2 Ts 3:9 - Chuj San Sebastian Bible

⁹ Wach'xam 'ay caln quic qui c'ann qui gasto 'ayx on̈, palta caw on̈ munlj yet' qui c'ab' on̈. 'Ixta cutjnac qui ch'oxn jun wach' b'eyb'al 'ayex, sec wach' tze b'eylb'ej qui b'eyb'al chi 'on̈.

Chuj San Mateo Bible

⁹ Vach'chom ay calan quic co c'anan co gasto d'ayex, palta munlaj on̈ yed' co c'ab'. Icha chi' cutejnac co ch'oxan jun vach' b'eyb'al d'ayex, yic vach' tze c'anab'ajej co b'eyb'al chi'.

2 Ts 3:9 ပူးပေါင်းရင်းမြစ်များ

Mt 10:10

man̈ eyic' e pa tzex 'ati. Junn̈j e camx tzeya'chi, tzex 'ati. Man̈ eyic' jun mojn̈ocx e xan̈ab'. Man̈ eyic' e c'ococh. Tzwal jun tzo'n̈ tic 'ayex, yujto a eb' tzmunlji, smoj tzchaj eb' tas tzc'uxu.

Jn 13:15

Xin ch'ox jun tic 'ayex, sec wach' 'icha tzex wutj tic, 'ixta 'oj eyutc e b'a 'ayx jun xo.

1 Co 4:16

Yuj cha, tzin tew 'ayex, caw tze b'eylb'ej in b'eyb'al tic.

Gl 6:6

A eb' tzon̈ cuynec 'a spaxti Dios, yowlal tzon̈ colwjec ca'n jun tzo'n̈ tas wach' 'a eb'.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.

2 Ts 3:7

Eyojc xo, smoj tze b'eylb'ej qui b'eyb'al on̈, yujto man̈ 'isjoc 'ec' cutjnac qui b'a 'a e cal on̈.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.

A Sb'ab'el Carta San Pedro 5:3

Matz tac' ton̈j yajl tzeyutj e b'a 'a eb' creyente 'ay 'a yol e cuenta cha. Palta tze ch'ox jun wach' b'eyb'al yil eb', sec 'oj sb'eylb'oc pax eb' jun xo.