2 Ts 3:2 - Chuj San Sebastian Bible

² Tze c'an 'a Dios cuj on̈, sec 'oj qui colchj 'el 'a yol sc'ab' eb' maysch'olnil snab'en on̈, eb' tu tzyutj snab'en 'ayn̈ on̈. Yujto man̈ smasnilc 'anma tz'a'n 'och 'a sc'ojol.

Chuj San Mateo Bible

² C'anecn̈ej pax d'a Dios cuuj, yic ol on̈ colchajel d'a yol sc'ab' eb' te chuc spensar. Yujto man̈ masaniloc anima tz'ac'anoch Dios d'a sc'ool.

2 Ts 3:2 ပူးပေါင်းရင်းမြစ်များ

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

A Tas Sc'ulejnac Eb' Schecab' Jesús Hechos 13:45

Palta ax xyiln eb' israel, chajtlto til wal 'anma 'ix syam sb'a. Yuj cha, 'ix chichn 'och eb' 'a Pablo cha. 'Ix cob' yalnc eb' to yes. Ton̈j xb'uchwj eb' 'a 'a.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

A Tas Sc'ulejnac Eb' Schecab' Jesús Hechos 14:2

Palta 'ay eb' israel ma'ix 'a'n 'och 'a sc'ojol. 'Ix ya'n eb' sc'ojloc jun tzo'n̈ eb' man̈ israeloc, sec tzchichn 'och eb' 'a eb' creyente cha.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

A Tas Sc'ulejnac Eb' Schecab' Jesús Hechos 25:27

¿Tom 'oj stac' wa'n 'at junc mach 'aych 'a preso, toto matz in tz'ib'j 'at tas smul tz'och 'a yib'an̈? xchi win Festo cha.

A Tas Sc'ulejnac Eb' Schecab' Jesús Hechos 28:24

'Ay eb' x'a'n 'och 'a sc'ojol tas 'ix yal Pablo. 'Ay pax eb' ma'ix chan 'ab'nc tas 'ix yala.

Ro 10:16

Palta man̈ smasnilc eb' tzyiclni jun 'ab'x yic colnb'il tic. 'Icha yaj yaln can Isaías: Mamin, ¿toc 'ay mach xchan 'ab'nc tas 'ix cal on̈? xchi.

Ro 15:31

Tze c'an 'a Dios wu'uj, sec 'oj in scolcn 'el 'a yol sc'ab' eb' man̈ creyenteoc 'aj Judea. Tzex leslwi pax yuj jun ofrenda tic 'oj wi't 'a eb' creyente 'a Jerusalén, sec tzaljc'ojlal 'oj scha eb'.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

1 Ts 2:18

'Ix ca'lj qui 'at on̈. 'Ixta pax in an Pablo in tic, til wal 'ejm xwa'lj in 'ati. Palta a win Satanás, ma'on̈ chan 'at on̈.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.