2 Cr 9:24 - Chuj San Sebastian Bible

²⁴ A eb' tzjaw 'a junjn ab'il, 'ix yij cot eb' siylab' 'a 'a: 'Icha q'uen plata, oro, pichul, yamc'ab' yic owal, perjuma, no cawyu chej yet' no mula.

Chuj San Mateo Bible

²⁴ Masanil eb' chi' ix yic'cot silab' eb' d'a vin̈ d'a junjun ab'il: Aton q'uen plata, q'uen oro, pichul, yamc'ab' yic oval, perfume, noc' chej yed' noc' mula.

2 Cr 9:24 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ B'ab'el Libro Yic Yab'ixal Eb' Rey 9:14

Ax q'uen oro xya' cot Hiram 'a Salomón, 'aym junc 90 quintal q'ue'en.

2 Cr 17:11

Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

2 Cr 9:23

A smasnil eb' rey cha, 'ix jaw eb' 'a Salomón, yic tzwul yilnc eb', mto wul yab'nc pax eb' jantc wal sjelnal x'ajx yuj Dios.

2 Cr 9:9

Xlajw cha, xya'n can 'ix jun tzo'n̈ tic 'a rey Salomón: jun ciente quintal q'uen oro, caw niwn perjuma, yet' eb' q'uen q'uen yel xo wach' yilxi. Mant 'a jun 'ejmoc 'ix jaw perjuma 'a chon̈b' Israel, 'icha xyac' 'ix sreinail Sabá 'a rey Salomón.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Salmos 68:30

Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Jueces 3:15

masnto xtew eb' 'a Jehová. 'Ixta to b'i'an, xya'n 'och junx colwjum 'a scal eb', atn Aod win surito smunlji, yunnal Guera, yin̈tl can Benjamín. 'Ay jun c'ual, 'ix checx 'at Aod yuj eb' yit chon̈ab' yic tz'at ya'nc jun stojlb'al 'a win Eglón cha.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.