A Tas Sc'ulejnac Eb' Schecab' Jesús Hechos 14:9 - Chuj San Sebastian Bible

⁹ wan yab'xni win 'a Pablo. Ax Pablo cha, x'och q'ueln 'a winac. 'Ix yilni to tzya'ch win 'a sc'ojol, chajtlto 'oj stac' sb'ox win yuj Dios.

Chuj San Mateo Bible

⁹ van yab'an vin̈ tas syal vin̈aj Pablo. Axo vin̈aj Pablo chi' ix och q'uelan d'a vin̈. Ix yilan vin̈ to syac'och vin̈ d'a sc'ool to syal sb'oxi vin̈ yuj Dios.

A Tas Sc'ulejnac Eb' Schecab' Jesús Hechos 14:9 ပူးပေါင်းရင်းမြစ်များ

Mt 13:58

Jayen̈ej milagro sb'o 'a schon̈b' cha, yujto ma'ix ya'ch eb' 'anma chi sc'ojl 'a 'a.

Mt 15:28

Yuj cha, xyaln pax 'a 'ix 'ixtic: —Ach 'ix, tzwila caw yelc'ojlal tza'ch a c'ojl 'a Dios. Yuj cha, b'o cab' 'icha tza nib'ej, xchi 'a 'ix. Yajn̈j wal cha, 'ix b'ox can sc'ojl 'ix yune 'ix cha.

Mt 8:10

Ax yic xyab'n Jesús jun tzo'n̈ cha, caw sat sc'ojl yab'ni. Yuj cha, xyaln 'ixtc 'a eb' ajun yet'oc: —Wal yel tzwal 'ayex, mant 'a junc quit israelal xwil ya'n 'och sc'ojl 'a Dios 'icha jun win tic.

Mt 9:22

Yuj cha, 'ix sutmj 'at q'uelnjoc Jesús 'a 'ix, 'ix yaln 'ixtc 'a 'ix: —Ach 'ix, tzaljan̈ ticnec, tic ach b'ox can wu'uj, yujto tzin a'ch 'a a c'ojol, xchi 'a 'ix. Yajn̈j wal cha, xb'ox can sc'ojl 'ix.

Mr 10:52

—A 'a sat tic, tox 'ix jacwi, yujto xa'ch a c'ojl 'a Dios, yuj cha, tztac' tzach pax ticnec, xchi 'a winac. Yajn̈j wal cha, sjacw sat win yu'uj, xlajw cha, x'at win yet' Jesús 'a 'aj tz'ati.

Mr 2:5

Yic xyiln Jesús, chajtlto tzya'ch eb' sc'ojl 'a 'a, 'ix yaln 'a win sicb'nac 'el chi 'ixtic: —Ach winac, tic 'ix 'ajx can lajwc a mul, xchi 'a winac.

Mr 8:25

Yuj cha, 'ix squiln 'och Jesús sc'ab' 'a yol sat winac, 'ixta to b'i'an, xwach' jacw yol sat winac, caw wach'x yiln win si'mb'il.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

A Tas Sc'ulejnac Eb' Schecab' Jesús Hechos 3:4

Ax Pedro yet' Juan cha, 'ix 'och q'ueln eb' 'a winac. —'Ochn̈ q'ueln 'ayn̈ on̈, xchi Pedro 'a winac.