A Tas Sc'ulejnac Eb' Schecab' Jesús Hechos 15:22 - Chuj San Sebastian Bible

²² Yuj cha, a eb' schecb' Jesús, yet' eb' anciano, 'ix smol alj eb' yet' eb' creyente smasnil. 'Ix snan eb' to tzsi'l eb' jaywn̈oc eb' creyente, yic tz'at eb' 'a chon̈b' Antioquía yet' Pablo yet' Bernabé. Xlajw cha, 'ix si'n 'el eb' Judas, tzcuch pax Barsabás, yet' Silas. A chawn̈ eb' cha, checl yaj eb' 'a sat eb' creyente.

Chuj San Mateo Bible

²² Yuj chi', a eb' vin̈ schecab' Jesús yed' eb' vin̈ anciano ix smol alej eb' vin̈ yed' eb' creyente smasanil. Ix snaan eb' to ol siq'uel jayvan̈oc eb' creyente eb', yic sb'at eb' d'a chon̈ab' Antioquía yuc'levoc vin̈aj Pablo yed' vin̈aj Bernabé. Ix lajvi chi', ix sic'chajel vin̈aj Judas, scuchan pax Barsabás yed' vin̈aj Silas yuj eb'. A chavan̈ eb' vin̈ chi', chequel yaj eb' vin̈ d'a yichan̈ eb' creyente.

A Tas Sc'ulejnac Eb' Schecab' Jesús Hechos 15:22 ပူးပေါင်းရင်းမြစ်များ

A Ch'an̈ Schab'l Libro Samuel 3:36

Smasnil 'anma x'ab'n jun tic, caw wal schaj sc'ojl eb' yab'ni, yujto a smasnil tas tzyal David, caw wach' tzyab' eb'.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

2 Cr 30:4

Caw 'ix chaj sc'ojl win rey jun tic yet' smasnil eb' chon̈ab'.

A Tas Sc'ulejnac Eb' Schecab' Jesús Hechos 1:23

Yuj cha, 'ix chax chawn̈ winc yuj eb', atn José Barsabás, tzcuch pax Justo, yet' Matías.

A Tas Sc'ulejnac Eb' Schecab' Jesús Hechos 11:19

Yictax smilx can cham Esteban, caw x'ajx 'och syailal eb' creyente smasnil. Yuj cha, xlaj 'at eb' 'eloc. 'Ay eb' xlaj c'och to 'a Fenicia, 'a Chipre, yet' 'a Antioquía. 'Ix laj yalnc 'el eb' wach' 'ab'x 'a eb' yit israelal 'ayc' ta'. Palta may tas 'ix yal eb' 'a eb' man̈ israeloc.

A Tas Sc'ulejnac Eb' Schecab' Jesús Hechos 11:20

Palta 'ay jaywn̈ eb' creyente 'aj Chipre yet' jaywn̈ eb' 'aj Cirene 'ix c'och 'a Antioquía. Ata xyal-l eb' yab'xil Cajlil Jesucristo 'a eb' man̈ israeloc.

A Tas Sc'ulejnac Eb' Schecab' Jesús Hechos 11:22

Ax eb' creyente 'aj Jerusalén, 'ix yab'n eb' speclal jun cha. Yuj cha, 'ix checn 'at eb' Bernabé 'a Antioquía cha.

A Tas Sc'ulejnac Eb' Schecab' Jesús Hechos 11:27

A 'a jun tiempoal cha, 'ay jaywn̈ eb' tzyac' Dios yal-l spaxti'. 'Ix cot eb' 'a Jerusalén, xc'och eb' 'a Antioquía cha.

A Tas Sc'ulejnac Eb' Schecab' Jesús Hechos 15:23

'Ix checx 'at eb' yac' jun ch'an̈ carta. Tzyal ch'an̈ carta chi 'ixtic: An̈ schecb' on̈ Jesús tic on̈, yet' eb' anciano, yet' pax eb' creyente smasnil, tic tzca't stzatzl e c'ojl ax man̈ ex israeloc 'a chon̈b' Antioquía, 'a Siria, yet' 'a Cilicia.

A Tas Sc'ulejnac Eb' Schecab' Jesús Hechos 15:25

Yuj cha, xqui mol alj on̈, xqui si'n 'el jaywn̈ eb' 'a qui cal tic on̈, yic tz'at eb' 'ayx ta'. Moln 'oj 'at eb' yet' cu'tac Bernabé yet' Pablo. Atn eb' tic, chamc'ojlb'il cujec.

A Tas Sc'ulejnac Eb' Schecab' Jesús Hechos 15:27

Ax Judas yet' Silas tic, atn eb' tzqui checb't 'ayx on̈. 'Oj 'at yal eb' 'ayx si'mb'il, tas xqui b'o 'a tic on̈.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 15:30

Ax eb' xchecx 'at cha, a yic xc'och eb' 'a chon̈b' Antioquía, xya'n eb' syam sb'a eb' creyente smasnil. 'Ix ya'n eb' ch'an̈ carta chi 'a eb'.

A Tas Sc'ulejnac Eb' Schecab' Jesús Hechos 15:32

Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

A Tas Sc'ulejnac Eb' Schecab' Jesús Hechos 15:40

Ax Pablo, 'ix si'n 'elt Silas 'a scal eb' creyente, yic tz'at yet'oc. Ax eb' creyente cha, 'ix sc'an eb' swach'c'ojlal Dios 'a yib'n̈ eb'. Xlajw xoj cha, x'at eb'.

A Tas Sc'ulejnac Eb' Schecab' Jesús Hechos 16:19

Palta ax eb' 'ajcuenta 'a 'ix, 'ix yiln eb' to x'el jun demonio chi 'a 'ix, man̈xtzac stac' ya'n ganar eb' stumn 'a spatquil 'ix. Yuj cha, 'ix stzicn 'at eb' Pablo yet' Silas 'a plas, 'a 'aj 'ay eb' yajal.

A Tas Sc'ulejnac Eb' Schecab' Jesús Hechos 16:25

Ax 'a chim'ac'wal, 'ix leslwi Pablo chi yet' Silas. 'Ix sb'itnan eb' jun tzo'n̈ b'it 'a Dios. Ax jun tzo'n̈ xo eb' 'aych 'a preso yet' eb' cha, caw tzyab' eb'.

A Tas Sc'ulejnac Eb' Schecab' Jesús Hechos 16:29

Yuj cha, 'ix sc'ann cot win staj. 'Ix 'ochch win 'a 'aj 'ay eb' cha. Caw x'ib'x chan̈ win yuj xiwlal. 'Ix 'em cumn win 'a yojltac Pablo yet' Silas.

A Tas Sc'ulejnac Eb' Schecab' Jesús Hechos 17:10

Ax 'a sq'uic'b'alil, 'ix checx 'at Pablo yet' Silas yuj eb' creyente 'a chon̈b' Berea. Yic xc'och eb' ta', 'ix 'och eb' 'a yol scapiya eb' yit israelal.

A Tas Sc'ulejnac Eb' Schecab' Jesús Hechos 17:14

Palta yajn̈j wal cha, 'ix checx 'at Pablo 'a sti a mar yuj eb' creyente. Ax Silas yet' Timoteo, xcan eb' 'a Berea cha.

A Tas Sc'ulejnac Eb' Schecab' Jesús Hechos 17:4

'Ay eb' israel xya'ch sc'ojl 'a Cristo. Yuj cha, 'ix 'och eb' yitb'eymoc Pablo chi yet' Silas. Niwn eb' griego 'ochnc 'a scuynb'il eb' israel, 'ix ya'ch eb' 'a sc'ojol. Niwn pax eb' 'ix 'ix 'ay yel'ch 'a sat eb' 'anma 'ochnc yet' eb'.

A Tas Sc'ulejnac Eb' Schecab' Jesús Hechos 18:5

Ax Silas yet' Timoteo, 'ix 'elx eb' 'a yol yic Macedonia, 'ix c'och eb' 'a Corinto cha. Ax Pablo, 'a smasnil sc'ojol x'ec' yal-l spaxti Dios, man̈x 'a tas 'ix sb'o'o. Caw xya'lj ya'n nachjc 'el yuj eb' israel chajtlto a Jesús, atn Cristo, a tan̈b'il xon sjaw yuj eb'.

A Tas Sc'ulejnac Eb' Schecab' Jesús Hechos 8:14

Ax yic 'ix yab'n eb' schecb' Jesús 'ayc' 'a Jerusalén, chajtlto 'ay eb' 'aj Samaria 'ix ya'ch spaxti Dios 'a sc'ojol. Yuj cha, 'ix schecn 'at eb' Pedro yet' Juan ta'.

2 Co 1:19

A Cristo Jesús, yel Yunnal Dios, a yab'xil 'ec' waljnac 'a e cal. 'Ec' yaln pax Silvano yet' Timoteo. A Cristo, may jun 'ejmoc yaljnac 'ixtic: Inye, ¿tom xchi? Tzyaln paxi to ma'ay. Yujto cojn wal a tas yel, a yaljnac.

1 Ts 1:1

An Pablo in tic, jun waj yet' Silvano, yet' Timoteo, tic tzwa't jun in carta tic 'ayx ex creyente 'a chon̈b' Tesalónica. Yic ex xo qui Mam Dios. Yic ex pax Cajlil Jesucristo. Tzin nib'ej, [a qui Mam Dios yet' Cajlil Jesucristo,] tzyac' swach'c'ojlal yet' sjunc'ojlal 'ayx ta'.

2 Ts 1:1

An Pablo in tic, jun waj yet' Silvano, yet' Timoteo, tic tzca't jun qui carta tic 'ayx on̈, atn 'ayx ex creyente 'a chon̈b' Tesalónica. Yic ex xo qui Mam Dios, yic ex pax Cajlil Jesucristo.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.