A Tas Sc'ulejnac Eb' Schecab' Jesús Hechos 15:18 - Chuj San Sebastian Bible

¹⁸ 'Ixta yutjnac Cajlil yalni, atn 'a'jnac cojcoc 'el jun tzo'n̈ tic, yictax pecti', xchi 'a Ch'an̈.

Chuj San Mateo Bible

¹⁸ Icha chi' yutejnac Dios Cajal yalani. A ac'jinac cojtaquejel juntzan̈ tic yictax d'a peca', xchi d'a Slolonel Dios Tz'ib'ab'ilcani.

A Tas Sc'ulejnac Eb' Schecab' Jesús Hechos 15:18 ပူးပေါင်းရင်းမြစ်များ

Is 44:7

¿Mach wal junc lajn wet'oc? Paxtin cab'i', yal cab' 'ayin tas yaji. ¿Toc 'ay junc mach 'ix alni tas ujnc 'a yictax pecti', yet' tas 'oj ujc 'a yic b'aq'uin̈? Toto 'ay, yal cab' tas jab'xoj 'oj ujoc.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Am 9:12

'Ixta to b'i'an, a jantcto eb' 'aj Edom 'oj to canoc, yet' smasnil jun tzo'n̈ nacion̈ to wic xon yaji, 'oj 'ochcn eb' 'a yol sc'ab' yin̈tl Israel, xchi Dios. A Jehová aljnac jun tic, yowlal 'oj 'el'choc.

Zacarías 14:7

Man̈x 'a junc xo c'ul 'icha jun c'u cha, sacq'uinln̈ej, may c'ual, may pax 'ac'wal, a yic 'oj 'em c'u, sacq'uinln̈ej. A jun cha, cojn Jehová a 'ojtnac tas 'oj 'ajoc.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Mt 13:35

'Ixta xyutj yaln 'a eb', sec tz'el'ch tas stz'ib'jnac can jun schecb' Dios 'a pecti', yic yaln can 'ixtic: A jun tzo'n̈ 'ab'x ya snachj 'eli, a 'oj wal 'a eb' 'anma'. 'Oj wal jun tzo'n̈ paxti to caw niwn yel'ch 'ayex; atn jun tzo'n̈ tas to c'ub'b'il 'el 'a yictax sb'on Dios yolyib'n̈q'uinl tic, xchi.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.

Ef 1:4

Yictax mantzac b'o yolyib'n̈q'uinl tic, a Dios si'jnacn̈ec xon yuj Cristo, sec an̈j 'ayn̈ec yico', man̈x 'a jac qui paltailec 'a sat.

Ef 3:9

A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli.

2 Ts 2:13

Ex wu'tac, ex wanab', chamc'ojlb'ilx yuj Cajlilec. Yowlal caw tzca'n̈j yuj diosal 'a Dios eyuj on̈, yujto yictax pecti', sic'b'ilx can 'el yuj Dios quet' on̈, sec tzex colchj yuj Yespíritu. A tzex 'i'n 'och yico'oc Dios. Yuj cha, tzex colchj quet' on̈, yujto tzeya'ch pax e c'ojl 'a jun cuynb'il caw yel.

A Sb'ab'el Carta San Pedro 1:20

Yic mantzac sb'o Dios yolyib'n̈q'uinl tic, yojc xoni, to 'ixta 'oj 'aj Cristo. Palta at 'a jun slajb' tiempoal tic, 'ix 'ajx checljoc 'el 'a yolyib'n̈q'uinl tic, sec caw wach' quiquec.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.