A Tas Sc'ulejnac Eb' Schecab' Jesús Hechos 19:13 - Chuj San Sebastian Bible

¹³ Palta 'ay jaywn̈ eb' israel 'ix b'eyq'ui. 'Ix ya'lj eb' yi'n 'el ewin demonio 'a eb' 'anma'. 'Ix ya'lj eb' sc'anlb'an sb'i Cajlil Jesús, yic tzcob' yi'nc 'el eb' ewin demonio cha. 'Ix cob' yalnc eb' 'a ewin 'ixtic: —A 'a sb'i Jesús tzcaln 'ayx on̈, 'eln̈ec. A Jesús cha, atn jun tz'ec' yal-l Pablo yab'xil, xchi eb'.

Chuj San Mateo Bible

¹³ Palta ay jayvan̈ eb' israel scomon b'eyeq'ui. Ix yac'lej eb' yic'anel eb' enemigo d'a eb' anima. Ix yac'lej eb' yic'anel eb' d'a sb'i Cajal Jesús. Yuj chi' ix scomon alej eb' d'a eb' enemigo chi': —A d'a sb'i Jesús, scal d'ayex, elan̈ec. A Jesús chi', aton jun tzec' yalel yab'ixal vin̈aj Pablo, xchi eb'.

A Tas Sc'ulejnac Eb' Schecab' Jesús Hechos 19:13 ပူးပေါင်းရင်းမြစ်များ

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

Gn 4:14

'In to tzin ej can 'el 'a sat lum lum tic, tzin c'ub'n 'el in b'a 'a ojltac, toxn̈ej 'oj in satq'ui. Yaln̈j mach 'oj wilchj yu'uj, ax in sma'n chamoc, xchi winac.

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

Salmos 109:10

Stitc n̈a cab'n̈ej 'aj 'oj 'ec' eb' yunnal sc'an jac tas tzc'uxu. Pechx cab' 'el eb' 'a 'aj juwnac can yatut cha.

Mt 12:27

Ax tic, tzeyala to yuj spoder win Beelzebú tzin pechn 'el ewin demonio cha. Palta toto 'ixta', ¿machm 'aych yet' eb' e cuywum, yic tzpechn 'el eb' ewin jun xo? Mun a eb' e cuywum chi tzch'oxn 'el e paltail.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.

Mr 9:38

Ax Juan 'ix aln 'a Jesús 'ixtic: —Ach in Cuymal, 'ay jun winc 'ix quil on̈, wan yi'n 'el win ewin demonio 'a eb' 'anma'. Tzyal winac to yuj a poder tzb'on win jun tzo'n̈ cha, palta xqui tench wan win on̈, yujto man̈ junn̈joc tz'ec' win quet'ec, xchi 'a 'a.

Lc 11:19

Palta toto yel tzeyala, ¿mach pax 'aych yet' eb' e cuywum chi ax tic, yic tzpechn 'el eb' ewin demonio chi jun xo? Yuj cha, mun a eb' e cuywum chi tzch'oxn 'el e paltail.

Lc 9:49

Ax Juan 'ix aln 'a Jesús 'ixtic: —Ach in Cuymal, 'ay jun winc xquil on̈ wan yi'n 'el win ewin demonio 'a eb' 'anma'. Palta xqui tench wan win on̈, yujto man̈ junn̈joc tz'ec' win quet'ec, xchi 'a 'a.

A Tas Sc'ulejnac Eb' Schecab' Jesús Hechos 19:14

'Ay ucwn̈ yunnal jun win israel Esceva sb'i, jun win sat ya'mal 'och sti eb' israel 'a Dios. 'Ix ya'lj ewin yi'n 'el jun win demonio 'ixta'.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

Josué 6:26

Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.