A Tas Sc'ulejnac Eb' Schecab' Jesús Hechos 16:36 - Chuj San Sebastian Bible

³⁶ Yuj cha, xyaln win tan̈m preso chi 'a Pablo 'ixtic: —'Ix wul yac' ewin juez alxc 'ayin, tolab' tzex wa'l 'a libre. Yuj cha, 'ixquec. Paxn̈ec 'a tzaljc'ojlal, xchi win 'a eb'.

Chuj San Mateo Bible

³⁶ Yuj chi' ix yal vin̈ d'a vin̈aj Pablo chi': —Ix in cha jun órden yuj eb' vin̈ juez chi', tob' tzex vaq'uel d'a libre. Yuj chi' ixiquec. Paxan̈ec d'a tzalajc'olal, xchi vin̈ d'a eb' vin̈.

A Tas Sc'ulejnac Eb' Schecab' Jesús Hechos 16:36 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:19

'Ix yaln Eliseo 'a 'ixtic: —May cab' tas tza na'a, xchi 'a 'a. 'Ix 'at Naamán. Jab' nant wal 'ix b'ey'ti,

Ex 4:18

Ax yic 'ix c'ochx Moisés 'a yatut sn̈i', atn win Jetro, 'ix yaln 'a win 'ixtic: —Yowlal 'oj in meltzj 'a Egipto, to 'oj 'at wil eb' wit chon̈ab'. 'Oj 'at wila', toto pitzn to eb', xchi Moisés. —'Ixc 'an, tzel a b'a 'a yol b'e, xchi sn̈i chi 'a 'a.

Mr 5:34

Yuj cha, xyaln 'a 'ix 'ixtic: —Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

A Tas Sc'ulejnac Eb' Schecab' Jesús Hechos 15:33

Xlajw yec' jaye c'u yuj eb' ta'. Xlajw cha, 'ix yaln can sb'a eb' 'a eb' creyente. 'Ix pax eb' 'a 'aj 'aycn eb' checjnac cot eb' cha.

A Tas Sc'ulejnac Eb' Schecab' Jesús Hechos 16:23

Til wal x'aj eb' sma'xi, xlajw cha, 'ix xutx 'och eb' 'a preso. Ax ewin juez cha, xyaln ewin 'a win tan̈m preso chi 'ixtic: —Caw sin̈n̈i tzotj ewinac, xchi ewin 'a winac.

A Tas Sc'ulejnac Eb' Schecab' Jesús Hechos 16:27

A yic 'ix 'el swayn̈ win tan̈m preso cha, xyiln winac, jacn xo te puerta chi smasnil. Yuj cha, 'ix stza'n q'uet win yespada 'a yol yatut, sec tzmil sb'a win snani. Yujto a snan winac, to x'at eb' preso chi 'elc smasnil.

A Tas Sc'ulejnac Eb' Schecab' Jesús Hechos 16:35

Ax 'a sq'uin̈b'ial, 'ix checx 'at jun tzo'n̈ eb' policía yuj ewin juez. X'at yalnc eb' 'a win tan̈m preso cha, to tz'el Pablo yet' Silas 'a libre.

Jueces 18:6

'Ix yaln win levita chi 'ixtic: —'Ixquec 'a junc'ojlal. A Jehová 'oj e tan̈wni 'aj 'oj eyeq'ui, xchi 'a eb'.

A Ch'an̈ B'ab'el Libro Samuel 1:17

—Paxn̈ 'a junc'ojlal ach 'ix, a cab' qui Diosalec an̈ israel on̈c tic 'oj yac' tas xa c'an 'a 'a, xchi win Elí cha.

A Ch'an̈ B'ab'el Libro Samuel 20:42

Xlajw cha, xyaln Jonatán 'a David chi 'ixtic: —'Ixc 'a junc'ojlal, yujto a qui ti xcac' 'ayn̈ qui chawn̈il, 'a yojltac Jehová 'ix cala. 'Ix qui c'an 'a 'a, chajtlto 'ayc'n̈ej cab' 'a qui cal qui chawn̈il, yet' 'a scal eb' en̈til yet' eb' win̈tl 'a jun 'ejmn̈ej, xchi Jonatán. Xlajw cha, 'ix 'atcn David, ax Jonatán 'ix meltzj can pax 'a yol chon̈ab'.

A Ch'an̈ B'ab'el Libro Samuel 25:35

Xlajw cha, 'ix chan 'ec' David smasnil tas yet' 'ix cha, xyaln 'ixtic: —Tztac' tzach pax 'a atut 'a tzaljc'ojlal. Tic wal xcham elni, 'ix wab' tas tzala, xin yiclj in b'on tas tza c'an 'ayin, xchi David.

A Ch'an̈ B'ab'el Libro Samuel 29:7

yuj cha, meltzjan̈ ticnec 'a tzaljc'ojlal, sec wach' man̈ tuc tzyab' eb' o'oj, xchi win 'a David cha.