2 Ti 2:24 - Chuj San Sebastian Bible

²⁴ A eb' tz'a'n servil Cajlil, matz tac' scomn 'a'n 'och sb'a eb' 'a scal owal. Yowlal manso tzyutj sb'a eb' 'a smasnil 'anma'. Yowlal wach' tzyutj cuywjoc sb'a eb', niwn pax tzyutj eb' sc'ojol.

Chuj San Mateo Bible

²⁴ A mach tz'ac'an servil Cajal Jesús, max yal scomon ac'anoch sb'a d'a scal oval. Yovalil emnaquil syutej sb'a d'a masanil anima. Yovalil vach' syutej sc'ayb'an eb' anima, nivanocab' pax syutej sc'ool.

2 Ti 2:24 ပူးပေါင်းရင်းမြစ်များ

2 Cr 24:6

Yuj cha, xya'n win rey 'awtxoc cot Joiada sat ya'mal 'och sti eb' 'anma 'a Dios, xyaln 'a 'ixtic: —¿Tas yuj matz a'ch 'a a c'ojl eptzan eb' levita yic tz'at yi'noc eb' q'uen ofrenda 'a yol yic Judá yet' 'a Jerusalén tic? A Moisés win schecb' Jehová, a aljnac cani to a smasnil eb' quit israelal to yowlal tzyac' eb' q'uen tumn yuj sb'omb'il mantiado yic strato Dios, xchi win rey.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Mt 12:19

May 'aj 'oj yac' owal. May 'aj 'oj q'ue yaw, may mach 'oj 'ab'noc sjaj 'a yol caye.

Jn 6:52

Ax eb' 'aj Judea cha, 'ix laj stej sb'a eb' yuj tas 'ix yal cha. 'Ix laj yalnc eb' 'ixtic: —A wal jun winc tic, ¿tas wal 'oj yutc ya'n qui chi schib'jal chi snani? xchi eb'.

A Tas Sc'ulejnac Eb' Schecab' Jesús Hechos 15:2

Ax Pablo yet' Bernabé, caw 'ix stej sb'a eb' yet' ewinac, palta ma'ix b'o yuj eb'. Yuj cha, xyaln eb' creyente, chajtlto tz'at Pablo 'a Jerusalén yet' Bernabé. Tz'at pax jun tzo'n̈ xo eb' creyente yet' eb' yic tz'at sc'anb'noc eb' junc nab'en 'a eb' schecb' Jesús, yet' 'a eb' anciano 'a jun iglesia cha.

A Tas Sc'ulejnac Eb' Schecab' Jesús Hechos 23:9

Ax eb' smasnil, 'ix q'ue somnjoc eb' yalni. 'Ay jun tzo'n̈ eb' cuywjum 'a ley yic Moisés, yitb'eym sb'a eb' yet' eb' fariseo, 'ix q'ue wan eb', 'ix yaln eb' 'ixtic: —Toxn may jac maysch'olnil 'ix sb'o win Pablo tic, toq'ue 'ay junc espíritu, mto junc ángel xaln 'a 'a. [Yuj cha, matz tac' ca'n owl yet' Dios,] xchi eb'.

A Tas Sc'ulejnac Eb' Schecab' Jesús Hechos 7:26

Ax 'a yic junx c'u, 'ix c'och 'a chawn̈ xo eb' yit chon̈ab'. 'Ix yilni, wan ya'n eb' owal. Tznib'j Moisés tzcan eb' 'a junc'ojlal. Yuj cha, xyaln 'a eb' 'ixtic: Ex winac, ¿tas yuj tzeyac' owal? 'In eyit chon̈b' e b'a, xchi 'a eb'.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

2 Co 6:4

Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.

A Scarta San Pablo D'a Eb' Aj Filipos 2:14

A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Scarta San Pablo D'a Eb' Aj Colosas 3:13

Matz tac' qui pacnec qui b'a 'a eb'. Toto 'ay pax eb' 'ijn tzcac' owl yet'oc, yowlal tzca'c niwnc'ojlal 'a eb'. 'Icha xyutj Cristo ya'n niwnc'ojlal 'ayn̈ec, 'ixta tzcutjec qui b'a ca'n niwnc'ojlal jun xo.

1 Ts 2:7

Caw 'emmquilal 'ec' cutjnac qui b'a 'ayx on̈. 'Icha junc 'ix, tzya'ilj sq'uib'tzan yune', 'ixta cutjnac qui b'a 'ayx on̈.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

Tito 1:7

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil.

Tito 1:9

Yowlal tzya'ch eb' snab'en 'a jun cuynb'il caw yel, atn jun 'ajxnac scuy eb'. Yowlal 'ixta tzyutj sb'a eb', sec tztac' ya'n eb' snab'enoc jaywn̈ocx eb' yet' jun cuynb'il caw wach'. Ax ya'n ganar eb' yaln 'a eb' 'anma tzchichn 'ayon̈.

Tito 3:2

Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 4:2

Tze nib'j 'och junc tas, palta matz 'ajx 'ayex. Yuj cha, tecn 'ayx 'oj e mil cham junc xo 'anma'. Caw 'aych e nab'en e nib'n 'och jun tzo'n̈ maysch'olnil, palta matz eyac' ganar yajx 'ayex. Yuj cha, tzlaj ex 'och 'ajc'ojlal 'ayex, tzlaj eya'nc owal. Matz 'ajx 'ayex, yujto matz e c'an 'a Dios.

Josué 1:1

A yic tox xcham Moisés win schecb' Dios, ax 'a Josué win yunnal Nun, win colwjum 'a Moisés, ata xpaxtin pax Jehová, xyaln 'ixtic:

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.