A Tas Sc'ulejnac Eb' Schecab' Jesús Hechos 13:13 - Chuj San Sebastian Bible

¹³ Ax Pablo yet' eb' ajun yet'oc, 'ix 'och eb' 'a yol jun te barco. 'Ix 'elx eb' 'a chon̈b' Pafos cha, 'ix c'och eb' 'a chon̈b' Perge, 'a yol yic Panfilia. Palta ax Juan Marcos, 'ix 'actn can eb', 'ix meltzj can pax 'a Jerusalén.

Chuj San Mateo Bible

¹³ Axo vin̈aj Pablo yed' eb' vin̈ ajun yed'oc, ix och eb' vin̈ d'a yol jun barco. Ix b'atxi eb' vin̈ d'a chon̈ab' Pafos, ix c'och eb' vin̈ d'a chon̈ab' Perge d'a yol yic Panfilia. Palta axo vin̈aj Juan Marcos, ix actajcan eb' vin̈ yuj vin̈, ix meltzajcan vin̈ d'a chon̈ab' Jerusalén.

A Tas Sc'ulejnac Eb' Schecab' Jesús Hechos 13:13 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 12:12

Wanto snan jun tzo'n̈ cha, 'ix c'och 'a yatut María snun Juan, tzcuch pax Marcos. Til wal mach yamn 'a jun n̈a cha, yic tzleslwi eb' yuj Pedro.

A Tas Sc'ulejnac Eb' Schecab' Jesús Hechos 15:36

Ax yic x'ec' jaye xo c'u, 'ix yaln Pablo 'a Bernabé 'ixtic: —Con̈, 'at quilx eb' creyente 'a junjn chon̈b' 'ajtc laj 'ec' caljnac 'el spaxti Cajlil, yic tz'at quila', toto an̈ja te'n eb', xchi Pablo.

A Tas Sc'ulejnac Eb' Schecab' Jesús Hechos 15:38

Palta 'ix snan Pablo, to man̈ smojc tz'at yet' eb'. Yujto a 'a jun 'el, yactjnac can eb' 'a Panfilia. Ma'ix yac' lajwc smunljel yet' eb'.

A Tas Sc'ulejnac Eb' Schecab' Jesús Hechos 2:10

'Ay mach 'aj Frigia, 'aj Panfilia, 'aj Egipto. 'Ay pax mach 'ay 'a jun tzo'n̈ lugar 'a yol yic Libia 'a spatquil 'at Cirene. 'Ay pax jun tzo'n̈ eb' 'aj Roma 'ayx 'ec' xon 'a tic. Quit israelal nan̈l eb'. Ax nan̈l xo eb', man̈ israeloc eb', palta 'ochnc eb' 'a qui cuynb'ilec.

A Tas Sc'ulejnac Eb' Schecab' Jesús Hechos 27:13

Ax yic 'ix cot jun 'ic' 'a stojlal sur, c'ojnc'ojnil scoti. Yuj cha, xcob' snanc eb', to wach' tzon̈ 'atx on̈. Yuj cha, on̈ 'at b'i'an, on̈ 'ec' 'a sla'nil stitc Creta cha.

A Tas Sc'ulejnac Eb' Schecab' Jesús Hechos 27:5

On̈ 'ec' 'a yib'n̈ a mar 'a stitc slugar Cilicia yet' Panfilia, on̈ c'och 'a chon̈b' Mira, 'a yol yic Licia.

A Scarta San Pablo D'a Eb' Aj Colosas 4:10

Ax Aristarco, preso yaj wet' 'a tic. Tic tzya't stzatzl e c'ojl ta'. Yet' pax Marcos, atn yican Bernabé, tzya't pax stzatzl e c'ojol. Waljnacx 'at 'ayx yuj Marcos tic, toto 'oj c'och ta', tzaljc'ojlal tze chaj sc'ochi.

2 Ti 4:11

Cojxnn̈ej Lucas 'ayc' wet'oc. Yic tzach coti, tz'ec' ec' Marcos et'oc, yujto caw 'ay yopiso smunlj wet' 'a Cajlil.