2 Ti 2:8 - Chuj San Sebastian Bible

⁸ Caw tza na cot Jesucristo, atn jun yin̈tl David pitzwnac pax 'a scal eb' chamnac. 'Ixta tzyal jun wach' 'ab'x yic colnb'il tzwal-li.

Chuj San Mateo Bible

⁸ Tza navalcot Jesucristo, aton yin̈tilal vin̈aj rey David, ix pitzvixi d'a scal eb' chamnac. Icha chi' syal jun vach' ab'ix yic colnab'il svalel tic.

2 Ti 2:8 ပူးပေါင်းရင်းမြစ်များ

Mt 1:1

A jun libro tic tzaln cot yab'xil Jesucristo yin̈tl can David, yin̈tl pax Abraham. Atn sb'i eb' smam yichm Jesucristo tic.

Lc 24:46

'Ix yaln pax 'a eb' 'ixtic: —A 'a Ch'an̈ U'un̈, ata tz'ib'b'il can wab'xil an Cristo in tic, chajtlto yowlal in chami, ax 'a schab'jial in pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 13:23

Ax Jesús, yin̈tl can David cha, a Dios 'a'jnac yopiso qui Colmalc an̈ israel on̈c tic, 'icha yaj ya'n can sti'.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Tas Sc'ulejnac Eb' Schecab' Jesús Hechos 2:30

Palta a win David cha, 'ac'b'il yopiso yaln cani, tastc 'oj jawoc. Yojtac, to caw yel, ya'jnac can Dios sti 'a 'a, chajtlto a Cristo 'oj 'elcn yin̈tloc, ax yochcn reyl sjelc winac.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

1 Co 15:1

Al ticnec, ex wu'tac, ex wanab', tzin nib'j tze na cot jun wach' 'ab'x yic colnb'il waljnac 'ayex. A jun 'ab'x tic, e chajnac xo, caw te'n exx 'a ticnec.

1 Co 15:4

'Ix mucxi, palta 'ix pitzw pax 'a schab'jial, 'icha yaj stz'ib'x can cha.

2 Ts 2:14

Yuj jun wach' 'ab'x yic colnb'il 'ec' caljnac 'ayx on̈, a Dios ex 'awtn 'och yico'oc, sec wach' 'oj tz'acwc e wach'l 'icha swach'l Cajlil Jesucristo.

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

1 Ti 2:7

Yuj wal jun tic, x'ajx wopiso waln 'el jun 'ab'x tic. In 'ajx 'och schecb'oc Jesucristo. Yuj cha, x'ajx pax wopiso in cuyn eb' man̈ israeloc 'a jun cuynb'il caw yel, sec tzya'ch eb' sc'ojl 'a Cristo. Caw yel tzwala, yujto 'aych in c'ojl 'a Cristo. Man̈ 'esc tzwac'a.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

2 Ti 2:7

A jun tzo'n̈ tic tzwalb't 'ayach, tza na wal si'mb'il. Ax Cajlil, a 'oj 'a'nc nachjc 'el oj smasnil.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.