A Tas Sc'ulejnac Eb' Schecab' Jesús Hechos 2:40 - Chuj San Sebastian Bible

⁴⁰ Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.

Chuj San Mateo Bible

⁴⁰ Tzijtumto tas ix yal vin̈ d'a eb'. Ix yac'anpax razón vin̈ d'a eb': —Iq'uequel e b'a d'a scal eb' malaj svach'il tic, xchi vin̈.

A Tas Sc'ulejnac Eb' Schecab' Jesús Hechos 2:40 ပူးပေါင်းရင်းမြစ်များ

Pr 9:6

'Actjec can e man̈ nab'enal, sec wach' pitzn exn̈ej; b'eylb'ejc sb'eyb'al eb' 'ay snab'en, xchi eb' 'ix schecb' 'ix cha. A jun 'ix cha, tzyal 'el'chi, atn jelnal.

Jeremías 51:45

Ex in chon̈ab', 'eln̈ect ta', colc 'el e b'a 'a yowl in c'ojl tzjaw 'a yib'n̈ jun chon̈b' cha.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Mt 16:4

A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Yuj cha, ton̈j tze c'an eyil junc milagro, junc tzch'oxn spoder Dios. Palta cojn jun milagro 'oj 'ajxoc eyila', atn jun 'icha sch'oxjnac Dios yet' win Jonás, xchi 'a eb'. Xlajw cha, xyactn can eb', 'ix 'atxi.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Lc 16:28

'a 'aj 'ay own̈ wu'tac. Tzyaln yab' eb', sec toq'ue ma'oj jawc eb' wet' 'a scal yailal 'aj 'ayn 'ec' tic, xchi winac.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Jn 21:25

Tilto wal jun tzo'n̈ xo tas 'ix sb'o Jesús. Q'uinloc tz'ib'x can jun jun, tzin na'a, matz yab' am yolyib'n̈q'uinl tic yuj ch'an̈ un̈ 'aj tz'ib'x can cha. [Ya' cab'i'.]

A Tas Sc'ulejnac Eb' Schecab' Jesús Hechos 10:42

'Ix yalcn 'ayn̈ on̈, to yowlal tz'ec' cal-l yab'xil 'a eb' 'anma 'on̈, chajtlto a Dios 'a'jnac yopiso sb'eyc'ojlan smasnil 'anma', eb' pitzan, yet' eb' chamnac.

A Tas Sc'ulejnac Eb' Schecab' Jesús Hechos 15:32

Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

A Tas Sc'ulejnac Eb' Schecab' Jesús Hechos 20:11

Xlajw cha, on̈ q'uex yet' Pablo 'a yol cuarto chi jun 'ejm xo on̈. 'Ix spojn 'ec' 'ixm pan 'a qui cal on̈. Xqui wan on̈. Til to wal tas 'ix yal Pablo cha, masnto 'ix sacb'i. Xlajw xoj cha, x'atxi.

A Tas Sc'ulejnac Eb' Schecab' Jesús Hechos 20:2

Yic 'ix c'och ta', c'uxn x'ec' yil eb' creyente 'a junjn chon̈ab'. X'ec' ya'nc snab'enoc eb'. Xlajw xoj cha, x'at 'a yol yic Grecia.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

A Tas Sc'ulejnac Eb' Schecab' Jesús Hechos 20:9

'Ay jun quelm winc Eutico sb'i. Wocn 'ejm win 'a sti wentnu. Tznecnecn win swayi, yujto caw niwn xyutj Pablo yoc spaxtini. 'Ix cot swayn̈ win si'mb'il, 'ix pilch'j 'elt win 'a sti jun wentnu cha. A 'a yoxl piso 'a jun n̈a cha, ata x'elt winac. Ax yic x'eml eb', sme'n chan̈ eb', chamnc xo winac.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

A Tas Sc'ulejnac Eb' Schecab' Jesús Hechos 4:36

'Ay jun creyente José sb'i, 'ix 'ajx sb'ic can Bernabé yuj eb' schecb' Jesús. A Bernabé, tzyal 'el'chi, 'A'm Niwnc'ojlal. A jun cha, yin̈tl Leví 'aj Chipre.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Gl 5:3

Tzwaln 'at junx tic 'ayex. Tzann̈j mach tzya'ch jun circuncisión chi yipc sc'ojol, yowlal tzyiclj jantcn̈ej tas tzyal ley yic Moisés.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

1 Ts 2:11

Eyojc paxi, 'icha tzyutj junc winc ya'n cuenta yunnal, 'ixta cutjnac ca'n e nab'enoc, ca'n pax sniwnal e c'ojl on̈.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.