A Tas Sc'ulejnac Eb' Schecab' Jesús Hechos 16:39 - Chuj San Sebastian Bible

³⁹ Yuj cha, caw a ewin x'at c'annc niwnc'ojlal 'a Pablo chi yet' Silas. Xlajw cha, xyi'n 'elt ewin eb' 'a preso, xyaln ewin 'a eb' 'ixtic. —Niwnoc tzcal 'ayx on̈, comnoc tzex 'el 'a yol jun chon̈b' tic, xchi ewinac.

Chuj San Mateo Bible

³⁹ Axo val lac'an eb' vin̈ ix b'at c'anan nivanc'olal sb'a d'a vin̈aj Pablo yed' d'a vin̈aj Silas chi'. Ix lajvi chi' ix ic'jielta eb' vin̈ yuj eb' vin̈ d'a preso chi'. —Sco c'an pavor d'ayex, comonoc tzex el d'a jun chon̈ab' tic, xchi eb' vin̈ juez chi' d'a eb' vin̈.

A Tas Sc'ulejnac Eb' Schecab' Jesús Hechos 16:39 ပူးပေါင်းရင်းမြစ်များ

Ex 11:8

A yic cha, 'oj cob' to jawc jun tzo'n̈ eb' winc 'aych yajlil et' tic 'ayin, 'oj 'em cumn eb', ax yaln eb' 'ayn 'ixtic: 'Ixc yet' smasnil eb' chon̈b' tza'n 'och oj cha, 'oj schic eb'. A yic tox x'el'ch jun tzo'n̈ tic, ax qui 'at on̈, xchi Moisés. Caw wal ow Moisés yic 'ix 'el paxt 'a yojltac win rey cha.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Dn 6:16

Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic: —A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Mt 8:34

Yuj cha, x'at eb' 'aj chon̈b' chi smasnil 'at yil Jesús. Ax yic xyiln eb', xlaj tew 'och eb' 'a 'a, sec tz'elx mu'c 'a yol slugar eb' cha.

Mr 5:17

Yuj cha, 'ix tew eb' 'anma chi 'a Jesús, sec tz'el 'a yol slugar eb' cha.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.