A Tas Sc'ulejnac Eb' Schecab' Jesús Hechos 16:17 - Chuj San Sebastian Bible

¹⁷ 'Ix 'och tza'n 'ix cuj on̈ yet' Pablo. 'Ix 'awj chan̈ 'ix, xyaln 'ixtic: —A ewin tic, schecb' Dios ewinac, atn jun Dios yel xo niwn yel'chi. To tzlaj yal eb' 'ayex, chajtl tzex 'aj e colchji, xchi 'ix.

Chuj San Mateo Bible

¹⁷ Ix och tzac'an ix cuuj yed' vin̈aj Pablo chi'. Ix syamanoch ix yavaji, syalan ix: —A juntzan̈ eb' vin̈ tic, schecab' ton val Dios yaj eb' vin̈, aton jun Dios yelxo nivan yelc'ochi. Van yalan eb' vin̈ d'ayex tas tz'aj e colchaji, xchi ix.

A Tas Sc'ulejnac Eb' Schecab' Jesús Hechos 16:17 ပူးပေါင်းရင်းမြစ်များ

Salmos 57:2

Ach in Diosal caw niwn el'chi, 'oj wal in b'a 'ayach, colwjan̈ wet' 'a smasnil tas.

Salmos 78:35

'Ixta to b'i'an, snan cot eb' Dios caw niwn yel'chi, atn Dios 'aj wach' scoln sb'a eb', a tztan̈wni pax eb'.

Dn 3:26

A yic xlajw yaln win jun tzo'n̈ cha, 'ix c'och win 'a stz'ey sti jun jorna cha, 'ix yaln win 'ixtic: —Sadrac, Mesac yet' ach Abed-nego, ex schecb' jun Dios To Niwn Yel'chi, ¡'eln̈ecta, cotn̈ec 'a tic! xchi winac. Yajn̈j wal cha, 'ix 'elt eb' quelm chi yoxwn̈il 'a scal te c'ac' cha.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 4:2

Tzin nib'j tzwac' eyojcoc 'el jun tzo'n̈ tas caw satjub'tac sb'o Dios 'ayin, atn jun mach caw niwn yel'chi.

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Dn 6:16

Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic: —A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Jonás 1:9

'Ix ta'w Jonás, 'ix yaln 'a ewin 'ixtic: —An tic hebreo in. A 'a Jehová sDiosal satcha'an̈, ata tzwal in b'a, atn jun b'ojnac a mar yet' lum lu'um, xchi.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Mr 1:24

—¿Tas aln ec 'ayn̈ ach Jesús 'aj Nazaret? ¿Tom tzach jaw wul on̈ a satcn 'el on̈? Wojc ach, ach tic, sic'b'ilch 'el yuj Dios, xchi win 'a 'a.

Mr 12:14

'Ix wul yalnoc eb' 'ixtc 'a 'a: —Mamin, cojc on̈ to caw yel tzala. Cojc pax on̈ to jun lajnn̈ej tzotj a nab'en 'a smasnil 'anma', yujto jun lajnn̈ej yel'ch junjn mach 'a a sat, ax jun b'eyb'al tznib'j Dios, a tzac' cuyxoc 'a yel. ¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿wach' am tzcac'a, mto ma'ay? ¿'Aym sleyl tzcac'a, mto ma'ay? xchi eb' 'a 'a.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.

Lc 1:77

Ach 'oj ac' nachjc 'el yuj eb' schon̈ab', tas 'oj 'aj eb' scolchji, ax yajx can lajwc smul eb'.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Lc 20:21

Yuj cha, xcob' stz'acnc eb' yal 'ixtc 'a 'a: —Mamin, cojc on̈ tojl tzotj alni, tojl a cuywj paxi. May junc mach 'aj tzach xiwi, yujto lajnn̈ej yel'ch junjn mach 'a a sat. Cojc pax on̈, a jun b'eyb'al tznib'j Dios a tzac' cuyxoc 'a yel.

Lc 4:34

—Jesús 'aj Nazaret, 'actj on̈ can on̈. ¿Tas aln ec 'ayn̈ on̈? ¿Tom tzach jaw wul on̈ a satcn 'el on̈? Wojtac mach ach, ach tic sic'b'ilch 'el yuj Dios, xchi win 'a 'a.

Lc 4:41

Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

A Tas Sc'ulejnac Eb' Schecab' Jesús Hechos 18:26

Ax 'a jun 'el, x'at yalnc 'el spaxti Dios 'a yol scapiya eb' yit israelal. Caw te'n xyutj sb'a yaln 'eli. Palta yic 'ix yab'n Priscila yet' Aquila, 'ix yi'n 'at eb' yet' sch'ocoj. 'Ix swach' cuyn eb' 'a scuynb'il Dios.

A Tas Sc'ulejnac Eb' Schecab' Jesús Hechos 19:13

Palta 'ay jaywn̈ eb' israel 'ix b'eyq'ui. 'Ix ya'lj eb' yi'n 'el ewin demonio 'a eb' 'anma'. 'Ix ya'lj eb' sc'anlb'an sb'i Cajlil Jesús, yic tzcob' yi'nc 'el eb' ewin demonio cha. 'Ix cob' yalnc eb' 'a ewin 'ixtic: —A 'a sb'i Jesús tzcaln 'ayx on̈, 'eln̈ec. A Jesús cha, atn jun tz'ec' yal-l Pablo yab'xil, xchi eb'.

A Sb'ab'el Carta San Pedro 2:16

An̈ec tic, libre xo cajec. Yuj cha, 'ixta cab' tzcutjec qui b'a. Palta matz tac' qui nanec, to tztac' qui comn b'onec maysch'olnil, yujn̈ej to libre cajec. Ocxo jun, qui nac coti, chajtlto on̈ 'ochc ya'malc servil Dios.

A Schab'il Carta San Pedro 2:2

Til wal eb' 'oj b'eylb'anc jun stu b'eyb'al eb' cha. Yuj eb' cha, 'oj alxoc, to may yel'ch jun b'eyb'al yel 'aj 'ayn̈ec 'och tic.