A Tas Sc'ulejnac Eb' Schecab' Jesús Hechos 2:39 - Chuj San Sebastian Bible

³⁹ Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.

Chuj San Mateo Bible

³⁹ Yujto icha chi' ajnac yac'annaccan sti' d'ayon̈, d'a eb' cuninal yed' pax d'a masanil mach najat ay. Yujto a Cajalil co Diosal syac' Yespíritu d'a jantacn̈ej eb' syavtejcot yicoc, xchi vin̈aj Pedro chi' d'a eb'.

A Tas Sc'ulejnac Eb' Schecab' Jesús Hechos 2:39 ပူးပေါင်းရင်းမြစ်များ

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Is 65:23

Man̈ ton̈joc 'oj munljoc eb' in chon̈ab', may pax yunnal eb' 'oj comn cham 'a to man̈oc sq'uinl tzc'ochi. Yujto wa'jnac in wach'c'ojlal 'a eb' smam yichm eb', ax eb' yin̈tl eb' tic, 'ixta pax 'oj wutc eb'.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Jl 2:28

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

A Tas Sc'ulejnac Eb' Schecab' Jesús Hechos 10:45

Ax eb' creyente israel ajun yet' Pedro cha, caw 'ix sat sc'ojl eb', yujto xyac' pax Dios Yespíritu 'a eb' man̈ israeloc.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

A Tas Sc'ulejnac Eb' Schecab' Jesús Hechos 15:14

'Ix yal Simón Pedro 'ayn̈ec, chajtlto a Dios, wanto sch'oxn swach'l 'a eb' man̈ israeloc. Wanto si'n 'el eb', sec tz'och eb' yico'oc.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 15:8

A Dios yojtac, tas 'ay 'a snab'en junjn mach. Yuj cha, 'ix yac' Yespíritu 'a eb' man̈ israeloc cha, 'icha xyutj ya'n 'ayn̈ec. 'Ixta xyutj sch'oxni, to wach' eb' 'a sat.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

Ro 8:30

An̈ec sic'b'iln̈ec can 'el yu'uj, 'awtb'iln̈ec pax yu'uj. A tzaln cujec an̈ 'awtb'iln̈ec yu'uj, to wach'n̈ec 'a sat. Tzya'n pax swach'l 'ayn̈ec.

Ro 9:24

Wach'xam israel on̈ec, wach'xam ma'ay, palta yawtjnacn̈ec 'och yico'oc.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

1 Co 7:14

Yujto a win yichmil 'ix cha, wach'xam man̈ creyenteoc, 'icha to yic Dios yaj win yet' 'ix, yujto jun yaj win yet' 'ix creyente cha. An̈jtona', 'ixta pax junc 'ix man̈ creyenteoc, 'icha to yic Dios yaj 'ix, yujto jun yaj 'ix yet' win creyente cha. Toto man̈ 'ichaoc yic Dios yaj eb', ax yunnal eb', comn 'anman̈ej am yaji. Palta ma'ay, yic Dios pax eb'.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

Ef 4:4

Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

Dt 29:15

an̈jtona locn pax eb' eyin̈tl man̈toc 'ayc' 'a yojltac Jehová quet'ec 'a jun c'u tic.

2 Ts 1:11

Yuj wal jun tic, tzon̈ leslwi eyuj 'a junjn c'u on̈. Tzqui c'an 'a qui Diosalec eyuj on̈, sec caw wach'x 'a sat, yujto a 'awtjnacx 'och yico'oc. Tzqui c'ann pax 'a on̈, sec tzyac' spoder 'ayex, sec tze b'eylb'ej smasnil tas wach' 'icha tze nib'ej. Ax e munlj pax 'a 'a, yujto tzeya'ch 'a e c'ojol.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

A Ch'an̈ Carta D'a Eb' Hebreo 9:15

Yuj cha, a Jesucristo tz'a'n 'el'choc jun 'ac' trato cha. A yic xchami, 'ix ya'n can lajwc smul eb' 'ayc' 'a yol sc'ab' jun b'ab'l trato. Yuj cha, an̈ec 'awtb'iln̈ec yuj Dios yico'oc, tztac' quica'an jun 'aj ya'jnac can sti', atn qui q'uinlec 'a jun 'ejmn̈ej.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.