A Tas Sc'ulejnac Eb' Schecab' Jesús Hechos 13:40 - Chuj San Sebastian Bible

⁴⁰ Yuj cha, tzeyil wal e b'a. To ma'ay, a tas tz'ib'b'il can yuj eb' schecb' Dios, 'oj jawc 'a eyib'an̈. Yujto yaljnac can eb' 'ixtic:

Chuj San Mateo Bible

⁴⁰ Yuj chi' naec val e b'a. Tato maay, a tas tz'ib'ab'ilcan yuj eb' schecab' Dios ol javoc d'a eyib'an̈, yujto yalnaccan eb' icha tic:

A Tas Sc'ulejnac Eb' Schecab' Jesús Hechos 13:40 ပူးပေါင်းရင်းမြစ်များ

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Ez 33:9

Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi bi'an, ach xo tic, libre ach 'a jun 'anma cha, xchi Dios.

Habacuc 1:5

Xyaln Dios 'ixtic: Tzcham wal eyiln jun tzo'n̈ nacion̈ oyn xo 'och 'ayx tic. A yic tzeyiln eb', sat cab' e c'ojl eyiln eb'. Yujto 'ayx 'ec' 'a in nab'en tas oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex.

Malaquías 3:2

¿Mach wal 'oj techjoc yuj 'a jun c'u yic 'oj in jaw cha? ¿Mach wal 'oj stac' ste'wtzan sb'a yoch lin̈n 'a wojltac? Yujto a wopiso, lajn wal 'icha te c'ac' tzc'an eb' tzb'on q'uen oro, mto 'icha sawon tzc'an eb' tzju'wi.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 6:45

Tz'ib'b'il can yuj jun tzo'n̈ eb' schecb' Dios 'ixtic: 'Oj 'ajxoc cuywc smasnil 'anma yuj Dios, xchi eb'. Yuj cha, jantcn̈ej eb' tzya'ch schicn 'a tas tzyal qui Mam Dios, toto tznachj 'el yuj eb' tas tzyala, 'oj jawc eb' 'ayin.

A Tas Sc'ulejnac Eb' Schecab' Jesús Hechos 15:15

A jun wan sb'on tic, lajn 'icha tas tz'ib'b'il can yuj eb' schecb' Dios pecti', yic yaln eb' 'ixtic:

A Tas Sc'ulejnac Eb' Schecab' Jesús Hechos 7:42

Yuj cha, 'ix yi'n 'el sb'a Dios 'a scal eb'. 'Ix 'actx can eb' sch'ocoj, sec tzyac' 'ejm sb'a eb' 'a jun tzo'n̈ c'anal 'ay 'a satcha'an̈. 'Ixta yutjnac jun schecb' Dios stz'ib'n cani, 'a 'aj tzyal 'ixtic: Ex israel, a wal yic yec' eb' e mam eyichm chawinc ab'il 'a lum cusltac lu'um, caw man̈oc 'ayn ya'jnac tz'a eb' xajmb'al yet' yofrenda.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.