A Tas Sc'ulejnac Eb' Schecab' Jesús Hechos 14:17 - Chuj San Sebastian Bible

¹⁷ Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Chuj San Mateo Bible

¹⁷ Palta ix yac' co pensar yic scojtaquej eli tas yaji ayic syac'ancot n̈ab' d'a quib'an̈. Syac'an masanil tas scavej. A' tz'ac'an masanil tas sco va'a. Syac'anpax co tzalajc'olal, xchi eb' vin̈.

A Tas Sc'ulejnac Eb' Schecab' Jesús Hechos 14:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:1

'Ix 'ec' 'oxe ab'il yic may n̈ab', xlajw cha, 'ix yaln pax Jehová 'ixtc 'a Elías: 'Ixic, 'at ch'oxx a b'a 'a win Acab, yujto 'oj wa'x cot n̈ab' 'a sat lum lum tic, xchi.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Job 36:31

'Ixta tzyutj Dios sb'eyc'ojlan eb' 'anma', tztac' pax ya'n tas tzc'ux eb'.

Job 37:6

A tzalni yic tz'em q'uen sacb'acm 'a yib'n̈ lum lum tic, tzya'n cot pax n̈ab' yel xo wal 'ay smay.

Job 5:10

A tz'a'n cot n̈ab' 'a yib'n̈ lum lum tic, sec 'ixta tz'aj yoch yalil smasnil tas 'ay 'a sat lu'um.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Salmos 4:7

Ach 'ix ac' in tzaljc'ojlal, yel xo wal niwn yel'ch 'a yib'n̈ yic eb' caw niwn sat yawb'en tzmolo.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Is 40:21

¿Tom man̈ eyojcoc ax tic? ¿Tom may 'aj eyab'jnac yab'xil? ¿Tom may mach aljnac 'ayx 'a yictax mantzac b'o smasnil tas? ¿Tom mant 'a mach cuyjnacx 'a yictax yel yich sb'o yolyib'n̈q'uinal?

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

A Tas Sc'ulejnac Eb' Schecab' Jesús Hechos 14:18

Palta wach'xam xyal Pablo yet' Bernabé jun tzo'n̈ cha, teb'il 'ix tenchj 'och wan eb' 'anma chi yuj eb'. Yujto tznib'j eb' tzmil no wacax, tzya'n eb' xajmb'al-l 'a eb'.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Dt 28:12

'Oj sjac wal satchan̈ 'aj 'ay sricoal, ax yem 'a eyib'n̈ 'icha yem n̈ab' 'a yib'n̈ lum lum 'a stiempoal, yic caw wach' tz'aj smasnil e munljel. 'Oj stac' eya'n majnil 'a jun tzo'n̈ xo nacion̈, palta ax xo tic, may tas 'oj e c'an e majnc 'a junc xo mach.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.