A Tas Sc'ulejnac Eb' Schecab' Jesús Hechos 12:23 - Chuj San Sebastian Bible

²³ Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

Chuj San Mateo Bible

²³ Yujto maj yic'chaan̈ sb'i Dios vin̈, yuj chi' d'a jun rato chi' ix ac'jioch syaelal vin̈ yuj jun yángel Dios, ix och noc' a'ay d'a yol sc'ool vin̈, ix cham vin̈.

A Tas Sc'ulejnac Eb' Schecab' Jesús Hechos 12:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Job 19:26

Wach'xam tzlajw 'el in tz'umal tic, palta 'oj wilch Dios yet' in niwnal tic.

Job 7:5

Ax in niwnal, caw wal 'ayx 'och yayil, tzlaj 'el spojwal sat in yab'il cha, caw wal 'ayx in jab' yet'oc.

Salmos 115:1

Mamin Jehová, a cab' 'aych tzalx wach' paxti', man̈oc cab' 'ayn̈ an̈ 'anman̈ tic. Caw smoj yalx wach' paxti 'aych yuj a chamc'ojlal yet' yuj a tojlal.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Ex 12:23

Yujto a yic 'oj 'ec' Jehová 'a jun 'ac'wl cha, 'oj 'ec' smil cham eb' 'anma 'a Egipto tic, ax yiln 'och chic' 'a sti smac eyatut cha, c'ax'e'l 'oj 'ec'oc, ma'oj chaxc 'och jun ángel chi smil eb' b'ab'l 'unn 'a yol eyatut.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Ex 9:17

Wach'xam til wal jun tzo'n̈ yailal tzin ch'ox ela', palta an̈j 'ijnoc tza pitb'tzej a b'a, matz a chaj 'at eb' in chon̈b' tic.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Is 14:11

A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 28:9

¿Tom 'oj stac' aln to 'a sat eb' tzach miln cha, to dios ach? Ach tic man̈ ach diosoc, 'anma achn̈ej, toc 'ayt el'ch 'a sat eb' tzach miln cha.

A Tas Sc'ulejnac Eb' Schecab' Jesús Hechos 12:22

Xlajw yab'n eb', xlaj yalnc chan̈ eb' 'ixtic: —A jun tzpaxtin tic, man̈ 'anma'oc, atn junc dios, xchi eb'.

A Tas Sc'ulejnac Eb' Schecab' Jesús Hechos 5:19

Palta ax 'a 'ac'wal, 'ay jun yángel Cajlil, xwul jacn te preso cha. 'Ix yi'n 'elt eb'. Xlajw cha, xyaln 'a eb' 'ixtic:

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

A Ch'an̈ B'ab'el Libro Samuel 25:38

Slajn̈il xo c'u yoch jun yab'il chi 'a 'a, 'ix milx cham yuj Jehová.