A Tas Sc'ulejnac Eb' Schecab' Jesús Hechos 21:34 - Chuj San Sebastian Bible

³⁴ Palta ax eb' 'anma cha, ton̈j xlaj q'ue somnjoc eb' yalni. Chucchc 'ix yal junjn eb'. Toxn ma'ix yab' win tas 'ix yal eb', yujto ton̈j 'ix somlji eb' sq'ue yaw. Yuj cha, sya'n win 'ijxoc 'at Pablo 'a cuartel.

Chuj San Mateo Bible

³⁴ Palta axo eb' anima chi', ton̈ej ix q'ue somnaj eb' yalani. Ch'occh'oc ix yal junjun eb'. Maj yab' vin̈ tas ix yal eb' yujto ton̈ej ix q'ue somnaj eb' yavajq'uei. Yuj chi' ix schec vin̈ ic'jocb'at vin̈aj Pablo chi' d'a cuartel.

A Tas Sc'ulejnac Eb' Schecab' Jesús Hechos 21:34 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 19:32

Ax eb' 'anma 'ix syam sb'a cha, chucch xlaj yal chan̈ junjn eb', yujto ton̈j xlaj q'ue somnjoc eb' yalni. 'Ec'b'al spacl eb' man̈ 'ojtnacoc tas yuj tzyam sb'a.

A Tas Sc'ulejnac Eb' Schecab' Jesús Hechos 21:37

Yic wan yi'n 'och eb' Pablo 'a yol cuartel, 'ix yaln 'ixtc 'a win comandante cha: —¿Mamtzac stac' ach in c'umn jab'oc? xchi 'a winac. —¿Tom 'ojc aln griego?

A Tas Sc'ulejnac Eb' Schecab' Jesús Hechos 22:24

Ax 'ix yiln win comandante jun cha, 'ix ya'n win 'ijxc pax 'och Pablo 'a yol cuartel. 'Ix yaln winac, to tzma'xi, sec wach' 'oj yala', tas yuj tzq'ue yaw eb' 'anma chi yowx 'a 'a.

A Tas Sc'ulejnac Eb' Schecab' Jesús Hechos 22:30

Ax 'a junx c'u, 'ix snib'j win comandante chi yab'i', tas yuj x'ajx queja Pablo yuj eb' israel. Yuj cha, xyi'n 'el win q'uen cadena 'a 'a. Xlajw cha, xya'n win syam sb'a eb' sat ya'mal 'och sti eb' israel 'a Dios, yet' smasnil eb' sat yajal. 'Ix ya'n 'elt win 'a yojltac eb'.

A Tas Sc'ulejnac Eb' Schecab' Jesús Hechos 23:10

Xlajw cha, xcaw 'och owl yuj eb' si'mb'il. Ax win comandante cha, caw 'ix xiw winac. A snan winac, to wan sto'n ch'iychjoc eb' Pablo cha. Yuj cha, xyawtn cot win eb' soldado. Xit' yi'nc 'elt eb' Pablo chi 'a scal eb', xlajw cha, x'at ya'nc pax eb' 'a cuartel jun 'ejm xo.

A Tas Sc'ulejnac Eb' Schecab' Jesús Hechos 23:16

Palta 'ay jun win yune yanb' Pablo, 'ix 'ab'n speclal tas xyal eb'. Yuj cha, x'at 'a cuartel, x'at yalnc 'a Pablo.

A Tas Sc'ulejnac Eb' Schecab' Jesús Hechos 23:32

Ax 'a junx c'u, 'ix meltzj can eb' soldado chi x'at 'a yoc, 'ix c'ochx can eb' 'a scuartel 'aj xcoti. Ax eb' yib'n̈ chej yaji, 'ix 'atcn eb' yet' Pablo cha.

A Tas Sc'ulejnac Eb' Schecab' Jesús Hechos 25:26

Palta may tas wach' in tz'ib'n 'at 'a win yajl chi yu'uj, yuj cha, xwi'n cot 'a ojltac ach rey Agripa, yet' 'a eyojltac e masnil. A ticnec, c'anb'jec eyab' 'a 'a, toq'ue 'ay junc smul tz'ilchj eyu'uj, ax in tz'ib'n 'at 'a win yajl cha.