A Tas Sc'ulejnac Eb' Schecab' Jesús Hechos 24:12 - Chuj San Sebastian Bible

¹² May xon junc 'anma in tejnac in b'a yet'oc, may pax junc lugar 'aj 'ix 'ec' wac' q'ue somnjoc eb' 'anma'. Man̈oc 'a yatut Dios, man̈oc 'a yol scapiya eb' wit israelal, man̈oc pax 'a junc xo lugar 'a Jerusalén cha, may jac in mul x'ilchj yuj eb'.

Chuj San Mateo Bible

¹² Malaj junoc anima tzin telaj in b'a yed'oc. Malaj pax junoc lugar b'aj tzec' vac'q'ue somnaj eb' anima. Man̈oc d'a yamaq'uil stemplo Dios, man̈oc d'a yol spatil culto, man̈oc pax d'a junocxo lugar d'a Jerusalén chi'. Malaj jab'oc in mul ix ilchaj yuj eb'.

A Tas Sc'ulejnac Eb' Schecab' Jesús Hechos 24:12 ပူးပေါင်းရင်းမြစ်များ

Mr 9:14

Yic wan sjapx eb' 'a 'aj 'aycn jun tzo'n̈ xo eb' scuywum, 'ix yiln cot Jesús, til wal 'anma yamn yaj yet' eb'. Ax ewin cuywjum 'a ley yic Moisés, wan sten sb'a ewin yet' eb' scuywum Jesús cha.

Jn 18:21

¿Tas yuj a 'ayn tza c'anb'ej? C'anb'j 'a eb' x'ab'n waln 'elta. Yal cab' eb' 'ayach, tas jun tzo'n̈ cuynb'il tic. 'In yojc xon eb' tas 'ix wal 'elta, xchi Jesús 'a winac.

A Tas Sc'ulejnac Eb' Schecab' Jesús Hechos 24:18

'Ayn 'ec' 'a yamq'uil yatut Dios, yic tzwa'n in siylab' cha. Tox xin sacb'tzej in b'a, 'icha xon qui ley on̈. Jaywn̈n̈ej 'anma 'ayc' wet'oc, may mach b'uyn 'ochi, may jac owl xin b'o'o, palta ata in yamchj yuj jun tzo'n̈ eb' wit israelal 'aj Asia.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

A Tas Sc'ulejnac Eb' Schecab' Jesús Hechos 25:8

Xlajw yaln ewinac, xyaln Pablo pax 'ixtic: —Toxn may jac in mul 'ochnc 'a ch'an̈ ley yic eb' wit israelal, may in mul 'ochnc 'a yatut Dios, may pax in mul 'ochnc 'a win yajl 'a Roma, xchi.

A Tas Sc'ulejnac Eb' Schecab' Jesús Hechos 28:17

Schab'jil xo qui c'och ta 'on̈, ax Pablo x'awtn cot ewin checl yaj 'a scal eb' yit israelal 'a Roma cha. Ax yic xc'och ewin 'a 'a, 'ix yaln 'a ewin 'ixtic: —Ex wit chon̈ab', caw may in mul 'a eb' quit israelal. Ma'ix in ju pax sb'eyb'al eb' qui mam quichm 'aycn 'ayn̈ec. Palta a 'a Jerusalén, in ya'ch eb' 'a yol sc'ab' eb' 'aj Roma.