A Tas Sc'ulejnac Eb' Schecab' Jesús Hechos 15:11 - Chuj San Sebastian Bible

¹¹ Caw man̈ e b'o 'ixta', yujto cojquec, yujn̈ej swach'c'ojlal Cajlil Jesús, tzon̈ colchjec. An̈jtona', 'ixta pax eb' man̈ israeloc cha, xchi Pedro 'a eb'.

Chuj San Mateo Bible

¹¹ Man̈ e c'ulej jun chi', yujto cojtac to yujn̈ej svach'c'olal Cajal Jesús tzon̈ colchaji. An̈ejtona', icha pax chi' eb' man̈ israeloc chi', xchi vin̈aj Pedro chi'.

A Tas Sc'ulejnac Eb' Schecab' Jesús Hechos 15:11 ပူးပေါင်းရင်းမြစ်များ

Ro 3:24

Palta yujn̈ej swach'c'ojlal Dios, on̈ 'ochc wach'l 'a sat ticnec, yujto colchjnacn̈ec xo yuj Cristo Jesús.

Ro 5:15

Palta a jun smul win Adán cha, caw man̈ lajnoc 'icha qui colnb'il tzyac' Dios. Yuj smul jun winc cha, c'uxn x'ajx can 'och chaml 'a yib'n̈ eb' 'anma'. Palta ax jun colnb'il tzyac' Dios 'a nab'an̈ej, yel xo niwn yel'chi, yujto yujn̈ej jun mach, til wal on̈ec tzlaj qui cha swach'c'ojlal Dios, atn yuj Jesucristo.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

1 Co 16:23

Tzin nib'j tzyac' Cajlil Jesucristo swach'c'ojlal 'ayx ta'.

2 Co 13:14

Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Gl 1:6

A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Tito 2:11

A Dios 'ix sch'ox swach'c'ojlal 'ayon̈, sec tztac' tzon̈ colchj qui masnil 'a yolyib'n̈q'uinl tic.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.