 'ixtic: —Cot cab' win comandante Lisias. 'Oj wul yal win 'ayin, tas wal yaj jun eyowl tic, can cab'n̈ej 'ixta b'el, xchi winac.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

A Tas Sc'ulejnac Eb' Schecab' Jesús Hechos 25:8

Xlajw yaln ewinac, xyaln Pablo pax 'ixtic: —Toxn may jac in mul 'ochnc 'a ch'an̈ ley yic eb' wit israelal, may in mul 'ochnc 'a yatut Dios, may pax in mul 'ochnc 'a win yajl 'a Roma, xchi.

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

A Tas Sc'ulejnac Eb' Schecab' Jesús Hechos 26:27

Ach xo ach rey Agripa, ¿tzam a'ch 'a a c'ojol, tas yaljnac can eb' schecb' Dios pecti'? Wojtac, to tza'ch 'a a c'ojol, xchi Pablo.

A Tas Sc'ulejnac Eb' Schecab' Jesús Hechos 26:4

A eb' wit israelal smasnil, yojc xon eb' tas wutjnac in b'eyb'al 'a in chon̈ab', yet' 'a Jerusalén, yictax in cottch 'a quelmal.

A Tas Sc'ulejnac Eb' Schecab' Jesús Hechos 26:6

Ax ticnec, tzin ya'n queja eb', yujn̈ej to tzwa'ch yipc in c'ojol, to a Dios, 'oj 'a'nc pitzwc pax eb' chamnac, 'icha yutjnac ya'n can sti 'a eb' qui mam quichm on̈.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Tas Sc'ulejnac Eb' Schecab' Jesús Hechos 5:30

Ax tic, xeyac' milxoc cham Jesús, yic xeya'n t'un̈x q'ue 'a jun te culus. Palta a Dios, atn 'aj yaljnac sb'a eb' qui mam quichmec, a x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 7:32

An ton tic, sDiosal in eb' a mam echam. sDiosal in Abraham, Isaac, yet' Jacob, xchi 'a 'a. Ax Moisés cha, caw 'ix 'ib'x chan̈ yuj xiwlal. Man̈x 'ic 'och q'ueln 'a 'a.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

Ro 3:21

A ticnec, 'ix checlj 'eli, chajtl tzon̈ 'ajc coch wach'l 'a sat Dios. Man̈ yujoc qui yiclniec ley yic Moisés 'ixta tzon̈ 'ajec. Palta a Ch'an̈ Un̈ 'aj tz'ib'b'il can ley cha, ata tzyala, tas tzon̈ 'ajc coch wach'il. Ata alb'il can yuj eb' schecb' Dios pecti'.

1 Co 11:19

Tecn yowlal 'oj e poj e b'a, sec 'oj checljoc 'eli, machx yel creyente ex.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

2 Ti 1:3

Sc'ual yac'wlil in leslwi o'oj. A yic tzin leslwi 'a junjn 'ejem, tzwa'n pax yuj diosal 'a Dios o'oj. Caw tojl tzwutj in nab'en wa'n servil, 'icha ya'jnac eb' in mam wicham.

Tito 3:10

Toto 'ay eb' tznib'j tzyac' spojl sb'a eb' creyente, jun 'ejem, mto cha'ejm tza tench wan eb'. Toto matz yiclj eb', caw tzej 'el eb' 'a scal eb' creyente cha.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.