A Tas Sc'ulejnac Eb' Schecab' Jesús Hechos 10:33 - Chuj San Sebastian Bible

³³ Xlajwn̈ej cha, xin checn 'at eb' in checb' ach sayq'ui. Yuj wal dios 'ayach, caw xa yiclj a jawi. A ticnec, 'ayn̈ec 'ec' qui masnil 'a sat Dios. Yuj cha, tzqui nib'j tzcab' on̈, jantcn̈ej tas alb'il yuj Cajlilec 'ayach, al 'ayn̈ on̈, xchi 'a 'a.

Chuj San Mateo Bible

³³ Slajvi chi', in checanb'at eb' in checab' ach sayeq'ui. Yuj val dios d'ayach ix a c'anab'ajej a coti. A ticnaic, ayon̈ ec' co masanil d'a yichan̈ Dios Cajal. Yuj chi' sco snib'ej scab'i jantacn̈ej tas alb'ilcan d'ayach yuuj, yic tzalan d'ayon̈, xchi vin̈aj Cornelio chi' d'a vin̈.

A Tas Sc'ulejnac Eb' Schecab' Jesús Hechos 10:33 ပူးပေါင်းရင်းမြစ်များ

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

Pr 1:5

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Pr 18:15

Toto jeln on̈ec, tz'ilchj jelnal chi cujec, yujto tzca'c 'och 'a qui c'ojl qui cuyni.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Mt 18:4

Yuj cha, a eb' 'emmquil tzyutj sb'a 'icha jun 'unn tic, an̈j eb' caw niwn yel'ch 'a scal eb' 'aych 'a yol sc'ab'.

Mt 19:30

'Ay eb' 'anma niwn yel'ch 'a qui calc ticnec. Palta a eb' cha, niwn eb' toxn may jac yel'ch 'a yic jun tiempoal cha. An̈jtona', 'ay eb' may jac yel'ch 'a qui calc ticnec. Palta a eb' cha, niwn eb' caw 'ay yel'ch 'a yic jun tiempoal cha, xchi Jesús 'a eb'.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

A Tas Sc'ulejnac Eb' Schecab' Jesús Hechos 10:32

Al ticnec, checb't jaywn̈oc winc 'a chon̈b' Jope, 'at yi' cab' cot eb' Simón, tzcuch pax Pedro. 'Ayc' 'a yatut jun sq'uexul, atn win b'om tz'u'um. A yatut win cha, ata 'ay 'a sti a mar. [A Pedro cha, 'ay tas 'oj wul yal 'ayach,] xchi 'ayin.

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.

A Tas Sc'ulejnac Eb' Schecab' Jesús Hechos 28:28

Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

Gl 4:14

'Ac'b'ilx prowal yuj jun in yailal cha, palta ma'in e patquilj can 'el yu'uj. May tas eyal paxi, to may wel'ch 'a e sat. 'Icha tzcutj qui chan junc yángel Dios tzjawi, 'ixta eyutjnacn in e chani. 'Icha Jesucristo, 'ixta in 'a e sat in c'ochi.

Dt 30:13

An̈jtona', man̈oc pax 'a sc'axpil 'ec' a mar 'ay, sec matz eyal 'ixtic: ¿Mach wal junc tztac' sc'axptan 'ec' a mar tic cujec, yic tz'at yab'nc 'e'ta, tzlajw cha, tzyaln pax cab'ec, sec wach' tzqui yicljec? sec man̈ xe chioc.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.