A Tas Sc'ulejnac Eb' Schecab' Jesús Hechos 18:15 - Chuj San Sebastian Bible

¹⁵ Palta 'in ton̈j tze nib'j tzeyac' owl yuj jun tzo'n̈ paxti tzyal winac, yuj jun tzo'n̈ mach tzb'inej winac, yet' pax yuj jun e ley. Yuj cha, 'ixquec, 'at b'ocyaj jun tzo'n̈ tic e ch'ocoj. Aln tic, matz yal in c'ojl tzin b'oyaj jun tzo'n̈ tic, xchi win 'a eb'.

Chuj San Mateo Bible

¹⁵ Palta ina ton̈ej e gana tzeyac' oval yuj juntzan̈ lolonel syal vin̈, yuj juntzan̈ mach tz'ac'an b'inaj vin̈ yed' pax yuj e ley. Yuj chi' ixiquec, b'at b'oec yaj jun tic e ch'ocoj. Xal in tic, max yal in c'ol tzin b'o juntzan̈ tic, xchi vin̈ d'a eb'.

A Tas Sc'ulejnac Eb' Schecab' Jesús Hechos 18:15 ပူးပေါင်းရင်းမြစ်များ

Mt 27:24

Ax 'ix yiln win Pilato cha, to matz yac' ganar win scoln Jesús, ton̈j xwach' q'ue somnjoc eb' 'anma chi yaln yu'uj. Yuj cha, xya'n win 'ijxc cot jab' ya'al, 'ix sb'icn 'el win sc'ab' 'a sat eb' 'anma chi smasnil. 'Ixta xyutj win sch'oxn 'a eb', to man̈ locnoc xon win yet' eb', 'ix yaln pax win 'a eb' 'ixtic: —An tic, may waln wic 'a schaml jun tojl snab'en tic. A jun tze b'o tic, mun eyic e ch'ocoj, xchi win 'a eb'.

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

Jn 18:31

Yuj cha, 'ix yaln pax win Pilato chi 'ixtic: —'Ijec pax 'at win 'a 'aj 'ayex. Mun tze b'o yaj win ta', 'icha tzyal e ley, xchi winac. —Palta an̈ israel on̈ tic on̈, matz tac' qui comn 'a'n 'och chaml 'a yib'n̈ junc mach on̈, xchi ewinac.

A Tas Sc'ulejnac Eb' Schecab' Jesús Hechos 18:13

'Ix yaln eb' 'a win 'ixtic: —A win tic, tz'ec' 'a'nc sc'ojloc eb' 'anma', sec tzcob' yal sb'a eb' 'a Dios, palta man̈ 'icha'oc yaj qui ley on̈, xchi eb'.

A Tas Sc'ulejnac Eb' Schecab' Jesús Hechos 23:29

Ax xwab'ni, to yujn̈ej sley eb' x'och smul Pablo 'a eb'. Palta man̈ smojc tzma'x chamoc, man̈ smojc tz'och pax 'a preso.

A Tas Sc'ulejnac Eb' Schecab' Jesús Hechos 25:11

Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.

A Tas Sc'ulejnac Eb' Schecab' Jesús Hechos 25:19

Cojn xyal ewinac, to 'ay smul Pablo 'a scuynb'il eb'. 'Ix yaln ewin yuj jun win chamnc xo, Jesús sb'i. Ax Pablo tzalni, to pitzan. Yujn̈ej jun tzo'n̈ cha, tzya'n queja ewinac.

A Tas Sc'ulejnac Eb' Schecab' Jesús Hechos 26:3

Yel xo wal wach' tas tzwal 'ayach, yujto ojc xon qui ley an̈ israel on̈ tic on̈. Ojc xon tas 'i'n tzqui ten qui b'a on̈. Yuj cha, tzin c'an 'ayach, niwn tzotj a c'ojl 'ayin, tzab'n tas 'oj wal 'ayach.

1 Ti 1:4

Tzaln 'a eb', to man̈xtzac ya'ch eb' snab'en 'a jun tzo'n̈ comn 'ab'ix, yet' 'a yab'xil smam yichm eb', yujto man̈ jantcoc jun tzo'n̈ 'ab'x chi yojc eb'. Ton̈j tzcomn tej sb'a eb' yu'uj, palta nab'an̈ej. A jun tzo'n̈ 'ab'x cha, may yopiso on̈ scuyn 'a tas tznib'j Dios tzqui b'o'o, yic tzca'n 'och qui c'ojl 'a 'a.

1 Ti 6:4

A eb' 'ixta tzyutj sb'a, may jac tas yojc eb', ton̈j tzb'an̈ sb'a eb'. Tznib'n eb' scomn 'a'c owl yet' junc xo mach. Tznib'n pax eb' tzcomn tej sb'a yuj jun tzo'n̈ xo paxti'. Cojxn wal jun tzo'n̈ tic tzlaj sb'o eb' 'a smasnil tiempo. Palta yuj jun tzo'n̈ tzb'o eb' cha, tzpitzw chichnc'ojlal, owal, b'uchwal, tu nab'enal,

2 Ti 2:23

'Ay eb' ton̈j tzcomn tej sb'a 'a nab'an̈ej. Caw may yel'ch tas tzyal eb'. Man̈ a c'umc a b'a yet' eb'. 'In ojtac, ton̈j tzpitzw owl yuj tas tzyal eb' cha.

Tito 3:9

Palta man̈ a'ch a b'a yet' eb' tzcomn tej sb'a 'a nab'an̈ej, yet' eb' cojn yab'xil smam yichm tzyala. Man̈ a'ch pax a b'a yet' eb' tzcomn 'a'n owal, yet' pax eb' tztej sb'a yuj ley yic Moisés. A jun tzo'n̈ tzlaj yal eb' cha, may jac yopiso, nab'an̈ej tzyixtj sb'a eb' yalni.