A Tas Sc'ulejnac Eb' Schecab' Jesús Hechos 2:35 - Chuj San Sebastian Bible

³⁵ masnto 'oj can eb' 'ajc'ojl yajch 'aych 'a yaln̈ wu'uj, xchi Dios, xchi win David cha.

Chuj San Mateo Bible

³⁵ masanto ol vac'canoch eb' ayoch ajc'ool d'ayach d'a yalan̈ oc, xchi Dios d'a Vajalil, xchi vin̈aj David chi'.

A Tas Sc'ulejnac Eb' Schecab' Jesús Hechos 2:35 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

Salmos 72:9

A eb' 'ajc'ojl yajch 'a winac, eb' cajn 'a lum cusltac lu'um, 'oj yic' 'ejm sb'a eb' 'a 'a.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

A Tas Sc'ulejnac Eb' Schecab' Jesús Hechos 2:34

A win David, ma'ix 'at 'a satchan̈ yet' sniwnal. Palta yaljnac can 'ixtic: A Dios Cajlil, a 'ix aln 'a Wajlil 'ixtic: 'Emn̈ wocn 'a in wach' c'ab',

A Tas Sc'ulejnac Eb' Schecab' Jesús Hechos 2:36

A Jesús tic, 'ix eyac' 'ajxc 'och 'a spenc culus. Palta tzin nib'j tzeyojquej 'el si'mb'il e masnil ex wit israelal, to a x'ajx 'och Cajlilc yuj Dios, atn Cristo, xchi Pedro.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Apoc 19:19

Xlajw cha, xwilni, 'ayc' jun noc' sb'i. 'Ayc' pax eb' rey yic yolyib'n̈q'uinal yet' eb' soldado eb'. 'Ix syamn sb'a eb' smasnil, yic tzya'n eb' owl yet' jun 'ay q'ue 'a yib'n̈ chej, yet' eb' soldado tza'n 'och yu'uj.