A Tas Sc'ulejnac Eb' Schecab' Jesús Hechos 21:40 - Chuj San Sebastian Bible

⁴⁰ Al-l 'an, xchi win 'a 'a. Xlajw cha, 'ix 'elt lin̈n Pablo 'a sb'achctacl sti cuartel cha. 'Ix ya'n chan̈ sc'ab', sec sictac tz'aj eb' 'anma cha. Ax yic sictac x'aj eb', 'ix yaln 'elt 'ixtc 'a eb' 'a sti hebreo:

Chuj San Mateo Bible

⁴⁰ —Lolonan̈, xchi vin̈. Ix lajvi chi' ix elta lin̈an vin̈aj Pablo chi' d'a sb'achquiltaquil sti' cuartel chi'. Ix yic'anchaan̈ sc'ab' vin̈ yic vach' tz'em numan eb' anima chi'. Axo ix em numan eb', ix yalan vin̈ d'a eb' d'a ti' hebreo icha tic:

A Tas Sc'ulejnac Eb' Schecab' Jesús Hechos 21:40 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 9:13

Xlajw cha, junjn eb' 'ix yij cot eb' spotil, 'ix ya'n 'ejm eb' 'a yaln̈ yoc Jehú 'a yib'n̈ jun tzo'n̈ b'achctac tz'at 'a cha'an̈. 'Ix yutz'n eb' sch'ac no mam calnelu, 'ix yaln eb' 'ixtc 'a caw 'ip: ¡A win Jehú, rey xo win ticnec! xchi eb'.

Lc 23:38

'Ay jun tz'on̈ paxti xtz'ib'x 'och 'a 'aj 'ay q'ue'ch sjolom, [a jun tzo'n̈ paxti cha, tz'ib'b'il 'a sti griego, 'a latín yet' 'a hebreo. Tzyal 'ixtic: A win tic, sreyl eb' israel, xchi.]

Jn 19:13

Xlajw yab'n win jun tzo'n̈ tic, 'ix ya'n 'ijxoc 'el Jesús 'a 'aj 'ayc' cha. Xlajw cha, 'ix 'em wocn win 'a 'aj tzb'oyaj eb' 'anma'. A jun lugar cha, Gabata sb'i 'a hebreo, atn sti eb' israel. Tzyal 'el'chi, 'aj latz'b'il 'ejm q'ue'en.

Jn 19:17

Ax Jesús, toxn 'ix scuch sculsal. 'Ix 'at 'a jun lugar tzcuch Gólgota 'a hebreo. Tzyal 'el'chi: Yet'l Sb'acl Jolom.

Jn 19:20

A jun lugar 'aj 'ix t'un̈x q'ue cha, ata 'ay 'a sti chon̈ab'. Yuj cha, til wal eb' israel 'ix 'iln jun tzo'n̈ paxti cha. To tz'ib'b'il 'och 'a sti eb', yet' 'a griego, yet' pax 'a latín, atn sti eb' 'aj Roma.

Jn 5:2

A 'a yol jun chon̈b' cha, ata 'ay jun tanque Betesda sb'i 'a hebreo, atn sti eb' israel. A 'a sti jun tanque cha, ata 'ay o'e n̈a may yich. 'Ayc' jun tanque chi 'a sla'nil jun puerta 'aj tzb'ey no calnelu.

A Tas Sc'ulejnac Eb' Schecab' Jesús Hechos 1:19

A eb' 'ay 'a Jerusalén tic, c'uxn xyab' eb' speclal jun cha. Yuj cha, xya'n eb' sb'ic jun lum chi Acéldama 'a sti eb'. Tzyal 'el'chi, Lum Schic'l 'Anma'.

A Tas Sc'ulejnac Eb' Schecab' Jesús Hechos 12:17

Palta 'ix ya' chan̈ sc'ab' 'a eb', sec sictac tz'aj eb'. Xlajw cha, xyaln 'a eb' chajtl xyutj Cajlil yi'n 'elt 'a preso cha. 'Ix yaln pax 'a eb' 'ixtic: —Tzeyal jun tzo'n̈ tic 'a Jacobo yet' 'a jun tzo'n̈ xo eb' quit creyenteal, xchi. Xlajw cha, x'elt 'a scal eb'. 'Ix 'at 'a junx lugar.

A Tas Sc'ulejnac Eb' Schecab' Jesús Hechos 13:16

Yuj cha, 'ix q'ue wan lin̈n Pablo. 'Ix ya'n chan̈ sc'ab', sec sictac tz'aj eb'. 'Ix yaln 'a eb' 'ixtic: —'Ab'tec ex wit israelal, yet' ex 'ay e xiwcojlal 'a Dios.

A Tas Sc'ulejnac Eb' Schecab' Jesús Hechos 19:33

Palta 'ay jun win Alejandro sb'i. 'Ix ecx 'el'ch win 'a sat eb' 'anma chi yuj eb' yit israelal. 'Ix alx 'a 'a, tas yuj tzyam sb'a eb' 'anma'. Xlajw cha, 'ix ya'n chan̈ win sc'ab' 'a eb', toq'ue sictac tz'aj eb'. Yujto tznib'j win tzcol sb'a yet' eb' yit israelal.

A Tas Sc'ulejnac Eb' Schecab' Jesús Hechos 21:35

Yic xc'och eb' 'a sb'achctacl sti cuartel cha, 'ix sb'achn chan̈ eb' soldado Pablo cha, yujto caw tznib'j eb' 'anma chi smila'.

A Tas Sc'ulejnac Eb' Schecab' Jesús Hechos 22:2

Yic 'ix yab'n eb', chajtlto xpaxtin 'a sti hebreo, caw sictac x'aj eb'. Yuj cha, xyaln Pablo 'a eb' 'ixtic:

A Tas Sc'ulejnac Eb' Schecab' Jesús Hechos 26:14

C'uxn telwnacn̈ 'a sat lum yuj jun sacq'uinl chi on̈, wab'jnac yoch jun paxti', yaln 'ixtc 'ayn 'a hebreo: Saulo, ¿tas yuj tzin a pech b'eyc'oc? Palta mun tzextj a b'a, 'icha junc wacax, tztecx 'och te 'a 'a, tzte'wj pax 'a jun te cha, xchi 'ayin.

A Tas Sc'ulejnac Eb' Schecab' Jesús Hechos 6:1

A 'a jun tiempoal cha, 'ix niwtj sb'isl eb' creyente. Palta a eb' creyente griego sti', 'ix cot yowl eb' 'a eb' creyente hebreo sti', yujto yic 'ix 'ajx wa eb' meb'a 'a junjn c'u, man̈ tz'acnoc x'ajx yic eb' 'ix chamnc yichmil griego sti'.

Apoc 16:16

Ax eb' demonio cha, 'ix ya'n eb' syam sb'a eb' niwc yajl 'a jun lugar Armagedón sb'i 'a hebreo.

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.