A Tas Sc'ulejnac Eb' Schecab' Jesús Hechos 13:36 - Chuj San Sebastian Bible

³⁶ A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

Chuj San Mateo Bible

³⁶ A vin̈aj David chi' ac'jinac servil eb' anima d'a jun tiempoal chi', icha sgana Dios. Slajvi chi' scham vin̈, smucchajnac vin̈ b'aj mucan eb' smam yicham. Axo snivanil vin̈ chi' c'anacb'ati.

A Tas Sc'ulejnac Eb' Schecab' Jesús Hechos 13:36 ပူးပေါင်းရင်းမြစ်များ

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

A Ch'an̈ Schab'l Libro Samuel 7:12

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

A Ch'an̈ B'ab'el Libro Yic Yab'ixal Eb' Rey 2:10

Ax 'a yic xcham rey David, ata 'ix mucx 'a jun lugar tzcuch Schon̈b' David.

1 Cr 11:2

A 'a yic yaln̈taxi, wach'xam 'aych Saúl reyal, palta ach on̈ a jucb'tzej an̈ israel on̈ tic, yic qui 'atc 'a owal. An̈jtona', 'ix yaln pax Jehová qui Diosalec 'ayach, to ach 'oj on̈ a jucb'tzoc, ax a'n pax reyl 'a quib'n̈ an̈ israel on̈ec tic, xchi eb' 'a 'a.

1 Cr 17:11

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

1 Cr 18:14

'Ix yac' David reyl 'a yib'n̈ smasnil chon̈b' Israel. Caw wach' 'ix yutj sb'eyb'al, 'ix sb'on yaj eb' yit chon̈b' 'a stojlal.

1 Cr 29:28

Caw 'ichm winc xo sq'uinlani, 'ix cham 'a tzaljc'ojlal, caw rico si'mb'il, niwn pax yel'chi. Ax Salomón, atn yunnal, a x'ochcn reyl sjeloc.

2 Cr 12:16

Ax yic xcham Roboam cha, ata 'ix mucx 'aj mucn eb' smam yicham, 'a Schon̈b' David. Xlajw cha, ax jun yunnal tzcuch Abiam, a 'ix 'ochcn reyl sjeloc.

2 Cr 21:1

'Ix cham rey Josafat, ata 'ix mucx 'aj mucn eb' smam yichm 'a Schon̈b' David. Ax win Joram yunnal Josafat, a 'ix 'ochcn reyl sjeloc.

2 Cr 26:23

A yic 'ix cham Ozías cha, ata xmucx 'aj mucn eb' smam yichm 'a scampusan eb' rey, palta man̈oc 'a yet'l eb' rey cha, yujto 'aych lepra 'a 'a. Xlajw cha, ax Jotam chi x'ochcn reyl sjeloc.

2 Cr 9:31

Ax yic schami, ata xmucx 'a Schon̈b' David, atn smam. Ax jun yunnal tzcuch Roboam, a 'ix 'ochcn reyl sjeloc.

Job 17:14

A yet'l chaml 'aj 'oj in c'och cha, yet' pax no a'ay, a chi 'oj walch in mamoc, in nunoc, wanb'oc.

Job 21:26

Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.

Jn 11:39

—'Ijec 'el smac q'uen tic, xchi Jesús. Ax 'ix Marta, 'ix yanb' winac, 'ix yaln 'ix 'ixtc 'a Jesús: —Palta Mamin, yoxjil xo scham winac, tecn 'ayx sjab' win ticnec, xchi 'ix.

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

A Tas Sc'ulejnac Eb' Schecab' Jesús Hechos 2:29

Ex wit chon̈ab', caw checl tas 'ajnc qui mam quichmec David cha. Cojquec, to chamnac, mucxnac. A jun yet'l 'aj mucb'il cha, an̈ja checl yaj ticnec.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

1 Co 15:18

Ax eb' creyente chamnc xo, jun 'ejmn̈ej am chamnc eb'.

1 Co 15:6

Xlajw cha, 'ix sch'oxn sb'a 'a jun tzo'n̈ xo eb' quit creyenteal. 'Ec'b'al 'a o'e ciente sb'isl eb'. Yamn yaj eb', xyiln eb' smasnil. Niwnto eb' pitzn ticnec, palta 'ay jaywn̈ eb' chamnc xo.

1 Ts 4:13

Ex wu'tac, ex wanab', tzqui nib'j on̈, caw tzeyojquej 'eli, tas wal yaj eb' creyente chamnc xo, sec matz ex cus yuj eb', 'icha tzcus eb' may tas tzya'ch yipc sc'ojol.