Abdías 1:12 - Chuj San Sebastian Bible

¹² Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Chuj San Mateo Bible

¹² Comonoc maj ex tzevajoc ayic ix eyilan tas ix aj eb' e c'ab' eyoc chi', d'a jun c'u ayic ix javi yaelal d'a yib'an̈ eb' aj Judá. Comonoc maj ex tzalajoc ayic ix lajviem eb' d'a jun c'u chi'. Comonoc maj ex b'uchvaj d'a eb', ayic ayoch eb' d'a syaelal.

Abdías 1:12 ပူးပေါင်းရင်းမြစ်များ

Job 18:20

A yic 'oj 'ab'xoc yab'xil yuj eb' 'anma', 'oj xiw chan̈ eb' cajn 'a stojlal 'aj tzq'uel c'u, yet' eb' cajn 'a stojlal 'aj tz'em c'u.

Job 31:29

May 'aj in tzalji yic x'och syailal eb' 'ajc'ojl yajch 'ayin, may 'aj in tzalji yic xlaj jaw syailal eb' 'a yib'an̈.

Salmos 22:17

Tztac' in b'isn smasnil in b'aquil. Ax eb' 'ajc'ojl cha, caw tzalj eb' in yiln 'ochi.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Salmos 35:15

Palta ax yic in telw 'ejm yuj in yailal, 'ix q'ue somnjoc eb' in stzetzn smasnil; 'icha to chuc 'anmal eb', coynto man̈ in yojcoc eb', toc tzyactj eb' in sb'ajni.

Salmos 37:13

Palta ax Jehová, ton̈j tzewj yuj eb', yujto yojtac to a eb' tzb'on maysch'olnil cha, jaye xoj c'u 'ayc' eb'.

Salmos 54:7

yujto in a colcn 'elt 'a scal smasnil in somc'ojlal. Xwil slajw can 'el eb' 'ajc'ojl yajch 'ayin.

Salmos 59:10

Tzin a chamc'ojlej, ach 'oj a b'ab'lj wu'uj, ax a'n wila', tas 'oj 'aj slajw 'el eb' 'ajc'ojl yajch 'ayin.

Salmos 92:11

'Oj wil tas wal 'oj 'aj eb' 'ajc'ojl chi slajw 'eli. 'Oj wab' wal yel yaw' eb' xb'on maysch'olnil cha.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Is 37:24

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw niwc stel 'a yol yic Líbano. Xin ch'acn te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ayb't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

Lm 2:16

Smasnil eb' 'ajc'ojl yajch 'a 'a, tzlaj yal eb' tu paxti 'a 'a. Tzlaj xulmjoc eb', tzlaj pax ch'umnjoc eb', tzlaj yaln eb' 'ixtic: 'Ix qui satc 'ejm jun chon̈b' tic 'a jun 'ejmn̈ej. Atn jun c'ul tic tan̈b'il xon cujec; al ticnec, wan quilnec tas tz'aji, xchi eb'.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Ez 35:12

An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi.

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Miqueas 4:11

A ticnec, caw niwn eb' nacion̈ jun tzyutj sb'a, yujto 'oj 'och eb' 'ajc'ojlal 'ayex, tzyaln eb' 'ixtic: 'Oj ca'c wal qui nab'en quiln tas 'oj 'aj Jerusalén slajw 'ejmi, xchi eb'.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Santiago 3:5

An̈jtona', 'ixta pax qui ti'ec. Jab' wali, palta til wal tzann̈j tas tztac' yu'uj. Q'uinloc 'ay jac snich c'ac' ticnec, tz'elcn 'a junc tzalan. Wach'xam caw jab', palta til wal tas tz'a yu'uj.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.