A Tas Sc'ulejnac Eb' Schecab' Jesús Hechos 11:23 - Chuj San Sebastian Bible

²³ Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Chuj San Mateo Bible

²³ Axo ix c'och vin̈, ix yilan vin̈, te nivan svach'c'olal Dios ix yac' d'a eb'. Yuj chi' ix te tzalaj vin̈ yuj eb'. Ix ac'ji stec'anil eb' yuj vin̈. Ix yalan vin̈ to tec'an syutej sb'a eb', syac'anpax och spensar eb' d'a Cajal Jesús d'a masanil tiempo.

A Tas Sc'ulejnac Eb' Schecab' Jesús Hechos 11:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:6

Caw yiclum 'ix yutj sb'a 'a Jehová, may jun 'ejmoc 'ix yij 'el sb'a 'a 'a, yujto syiclj smasnil schecn̈b'il Jehová ya'jnac yal-l Moisés.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Pr 23:15

Ex wunnal, a wal yic 'oj e jelnb'i, yic 'oj wab'nc e paxtin 'a tas smoj eyalni, 'oj tzaljc in c'ojl si'mb'il eyu'uj.

Pr 23:28

Tzmacwj eb' 'ix 'a yol b'e 'icha junc 'elc'um. Til wal eb' winc tzjuw 'el yuj eb' 'ix.

Dn 1:8

A win Daniel cha, 'ix sna sb'a winac to man̈ wach'c tzcan win 'a sat Dios toto tzc'ux win tas tzc'ux win rey, yet' yal uva tzyu'j winac. Yuj cha, 'ix tew 'och win 'a win Aspenaz cha, chajtlto matz tz'ajx pural sc'uxn jun tzo'n̈ cha yic matz 'och smul.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Mr 2:5

Yic xyiln Jesús, chajtlto tzya'ch eb' sc'ojl 'a 'a, 'ix yaln 'a win sicb'nac 'el chi 'ixtic: —Ach winac, tic 'ix 'ajx can lajwc a mul, xchi 'a winac.

Jn 15:4

Caw cann̈ecn̈ej wet'oc. An xo tic, 'oj in cann̈j pax eyet'oc. 'Icha junc sc'ab' te tz'el 'a snun, man̈xtzac stac' satni, 'ixta 'ex jun xo, toto matz ex can wet'oc.

A Tas Sc'ulejnac Eb' Schecab' Jesús Hechos 13:43

Ax yic xlajw jun culto cha, til wal eb' israel x'at yet' Pablo yet' Bernabé. 'Ay pax eb' 'ochnc 'a scuynb'il eb' israel cha, x'at pax eb' yet' eb'. Yuj cha, xyaln Pablo yet' Bernabé 'a eb', chajtlto te'n tzyutj sb'a eb' ya'n 'och sc'ojl 'a schamc'ojlal Dios.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

A Tas Sc'ulejnac Eb' Schecab' Jesús Hechos 14:26

Ata x'och eb' 'a yol jun barco. 'Ix japx eb' 'a chon̈b' Antioquía jun 'ejm xo. Atn 'a jun chon̈b' chi sc'anjnac can eb' creyente swach'c'ojlal Dios 'a yib'n̈ eb', yic x'at yalnc can 'el eb' spaxti Dios. Al ticnec, 'ix lajw 'el'ch jun smunljel eb' cha.

A Tas Sc'ulejnac Eb' Schecab' Jesús Hechos 15:40

Ax Pablo, 'ix si'n 'elt Silas 'a scal eb' creyente, yic tz'at yet'oc. Ax eb' creyente cha, 'ix sc'an eb' swach'c'ojlal Dios 'a yib'n̈ eb'. Xlajw xoj cha, x'at eb'.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

A Tas Sc'ulejnac Eb' Schecab' Jesús Hechos 20:32

Al ticnec ex wu'tac, tzex wa'cn 'ab'enal 'a yol sc'ab' Dios. A 'oj e tan̈wni yet' spaxti'. Yuj spaxti cha, caw tzch'ox swach'c'ojlal 'ayn̈ec, yujto 'ay spoder spaxti chi ya'n qui te'nalec. Yuj cha, 'oj yac' wal jun yic 'ayex, yujto 'ay eyaln eyic yet' jun tzo'n̈ eb' sic'b'ilx 'el yu'uj.

A Tas Sc'ulejnac Eb' Schecab' Jesús Hechos 4:36

'Ay jun creyente José sb'i, 'ix 'ajx sb'ic can Bernabé yuj eb' schecb' Jesús. A Bernabé, tzyal 'el'chi, 'A'm Niwnc'ojlal. A jun cha, yin̈tl Leví 'aj Chipre.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 1:17

A yic in nan jun tzo'n̈ tic, ¿tom ton̈j in b'al najnac tze na'a? ¿Tom tze na'a, to ton̈j tzin na jun tzo'n̈ tic 'icha tzna junc comn 'anma'? ¿Tom tze na'a, to inye, xin chi, tzwaln paxi to ma'ay, xin chi?

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Dt 30:20

Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

A Scarta San Pablo D'a Eb' Aj Colosas 1:6

A jun 'ab'x yic colnb'il alb'ilx 'ayex, wan yalx 'a junjn lugar 'a yolyib'n̈q'uinl tic. 'Icha junc te tzq'uib'i, tzya'n sat, 'ixta tz'aj jun 'ab'x tic 'a eb' tz'ab'ni. An̈jtona', 'ixta x'aj 'ayex, yictax e b'ab'l 'ab'ni, chajtlto niwn swach'c'ojlal Dios. Yujto nachjnac 'el eyu'uj, to caw yel 'ay swach'c'ojlal cha.

2 Ti 3:10

Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc.

Josué 22:5

Cojn jun tas tzwal 'ayex, to tzeyicljn̈ej jun tzo'n̈ checnb'il, yet' jun tzo'n̈ ley xya'cn Moisés 'ayn̈ec, atn win schecb' Jehová. Tzyal 'el'chi, to caw tze chamc'ojlej Jehová qui Diosalec, b'eylb'ejc sb'eyb'al, tzeyiclni pax schecnb'il 'a smasnil e c'ojol, yet' wal 'a smasnil e nab'en, xchi 'a eb'.

Josué 23:8

'Ochn̈ec tza'n yuj Jehová Dios, 'icha wal on̈ 'ajc qui b'eycot 'a yictax yalan̈, masnto ticnec.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

3 Jn 1:4

A yic tzwab'ni, chajtlto a eb' chajnac Cristo wu'uj, an̈ja sb'eylb'an eb' jun cuynb'il caw yel, yuj cha, caw tzin tzalji. May junc xo 'aj tzjaw in tzaljc'ojlal 'ixta', yujto 'icha to wunnal eb'.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.