2 Ti 3:17 - Chuj San Sebastian Bible

¹⁷ 'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.

Chuj San Mateo Bible

¹⁷ Icha chi' yopisio Slolonel chi', yic a on̈ yic on̈xo Dios, tz'acan snachajel cuuj, syaln̈ej pax co c'ulan jantacn̈ej tas vach'.

2 Ti 3:17 ပူးပေါင်းရင်းမြစ်များ

Nehemías 2:18

A yic xwaln 'a eb' chajtlto xyac' Dios swach'c'ojlal 'a wib'an̈, yet' tas 'ix yal win rey 'ayin, 'ix ta'w eb', xyaln eb' 'ixtic: —Qui'c 'el yich qui b'oni, xchi eb'. Yet' swach' nab'enal eb' 'ix yiptzan sb'a junjn eb'.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

2 Co 9:8

A Dios, tztac' ya'n smasnil tas 'ayx yuj swach'c'ojlal, tzya'n jantcn̈ej tas 'ay tz'och eyuj 'a smasnil tiempo. Caw tzyac' sobra 'ayex, yuj cha, til wal tas wach' 'aj tzex colwji.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

2 Ti 2:21

'Icha jun tzo'n̈ yamc'ab' cha, 'ixta 'on̈. Toto tzcactj can smasnil maysch'olnil, ax 'a sat Cajlil, caw 'ay quel'chi. An̈j 'ayn̈ yico', caw 'ay copiso yu'uj, yujto tzann̈j tas tznib'ej, lista caj qui b'oni.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Tito 3:1

Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

A Ch'an̈ Carta D'a Eb' Hebreo 10:24

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.