2 Ti 2:19 - Chuj San Sebastian Bible

¹⁹ 'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Chuj San Mateo Bible

¹⁹ Icha yipumal yich junoc pat man̈ jab'oc tz'ib'xi, icha chi' yutejnac Dios yac'anem yipumal yich yiglesia. A d'a yiglesia chi' ayoch jun sello, aton jun tz'alan icha tic: A Cajal Jesús toxonton yojtac mach eb' yictaxoni, xchi. Syalanpax icha tic: A mach tz'alani to yic Cristo, yovalil syactejcan masanil chucal, xchi jun sello chi'.

2 Ti 2:19 ပူးပေါင်းရင်းမြစ်များ

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 112:6

A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

Salmos 34:14

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

Salmos 37:18

A Jehová a 'ojtnac jantc sq'uinl eb' tojl sb'eyb'al, ax tas smacl eb' yaji, 'ayc'n̈ej 'a jun 'ejmn̈ej.

Salmos 97:10

An̈ec tzqui chamc'ojlej Jehová, qui yajc can 'el maysch'olnil. A eb' yiclum tzyutj sb'a 'a 'a, 'oj tan̈wxoc eb' yu'uj, a 'oj colnc 'el eb' 'a yol sc'ab' eb' tu snab'en cha.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 63:19

'Icha xo wal to man̈oc ach tzac' yajlil 'a quib'n̈ on̈, 'icha wal to may 'aj xb'inaxi toto ec on̈ on̈.

Is 65:15

A eb' sic'b'il 'el wu'uj, 'oj sc'anlb'oc eb' e b'i yic tzcatb'an eb' junc xo 'anma', an Jehová in, an 'oj ex wac' milxoc chamoc. Palta ax eb' in checab', 'oj in jel-l sb'i eb', 'oj wac' junx 'ac' b'i 'a eb'.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Hageo 2:23

An Jehová in, tztac' wuj smasnil, an tzwal 'ayach: Ach in checb' Zorobabel, to a 'a yic jun c'ul cha, 'oj wa'ch opiso, ach 'oj och yajlilc in jeloc, yujto an ach in si'cn 'eli, xchi Jehová 'a win gobernador cha.

Zacarías 3:9

An tzwa'ch 'a yojltac Josué, jun q'uen q'uen to uque spac'b'il. An Jehová in, tztac' wuj smasnil, an 'oj in tz'ib'c 'och jun tzo'n̈ paxti tic 'a 'a. Junn̈j c'u 'oj wi'l smul eb' cajn 'a jun nacion̈ tic.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Mt 28:19

Yuj cha, 'ixquec cuywjoc 'a junjn chon̈ab', sec 'oj laj 'och eb' in cuywumoc. Tzlaj eyac' bautisar eb' 'a sb'i Dios Mamb'il, 'a sb'i Dios 'Unnab'il, an ton tic, yet' 'a sb'i Yespíritu Dios.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Mt 7:25

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Palta ma'ix telwi, yujto a 'a yib'n̈ stzatzl lum b'ob'il q'ue'i.

Mr 12:16

Yuj cha, xch'oxn eb' jun tumn cha, ax Jesús, 'ix sc'anb'n 'ixtc 'a eb': —¿Mach yechl jun tic 'aych 'a sat jun tumn tic? ¿Mach sb'i pax jun tz'ib'b'il 'och tic? xchi 'a eb'. —Atn yechl win yajl 'a Roma, yet' sb'i tic, xchi eb'.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Lc 13:27

Palta 'oj yalnc pax 'ayex: 'In tox xwal 'ayex, man̈ ex wojcoc, 'ajm 'ay ex. 'Eln̈ec e masnil ex tze b'o maysch'olnil, 'oj schic 'ayex.

Lc 6:48

Lajn 'oj 'aj eb' 'icha junc winc 'ix sb'o yatut, 'ix sjoyl lu'um, masnto xcheclj stzatzl yich lu'um. Axta 'ix sb'o 'ejm yipnub'al yich yatut cha. Xlajw sb'o yatut cha, ax a niwn a tzb'ey 'a stz'ey, 'ix q'uib' chan̈ a', caw ow xjaw chel-loc a 'a yich, palta ma'ix 'ib'x xon jac jun n̈a chi yuj a', yujto caw wach' yaj 'ejm yipnub'al yich 'a stzatzl lu'um.

Jn 10:14

An tic, lajn in yet' junc 'ilm calnelu caw wach'. Ax eb' 'anma to yajnacx 'och sc'ojl 'ayin, 'icha in calnelu yaj eb'. A 'in Mam, yojc in. An̈jtona 'in, wojc pax in Mam cha. 'Icha wojc in b'a yet' in Mam cha, 'ixta wojc in b'a yet' eb' wic jun xo. 'Oj wac' cham in b'a yuj eb' wic cha.

Jn 13:18

—Matz wal eyuj e masnil, yujto wojtac, machx sic'b'ilx xo 'el wu'uj. Palta yowlal 'oj 'el'choc tas tz'ib'b'il can 'a Ch'an̈ U'un̈, 'a 'aj tzyal 'ixtic: A jun in wach'c'ojl to junn̈j tzin wa yet'oc, 'ix meltzj 'och 'ajc'ojlal 'ayin, xchi.

Jn 3:33

Toto 'ay eb' tzchan 'ab'nc 'a 'a, tzyac' testigoal sb'a eb' yu'uj, chajtlto caw yel tzyal Dios.

A Tas Sc'ulejnac Eb' Schecab' Jesús Hechos 11:26

Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.

A Tas Sc'ulejnac Eb' Schecab' Jesús Hechos 15:17

sec a eb' man̈ israeloc, 'oj ya'ch eb' snab'en 'ayn an Yajl in tic, atn jantcn̈ej eb' sic'b'il xon 'el wuj wico'oc 'a junjn nacion̈.

A Tas Sc'ulejnac Eb' Schecab' Jesús Hechos 9:14

A ticnec 'ix jaw win 'a tic. 'Ix 'ajx yopiso yuj eb' sat ya'mal 'och qui ti 'aych on̈, yic tzyamn win jantcn̈ej eb' tzyal sb'a 'ayach, xchi.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Ro 15:20

Yujto caw tzwac' 'ip waln 'el wach' 'ab'x yic colnb'il 'a junjn lugar 'ajtil mantzac yab' eb' yab'xil Cristo. Matz in nib'j tz'ec' wal-l 'a jun tzo'n̈ lugar 'ajtil tox x'ec' yal-l jun tzo'n̈ xo eb'.

Ro 15:9

An̈jtona', yuj pax eb' man̈ israeloc swulc' Cristo, sec wach' tzyal eb' wach' paxti 'a Dios, yujto 'ix 'o'ch sc'ojl 'a eb'. Yujto tzyal 'ixtc 'a Ch'an̈ U'un̈: Yuj cha, tzwaln wach' paxti 'aych 'a scal eb' 'anma 'a junjn nacion̈, tzin b'itnan pax wal a b'i, xchi.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ef 3:15

A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

1 Ti 6:19

Toto tzb'eylb'ej eb' 'icha tzwal tic, to 'ixta', wan smolb'tzan eb' jun sricoal 'oj scha 'a yic b'aq'uin̈. Ax schan pax eb' sq'uinl 'a jun 'ejmn̈ej.

A Ch'an̈ Carta D'a Eb' Hebreo 11:10

A Abraham cha, stan̈wjnac junx chon̈b' 'ay 'ejm yipnub'al yich, atn jun 'ayc' 'a jun 'ejmn̈ej. A Dios, a najnac cani, chajtl 'ajnc sb'o jun chon̈b' cha, yujto a b'ojnac paxi.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.

Apoc 22:4

'Oj yil wal eb' sat. 'Oj 'och sb'i 'a snan̈l sat eb'.

Apoc 3:8

Wojtac, jantcn̈ej tas tze b'o'o. 'Ay jun puerta 'a eyojltac 'ix in jaca. May mach tztac' scomn macni. Wojtac, wach'xam jab' wal e te'nal, palta yiclum ex 'a in paxti'. May 'aj xeyala, to man̈ in eyojcoc.