A Tas Sc'ulejnac Eb' Schecab' Jesús Hechos 22:14 - Chuj San Sebastian Bible

¹⁴ Yuj cha, xyaln win 'ixtc 'ayin: A qui Diosal, atn sDiosal eb' qui mam quicham, a ach si'n can 'eli, sec tzojquej 'el tas tznib'j 'ayach. Yujto tznib'j 'ix el Jesús, atn jun tojl snab'en, yic tzab'n pax tas tzyal 'ayach.

Chuj San Mateo Bible

¹⁴ Yalanxi vin̈ d'ayin icha tic: A co Diosal, aton jun Dios b'aj yac'naquem sb'a eb' co mam quicham, a' ix ach sic'aneli yic vach' ol ojtaquejel tas sgana d'ayach. Yujto sgana to tzil Jesús, aton jun tojol spensar, ix ab'an pax tas ix yal d'ayach.

A Tas Sc'ulejnac Eb' Schecab' Jesús Hechos 22:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:22

'Ix yactj can win Jehová, atn sDiosal eb' smam yicham, ma'ix sb'eylb'ej win schecnb'il Jehová.

1 Cr 12:17

'Ix 'at David chi scha eb', 'ix yaln 'a eb' 'ixtic: Toto tzex jaw 'a junc'ojlal, yic tzex colwj wet'oc, 'oj ex in cha jawc wet' 'a smasnil in c'ojol; wach'xam may junc tas tu x'el in b'oni, palta toto tzex jaw 'ayn yuj in eya'n 'och 'a yol sc'ab' eb' 'ajc'ojl yajch 'ayin, ¡ax cab' qui Diosal yet' eb' qui mam quichmec, 'oj yil sb'a eyet'oc, yic tzya'n 'och eyailal! xchi 'a eb'.

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

2 Cr 28:25

An̈jtona', 'ix sb'on pax jun tzo'n̈ macsej 'a smasnil chon̈b' 'a yol yic Judá, yic tzya'n tz'a incienso 'a jun tzo'n̈ comn dios. 'Ixtnta xyutj stzuntzn cot yowl sc'ojl Jehová sDiosal yet' eb' smam yicham.

2 Cr 30:19

wach'xam mantzac sacb'tzej sb'a eb', 'icha yaln sleyl atut, xchi.

Esdras 7:27

Yuj cha, xyaln Esdras 'ixtic: Alx cab' wach' paxti 'a Jehová qui Diosalec yet' eb' qui mam quichmec, yujto a 'ix 'a'n jawc 'a snab'en win rey, sec to niwn yel'ch yatut Jehová 'a Jerusalén.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Dn 2:23

Ach qui Diosal on̈, sDiosal ach pax eb' qui mam quichm on̈, caw tzwac' yuj diosal 'ayach. Tzwaln pax wach' paxti 'ayach, yujto 'ix ac' in jelnal, yet' pax wip. A ticnec 'ix ac' wojcoc 'el tas 'ix qui c'an 'aych on̈; xac' wojcoc 'el tas yaj swaych win rey, xchi Daniel 'a Dios.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

A Tas Sc'ulejnac Eb' Schecab' Jesús Hechos 13:17

A qui Diosalec an̈ israel on̈c tic, a si'jnac can 'el eb' qui mam quichmec. A yic 'ayc' eb' 'a scal eb' chuc chon̈b'al 'a Egipto, a 'a'jnac can 'och eb' niwc chon̈b'al. Xlajw cha, xyi'n 'elt eb' 'a Egipto chi yet' spoder.

A Tas Sc'ulejnac Eb' Schecab' Jesús Hechos 22:15

A ticnec, 'oj al-l yab'xil Jesús 'a scal smasnil 'anma', 'oj ala', tas 'ix ela, yet' tas 'ix ab'i.

A Tas Sc'ulejnac Eb' Schecab' Jesús Hechos 22:18

'Ix wiln Cajlilec, 'ix yaln 'ayn 'ixtic: Caw tza c'ol ep el 'a Jerusalén tic, yujto toxn ma'oj scha eb' yab' jun wab'xil 'oj ala', xchi.

A Tas Sc'ulejnac Eb' Schecab' Jesús Hechos 24:14

Yel toni, a Dios 'aj yaljnac sb'a eb' qui mam quichm on̈, atn tzwac' servil, 'icha tzyal qui cuynb'il on̈. Atn jun tic tzyal ewin yuj junc'aj xo cuynb'il cha. Palta an tic, tzwa'ch in c'ojl 'a jantcn̈ej tas tz'ib'b'il can 'a ley yic Moisés, yet' 'a jantcn̈ej tas tz'ib'b'il can yuj eb' schecb' Dios.

A Tas Sc'ulejnac Eb' Schecab' Jesús Hechos 26:16

Palta q'uen̈ lin̈an. Tzwul in ch'ox in b'a 'ayach, sec 'oj in ac' servil, ax aln 'el yab'xil tas 'ix el ticnec, yet' jantcn̈ej tas tot 'oj in ch'ox 'ayach.

A Tas Sc'ulejnac Eb' Schecab' Jesús Hechos 5:30

Ax tic, xeyac' milxoc cham Jesús, yic xeya'n t'un̈x q'ue 'a jun te culus. Palta a Dios, atn 'aj yaljnac sb'a eb' qui mam quichmec, a x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

A Tas Sc'ulejnac Eb' Schecab' Jesús Hechos 9:17

Yuj cha, 'ix 'at Ananías 'a jun n̈a cha. Xlajw sc'ochi, 'ix 'och 'a yojol. 'Ix ya'n 'at sc'ab' 'a sjolm Saulo cha, 'ix yaln 'ixtic: —Wu'tac Saulo, a Cajlil Jesús a 'ix sch'ox sb'a 'aych 'a yol b'e 'aj ach jawi. A in checn cot 'ayach, sec wach' 'oj jacwc pax yol a sat, ax yochcn Yespíritu Dios 'aych si'mb'il, xchi 'a 'a.

Ro 1:1

An Pablo in, an tzin tz'ib'j jun carta tic. An tic ya'mal in servil Jesucristo. A Dios yawtjnacn 'och schecb'oc. Sic'b'iln 'el yu'uj, yic tzwaln 'el wach' 'ab'x yic Dios.

1 Co 11:23

A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

1 Co 15:8

Slajb'xoj sch'oxjnac sb'a 'ayin. Yujto 'icha junc 'unn man̈x yaljub'oc yalji, 'ixta 'in. Yujto slajb'xo in 'och schecb'oc.

1 Co 9:1

An tic, wal yel, schecb' in Jesucristo. Wiljnac Cajlil Jesús cha. Yuj cha, 'ay waln wic 'icha eb' schecb' smasnil. Ax xo, 'ochnc ex creyenteal yuj in munljel 'a yic Cajlil cha.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 1:12

Man̈oc 'a junc 'anma chab'il jun 'ab'x tic wu'uj. Man̈oc 'a junc 'anma cuyb'il wu'uj, yujto cojn Jesucristo 'a'jnac wojcoc 'eli.

Gl 1:15

Palta yictax mantzac in 'alji, sic'b'iln xon 'el yuj Dios. Yuj wal swach'c'ojlal, yawtjnacn 'och yico'oc. Ax yic 'ix jaw stiempoal 'icha tznib'ej,

2 Ti 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. A Dios ya'jnac can sti', to 'oj yac' qui q'uinl 'a jun 'ejmn̈ej, yujto junxn̈ej caj yet' Cristo Jesús.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

A Sb'ab'el Carta San Pedro 2:22

A jun cha, may 'aj x'och jac smul. May jun 'ejmoc 'ix yixtj paxti junc 'anma'.

1 Jn 2:1

Ex chamc'ojlb'il wu'uj, tzin tz'ib'j 'at jun tzo'n̈ tic 'ayex, sec man̈xtzac e b'o maysch'olnil. Palta toto 'ay 'aj tzqui b'oc maysch'olnil, 'ay jun tz'a'n 'och qui tic 'a qui Mam Dios, atn Jesucristo. A jun cha, caw tojl snab'en.