2 Cr 9:8 - Chuj San Sebastian Bible

⁸ Alx cab' wach' paxti 'a Jehová a Diosal to caw tzalj et'oc, yuj cha, ach ya'n 'och reyl sjeloc. Yuj schamc'ojlal 'a chon̈b' Israel tic, yic tzb'inax sb'i 'a smasnil tiempo, yuj cha, ach ya'n 'och reyal, sec wach' tzac' reyl 'a swach'il yet' 'a stojlal, xchi 'ix.

Chuj San Mateo Bible

⁸ Alchajocab' vach' lolonel d'a Jehová a Diosal, ste tzalaj ed'oc, yuj chi' ix ach yac'och reyal yic tza ch'oxan yajalil. Te xajan chon̈ab' Israel tic yuj a Diosal chi', yujto snib'ej to ayn̈ej ec' jun chon̈ab' tic d'a masanil tiempo, yuj chi' ach yac'och sreyaloc, yic tzac'an reyal d'a svach'ilal yed' d'a stojolal, xchi ix reina chi'.

2 Cr 9:8 ပူးပေါင်းရင်းမြစ်များ

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

1 Cr 17:22

Yujto ach 'ix on̈ a'cn 'och an̈ israel on̈ tic a chon̈b'oc 'a jun 'ejmn̈ej, ach tic Mamin Jehová, qui Diosal ach on̈.

1 Cr 28:5

Til wal eb' wunnal 'ix yac' Jehová 'ayin, ax 'a scal smasnil eb' wunnal cha, a Salomón a 'ix si'cn 'eli, sec to a 'oj 'em wocn 'a despacho yic tzch'oxn 'el yopiso Jehová 'a yib'n̈ qui nacion̈.

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

1 Cr 29:20

Xlajw cha, 'ix yaln David 'ixtc 'a smasnil eb' 'anma': A ticnec ex wit chon̈ab', alc wach' paxti 'a Jehová qui Diosalec, xchi. Xlajw cha, 'ix yaln smasnil eb' 'anma wach' paxti 'a Dios, atn sDiosal eb' yet' smam yicham. 'Ix 'em cumn eb' 'a yojltac Dios yic 'ayc' eb' 'a yojltac win rey cha.

1 Cr 29:23

'Ixtnta 'ix 'aj yochcn Salomón reyl 'a sdespacho Jehová sjelc David, atn smam. Caw wach' 'ix 'el'ch yet' yopiso cha, 'ix syiclj smasnil eb' israel 'a 'a.

2 Cr 13:8

A ticnec, a 'e nani to 'oj stac' eya'n owl quet' an̈ yin̈tl on̈ David tic on̈, 'ac'b'il jun 'opiso chi yuj Jehová 'a yol qui c'ab' on̈, yujto ax tic caw niwn e b'eyi, eyet' pax jun tzo'n̈ yechl wacx to nab'a oro b'ob'il yuj Jeroboam yic tz'och e diosaloc.

2 Cr 2:10

'Oj wa't tas 'oj sc'ux eb' a munljum cha. 'Oj wa't 60 mil quintal 'ixm trigo, an̈jtona', 'ixta pax 'ixm cebada, 110 mil galón yal uva, an̈jtona', 'ixta pax aceite, xchi Salomón.

2 Cr 2:11

Xlajw cha, 'ix ya'n cot win Hiram sreyl Tiro jun ch'an̈ carta 'a Salomón, tzyaln 'a 'ixtic: Ach rey Salomón, a Jehová ach 'a'n 'och reyl 'a yib'n̈ chon̈b' Israel, yujto caw 'ay schamc'ojlal 'a schon̈ab'.

2 Cr 9:7

Caw wach' yic eb' 'anma tzmunlj 'ayach, caw wach' pax yic eb' a checb' 'ayc'n̈ej a ojltac, yic tzyab'n eb' a jelnal.

2 Cr 9:9

Xlajw cha, xya'n can 'ix jun tzo'n̈ tic 'a rey Salomón: jun ciente quintal q'uen oro, caw niwn perjuma, yet' eb' q'uen q'uen yel xo wach' yilxi. Mant 'a jun 'ejmoc 'ix jaw perjuma 'a chon̈b' Israel, 'icha xyac' 'ix sreinail Sabá 'a rey Salomón.

Salmos 18:19

In a colcn 'elta, in a'n can 'a jun lugar caw lewan 'a 'aj may tzin 'i'ni, yujto tzin a chamc'ojlej.

Salmos 22:8

A jun tic a cob' Jehová a tzya'ch yipc sc'ojol; yuj cha, colx cab' 'el ticnec yu'uj. Toto caw yel nib'b'il yuj Dios, colx cab' yu'uj, xchi eb'.

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Pr 21:3

Toto tzqui b'eylb'ejec wach'il yet' tojlal, a jun tzo'n̈ cha, yel xo tznib'j Jehová 'a yib'n̈ xajmb'al tzca'c 'a 'a.

Pr 29:4

A junc yajl wach' tzyutj sb'eyc'ojlwi, caw wach' yaj schon̈b' cha; palta a junc yajl cojn c'anj 'el tumn tzb'o'o, caw wal tzlajw 'ejm jun chon̈b' chi yu'uj.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Dt 7:8

Yujto 'ay schamc'ojlal Jehová 'ayn̈ec, yuj cha, on̈ yi'n 'elt 'a Egipto 'a 'aj 'ayn̈ec 'och mosoal. Yet' wal spoder on̈ yi'n 'elt 'a yol sc'ab' win rey cha, sec tzyac' 'el'choc tas alb'il can yuj 'a eb' qui mam quichmec 'a pecti'.