A Tas Sc'ulejnac Eb' Schecab' Jesús Hechos 10:37 - Chuj San Sebastian Bible

³⁷ Ax xo tic, 'in eyojtac, tas 'ix sb'o Dios 'a qui lugar an̈ israel on̈ tic on̈. A 'a Galilea 'elnc yich, yic slajw yaln can 'el Juan spaxti Dios, yic slajw ya'n bautisar eb' 'anma'.

Chuj San Mateo Bible

³⁷ A exxo tic, ina eyojtac tas ix sc'ulej Dios d'a co lugar. A d'a Galilea elnac yich, ayic slajvinac yalancanel slolonel Dios vin̈aj Juan, a slajvinac yac'an bautizar eb' anima vin̈.

A Tas Sc'ulejnac Eb' Schecab' Jesús Hechos 10:37 ပူးပေါင်းရင်းမြစ်များ

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 3:6

'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

Lc 23:5

Palta caw yelc'ojlal xyalx eb' jun 'ejm xo 'ixtic: —A win tic, smasnil eb' 'anma 'aj Judea, wan somchj 'el eb' yuj jun tzo'n̈ cuynb'il tzyac' winac. At xo 'a Galilea x'el yich jun tzo'n̈ cuynb'il tic tzyac' winac, masnto xjaw 'a tic, xchi eb' 'a winac.

Lc 4:14

'Ix paxx Jesús 'a Galilea, caw 'aych Yespíritu Dios yet'oc, c'uxn xpucl yab'xil 'a jun lugar cha.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

A Tas Sc'ulejnac Eb' Schecab' Jesús Hechos 26:26

Ax rey Agripa tic, yojc xon jun tzo'n̈ tic si'mb'il. Yuj cha, caw te'n tzwutj in b'a waln jun tzo'n̈ tic 'a yojltac. A jun tzo'n̈ tzwal tic, man̈ c'ultacc yaji, c'uxn yojc eb' 'anma smasnil. Yuj cha wojtac, to yojc pax win rey tic.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.