A Tas Sc'ulejnac Eb' Schecab' Jesús Hechos 12:24 - Chuj San Sebastian Bible

²⁴ Palta ax spaxti Cajlil, caw xpucl 'a scal eb' 'anma'. C'uxn xlaj alx 'el 'a junjn lugar.

Chuj San Mateo Bible

²⁴ Palta axo slolonel Dios Cajal ix pucaxn̈ejel d'a scal eb' anima. Ix laj alchajel d'a junjun lugar.

A Tas Sc'ulejnac Eb' Schecab' Jesús Hechos 12:24 ပူးပေါင်းရင်းမြစ်များ

Pr 28:28

A yic tz'och eb' maysch'olnil yajlil, tzlaj sc'ub'c 'el sb'a eb' 'anma yuj eb', palta a yic tzsatl eb' maysch'olnil cha, ax eb' tojl snab'en tzniwtj cha'an̈.

Is 55:10

A 'in paxti', ma'oj meltzjoc 'ayn 'a to may tas tzb'o yu'uj, palta to 'oj yac' 'el'choc tas nab'il wu'uj, 'icha yaj in nani. Lajn yaj 'icha n̈ab' tzcot 'a satcha'an̈ yet' sacb'acum, man̈xtzac meltzj eb' 'aj tzcot cha. Ton̈j tzyu'j 'ejm lum lum tic, tzyaxb' sat lu'um, sec tzlaj pac' snich te 'awb'ente', tzya'n te sat, tz'elx can 'in̈t 'a te', sec tz'awx pax muc'uc, mto yic tzc'uxn eb' 'anma'. 'Ixta yaj in paxti tic.

Dn 2:24

A yic xlajw yaln Daniel chi jun tzo'n̈ tic, 'ix 'at 'a win Arioc cha, atn win x'ajx yopiso yuj win rey smiln cham eb' tzyal jelnal sb'a 'a yol yic Babilonia cha, 'ix yaln 'a win 'ixtic: —Ach wajlil, comnoc matz cham eb' tzyalch jelnal sb'a cha. 'Ij in 'at 'a yojltac win rey cha. An 'oj wala' tas tzyal 'el'ch swaych win cha, xchi.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

A Tas Sc'ulejnac Eb' Schecab' Jesús Hechos 11:21

Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.

A Tas Sc'ulejnac Eb' Schecab' Jesús Hechos 19:20

Yuj cha, til wal 'anma 'ix ya'ch sc'ojl 'a spaxti Cajlil. 'Ixta x'aj scheclj 'eli, to caw niwn spoder spaxti Dios.

A Tas Sc'ulejnac Eb' Schecab' Jesús Hechos 5:39

Palta toto yic Dios, ma'oj stac' ca'nec lajwoc. 'Ay smay, toq'ue a Dios tzca'c owl yet'oc, xchi winac.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

A Scarta San Pablo D'a Eb' Aj Colosas 1:6

A jun 'ab'x yic colnb'il alb'ilx 'ayex, wan yalx 'a junjn lugar 'a yolyib'n̈q'uinl tic. 'Icha junc te tzq'uib'i, tzya'n sat, 'ixta tz'aj jun 'ab'x tic 'a eb' tz'ab'ni. An̈jtona', 'ixta x'aj 'ayex, yictax e b'ab'l 'ab'ni, chajtlto niwn swach'c'ojlal Dios. Yujto nachjnac 'el eyu'uj, to caw yel 'ay swach'c'ojlal cha.

2 Ts 3:1

A ticnec, ex wu'tac, ex wanab', caw tzex leslwi cuj on̈, sec 'oj pucl spaxti Cajlilec 'a scal eb' 'anma smasnil muc'uc. Ax schan eb' 'a smasnil sc'ojol, 'icha eyutjnac e chani.